നഗരത്തിൽ യാത്ര ദുരിതം; ഗതാഗതക്കുരുക്ക് മുറുകുന്നു

കോ​ഴി​ക്കോ​ട്: ന​ഗ​ര​ത്തി​ൽ യാ​ത്ര ദു​രി​ത​മാ​ക്കി ഗ​താ​ഗ​ത​ക്കു​രു​ക്ക് രൂ​ക്ഷം. സ്കൂ​ൾ അ​വ​ധി​ക്കാ​ലം കൂ​ടി​യാ​യ​തോ​ടെ മാ​ങ്കാ​വ് റൂ​ട്ടി​ലും ബൈ​പാ​സി​ലും വ​ലി​യ തി​ര​ക്കാ​ണ്. വെ​സ്റ്റ്ഹി​ൽ ചു​ങ്കം, കാ​ര​പ്പ​റ​മ്പ്, മാ​ങ്കാ​വ്, ജ​ങ്ഷ​നു​ക​ളി​ൽ വ​ൻ കു​രു​ക്കു​ണ്ട്. ഏ​പ്പോ​ൾ ല​ക്ഷ്യ​ത്തി​ലെ​ത്തു​മെ​ന്ന് അ​റി​യാ​ത്ത സ്ഥി​തി​യാ​ണെ​ങ്ങും. ബൈ​പാ​സി​ൽ ന​വീ​ക​ര​ണ പ്ര​വൃ​ത്തി ന​ട​ക്കു​ന്ന​തും മാ​ളു​ക​ൾ​ക്കു മു​ന്നി​ൽ രൂ​പ​പ്പെ​ടു​ന്ന തി​ര​ക്കു​മെ​ല്ലാം ഗ​താ​ഗ​തം ത​ട​സ്സ​പ്പെ​ടു​ത്തു​ന്നു. വാ​ഹ​ന​ങ്ങ​ൾ ത​ല​ങ്ങും വി​ല​ങ്ങും നി​ർ​ത്തി​യി​ടു​ന്ന​തും ഗ​താ​ഗ​ത നി​യ​മ​ങ്ങ​ൾ പാ​ലി​ക്കാ​ത്ത​തും കു​രു​ക്കി​ന് കാ​ര​ണ​മാ​ണ്. ഗ​താ​ഗ​ത​ക്കു​രു​ക്കി​നെ​തി​രെ മ​നു​ഷ്യാ​വ​കാ​ശ ക​മീ​ഷ​ൻ ക​ഴി​ഞ്ഞ​ദി​വ​സം കേ​സെ​ടു​ത്തി​രു​ന്നു. കു​രു​ക്ക് കാ​ര​ണം സ​മ​യ​ത്തി​നെ​ത്താ​നാ​വാ​തെ സ്വ​കാ​ര്യ ബ​സു​ക​ൾ ട്രി​പ്പ് മു​ട​ക്കു​ന്ന​തും യാ​ത്ര​ക്കാ​രെ ബു​ദ്ധി​മു​ട്ടി​ക്കു​ന്നു. ഗ​താ​ഗ​ത​ക്കു​രു​ക്കി​ൽ പ്ര​തി​ഷേ​ധി​ച്ച് വി​വി​ധ സം​ഘ​ട​ന​ക​ൾ രം​ഗ​ത്തെ​ത്തി. പ്ര​ശ്നം ച​ർ​ച്ച ചെ​യ്യാ​ൻ മാ​ങ്കാ​വ് മേ​ഖ​ല​യി​ലെ റെ​സി​ഡ​ന്റ്സ് അ​സോ​സി​യേ​ഷ​ൻ അ​ട​ക്ക​മു​ള്ള​വ​രു​ടെ യോ​ഗം വെ​ള്ളി​യാ​ഴ്ച വ​ള​യ​നാ​ട് ര​ക്ഷാ​സ​മി​തി വി​ളി​ച്ചു ചേ​ർ​ത്തി​ട്ടു​ണ്ട്.

