താമരശ്ശേരിക്കടുത്ത പരപ്പൻപൊയിലിൽ സ്ഥാപിച്ച
അർജന്റീന താരം ലയണൽ മെസ്സിയുടെ കൂറ്റൻ കട്ടൗട്ട്
താമരശ്ശേരി: കാൽപന്തുകളിയിലെ രാജാവ് ലയണൽ മെസ്സിയെ 70 അടി ഉയരത്തിൽ സ്ഥാപിച്ച് പരപ്പൻപൊയിലിലെ ആരാധകർ. അങ്ങാടിയിൽ ഗവ. സ്കൂളിന് സമീപത്താണ് ശനിയാഴ്ച വൈകീട്ട് മെസ്സിയുടെ 70 അടി ഉയരമുള്ള കട്ടൗട്ട് സ്ഥാപിച്ചത്. വാദ്യമേളങ്ങളുടെയും ഡി.ജെ മ്യൂസിക്കിന്റെയും വെടിക്കെട്ടിന്റെയും അകമ്പടിയിൽ നൂറുകണക്കിന് ആരാധകർ ഒത്തുകൂടി ക്രെയിൻ സഹായത്തോടെയാണ് മെസ്സിയുടെ ഭീമൻ കട്ടൗട്ട് ഉയർത്തിയത്.
ഇതോടെ 55 അടി ഉയരത്തിലുള്ള നെയ്മറുടെയും 45 അടി ഉയരത്തിലുള്ള ക്രിസ്റ്റ്യാനോ റോണാൾഡോയുടെയും കട്ടൗട്ടുകൾക്ക് മുകളിലായി ലയണൽ മെസ്സി. ഒരുലക്ഷത്തിൽപരം രൂപ ചെലവിലാണ് കട്ടൗട്ട് സ്ഥാപിച്ചിരിക്കുന്നത്. മെസ്സിയുടെ കട്ടൗട്ട് സ്ഥാപിക്കാൻ പരപ്പൻപൊയിൽ മെസ്സി ഫാൻസ് അംഗങ്ങളായ എ.പി. മിദ്‍ലാജ്, കെ.എം.ഉനൈസ്, എ.പി. ആദിൽ, ഹനാൻ കുന്നുമ്മൽ, എം.പി. ഷാദിൽ, കെ.കെ. ഫാസിൽ എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.