വഴിതെറ്റിവന്ന ട്രെയി​ലർ ചുരത്തിൽ കുടുങ്ങി; മണിക്കൂറുകളോളം ഗതാഗതതടസ്സം

ഈ​ങ്ങാ​പ്പു​ഴ: വ​ഴി​തെ​റ്റി​വ​ന്ന 22 ച​ക്ര​മു​ള്ള ഭീ​മ​ൻ ​ട്രെ​യി​ല​ർ ചു​ര​ത്തി​ൽ മ​ണി​ക്കൂ​റു​ക​ളോ​ളം ഗ​താ​ഗ​തം ത​ട​സ്സ​പ്പെ​ടു​ത്തി. സേ​ല​ത്തു​നി​ന്ന് സി​മ​ൻ​റ്​ പൗ​ഡ​റു​മാ​യി ക​ൽ​പ​റ്റ പെ​രി​ങ്ങോ​ട്ടേ​ക്ക് പു​റ​പ്പെ​ട്ട​താ​ണ്​ ട്രെ​യി​ല​ർ. മൈ​സൂ​രു- ഗു​ണ്ട​ൽ​പേ​ട്ട്​ വ​ഴി വ​രേ​ണ്ട​താ​ണ്​ കോ​ഴി​ക്കോ​ട് ബൈ​പാ​സ് ക​ട​ന്ന് ദേ​ശീ​യ​പാ​ത 766ൽ ​എ​ത്തി​യ​ത്. ദേ​ശീ​യ​പാ​ത​യി​ൽ ചു​രം ഉ​ണ്ടെ​ന്ന​റി​യാ​തെ​യാ​യി​രു​ന്നു യാ​ത്ര.

വ്യാ​ഴാ​ഴ്ച രാ​വി​ലെ ഏ​ഴ​ര​യോ​ടെ വാ​ഹ​നം അ​ടി​വാ​ര​ത്ത് എ​ത്തി​യ​പ്പോ​ൾ ത​ന്നെ ചു​രം ക​ട​ന്നു​പോ​കു​മോ എ​ന്ന് നാ​ട്ടു​കാ​ർ സം​ശ​യം പ്ര​ക​ടി​പ്പി​ച്ചി​രു​ന്നു. വി​വ​ര​മ​റി​ഞ്ഞ് ചു​രം സം​ര​ക്ഷ​ണ സ​മി​തി പ്ര​വ​ർ​ത്ത​ക​ർ എ​ത്തി​യ​പ്പോ​ഴേ​ക്കും ലോ​റി ര​ണ്ടാം വ​ള​വി​ൽ എ​ത്തി​യി​രു​ന്നു. തി​രി​ച്ചി​റ​ങ്ങാ​ൻ പ​റ്റാ​ത്ത അ​വ​സ്ഥ​യാ​യ​തോ​ടെ ഡ്രൈ​വ​ർ ര​ണ്ടും ക​ൽ​പി​ച്ച് മു​ന്നോ​ട്ട് എ​ടു​ക്കു​ക​യാ​യി​രു​ന്നു.

ആ​റാം വ​ള​വി​ലെ​ത്തി​യ​പ്പോ​ൾ ഡി​വൈ​ഡ​റി​ൽ ത​ട്ടി ര​ണ്ട് ട​യ​റു​ക​ൾ പൊ​ട്ടി​യ​തോ​ടെ ഭാ​ഗി​ക​മാ​യി ഗ​താ​ഗ​ത ത​ട​സ്സ​മാ​യി. ചു​രം സം​ര​ക്ഷ​ണ സ​മി​തി പ്ര​വ​ർ​ത്ത​ക​ർ മ​ണി​ക്കൂ​റു​ക​ൾ പ​ണി​പ്പെ​ട്ട് ട​യ​റു​ക​ൾ പു​ന:​സ്ഥാ​പി​ച്ചു.

മു​ന്നോ​ട്ടു​ള്ള നീ​ക്കം അ​പ​ക​ട​ക​ര​മാ​യ​തു​കൊ​ണ്ട് അ​ടി​വാ​രം സ്​​റ്റേ​ഷ​നി​ലെ പൊ​ലീ​സും സ​മി​തി പ്ര​വ​ർ​ത്ത​ക​രും ചേ​ർ​ന്ന് മു​ന്നി​ലും പി​ന്നി​ലും അ​ക​മ്പ​ടി വാ​ഹ​ന​ങ്ങ​ളോ​ടെ ചു​ര​ത്തി​ലെ ഓ​രോ കി​ലോ​മീ​റ്റ​റും ബ്ലോ​ക്ക്​ ചെ​യ്ത് രാ​ത്രി ഒ​മ്പ​തു മ​ണി​യോ​ടെ​യാ​ണ് ലോ​റി ചു​രം ക​ട​ത്തി​വി​ട്ട​ത്.