ന​ട​പ​ടി​യാ​വാ​തെ ന​യ​രേ​ഖ

ന​ഗ​ര​ത്തി​ൽ ഗ​താ​ഗ​ത​ക്കു​രു​ക്കി​ന് പ​രി​ഹാ​ര​മാ​യി ട്രാ​ഫി​ക്​ ന​യ​രേ​ഖ നേ​ര​ത്തേ കോ​ർ​പ​റേ​ഷ​ൻ ത​യാ​റാ​ക്കി​യി​രു​ന്നു. മു​ഖ്യ​മ​ന്ത്രി പ്ര​ത്യേ​ക പ​രി​ഗ​ണ​ന ന​ൽ​കി​യ പ​ദ്ധ​തി​യെ​ന്ന നി​ല​യി​ൽ​ കോ​ഴി​ക്കോ​ട് മേ​ഖ​ല ന​ഗ​രാ​സൂ​ത്ര​ണ കാ​ര്യാ​ല​യം ത​യാ​റാ​ക്കി​യ​താ​ണ്​ ന​യ​രേ​ഖ.

വി​വി​ധ സാ​ഹ​ച​ര്യ​ങ്ങ​ളും സ​വി​ശേ​ഷ​ത​ക​ളും പ​രി​ഗ​ണി​ച്ച് ത​യാ​റാ​ക്കു​ന്ന സം​സ്ഥാ​ന​ത്തെ ആ​ദ്യ ന​ഗ​ര പാ​ർ​ക്കി​ങ് രേ​ഖ​യാ​ണി​ത്. ന​ഗ​ര​ത്തി​ൽ പു​തി​യ പാ​ർ​ക്കി​ങ്​ ഇ​ട​ങ്ങ​ൾ വി​ക​സി​പ്പി​ക്കു​ക, നി​ല​വി​ലു​ള്ള സൗ​ക​ര്യ​ങ്ങ​ൾ ശ​ക്ത​മാ​ക്കു​ക, പേ ​പാ​ർ​ക്കി​ങ്​ കേ​ന്ദ്ര​ങ്ങ​ളു​ടെ നി​ര​ക്ക്​ ഏ​കീ​ക​രി​ക്കു​ക തു​ട​ങ്ങി​യ​വ​യാ​ണ്​ ന​യ​രേ​ഖ​യി​ലു​ള്ള​ത്. കെ​ട്ടി​ട​ങ്ങ​ളി​ൽ പാ​ർ​ക്കി​ങ്​ സ്ഥ​ലം മ​റ്റ്​ ആ​വ​ശ്യ​ത്തി​ന്​ ഉ​പ​യോ​ഗി​ക്കു​ന്ന​ത്​ ത​ട​യാ​ൻ നി​ര​ന്ത​ര പ​രി​ശോ​ധ​ന, കൃ​ത്യ​മാ​യ ​പൊ​ലീ​സ്​ ഇ​ട​പെ​ട​ലു​ക​ൾ എ​ന്നി​വ​യും ല​ക്ഷ്യ​മി​ടു​ന്നു. വി​ശ​ദ സ​ർ​വേ​യും സാ​ധ്യ​ത പ​ഠ​ന​വും പൊ​തു​ജ​നാ​ഭി​പ്രാ​യ സ​മാ​ഹ​ര​ണ​വും ന​ട​ത്തി​യാ​ണ്​ ര​ണ്ടു കൊ​ല്ലം മു​മ്പ് രേ​ഖ ത​യാ​റാ​ക്കി​യ​ത്. പൊ​തു-​സ്വ​കാ​ര്യ പ​ങ്കാ​ളി​ത്ത​ത്തോ​ടെ പാ​ർ​ക്കി​ങ്​ ഇ​ട​ങ്ങ​ൾ വി​ക​സി​പ്പി​ച്ചെ​ടു​ക്കു​ന്ന കാ​ര്യ​വും രേ​ഖ​യി​ലു​ണ്ട്. ന​ഗ​ര​സ​ഭ​യാ​ണ്​ രേ​ഖ​യി​ലു​ള്ള കാ​ര്യ​ങ്ങ​ൾ ന​ട​പ്പാ​ക്കേ​ണ്ട​തെ​ങ്കി​ലും കാ​ര്യ​മാ​യ ന​ട​പ​ടി​യൊ​ന്നു​മു​ണ്ടാ​യി​ല്ല.

പൊ​ലീ​സ് ന​ട​പ​ടി ശ​ക്ത​മാ​ക്കി

മാ​ങ്കാ​വ് മേ​ഖ​ല​യി​ലെ ട്രാ​ഫി​ക് ​കു​രു​ക്ക് പ​രി​ഹ​രി​ക്കാ​ൻ പൊ​ലീ​സ് ന​ട​പ​ടി​ക​ളാ​യ​തോ​ടെ വ്യാ​ഴാ​ഴ്ച രാ​വി​ലെ തി​ര​ക്കി​ന് ചെ​റി​യ ആ​ശ്വാ​സ​മാ​യി. ദീ​ർ​ഘ​ദൂ​ര ബ​സു​ക​ൾ തൊ​ണ്ട​യാ​ട് -രാ​മ​നാ​ട്ടു​ക​ര ബൈ​പാ​സ് വ​ഴി തി​രി​ച്ചു​വി​ടു​ക​യാ​ണ്. വാ​ഹ​ന​ങ്ങ​ൾ മാ​ങ്കാ​വി​ൽ​നി​ന്ന് ചാ​ല​പ്പു​റം വ​ഴി ക​ല്ലു​ത്താ​ൻ ക​ട​വ് ഭാ​ഗ​ത്തേ​ക്ക് തി​രി​ച്ചു​വി​ടു​ന്നു. മാ​ങ്കാ​വി​ലെ പു​തി​യ മാ​ളി​ൽ​നി​ന്ന് മി​നി ബൈ​പാ​സ് റോ​ഡി​ലേ​ക്ക് ര​ണ്ട് വ​ഴി​ക​ൾ മാ​ത്ര​മാ​ക്കി. മാ​ങ്കാ​വ് പ​രി​സ​ര​ത്തെ പോ​ക്ക​റ്റ് റോ​ഡു​ക​ൾ വ​ഴി​യു​ള്ള ഗ​താ​ഗ​തം നി​യ​ന്ത്രി​ച്ചു.

ഈ ​മേ​ഖ​ല​യി​ൽ റോ​ഡ​രി​ക​ളി​ൽ വ​ണ്ടി നി​ർ​ത്തി​യി​ടു​ന്ന​ത് പൂ​ർ​ണ​മാ​യി ത​ട​ഞ്ഞു. കാ​ൽ​ന​ട ഫു​ട്പാ​ത്ത് വ​ഴി​യി​ൽ വേ​ണ​മെ​ന്ന് നി​ർ​ദേ​ശം ന​ൽ​കി.

മ​ല​പ്പു​റം, തൃ​ശൂ​ർ ഭാ​ഗ​ത്തുനി​ന്നു​ള്ള ദീ​ർ​ഘ​ദൂ​ര ബ​സു​ക​ൾ തൊ​ണ്ട​യാ​ട് ബൈ​പാ​സ് വ​ഴി​യാ​ക്കി​യ​തി​ൽ പ്ര​തി​ഷേ​ധ​മു​യ​ർ​ന്നി​ട്ടു​ണ്ട്. മാ​ങ്കാ​വ് മേ​ഖ​ല​ക്ക് വ​രേ​ണ്ടാ​ത്ത മ​റ്റ് വാ​ഹ​ന​ങ്ങ​ളും ഈ ​രീ​തി​യി​ൽ തി​രി​ച്ചു​വി​ടു​ന്നു. ആ​ർ.​ടി.​എ യോ​ഗം അം​ഗീ​ക​രി​ച്ചാ​ൽ സം​വി​ധാ​നം സ്ഥി​ര​മാ​വും. വ​ലി​യ ലോ​റി​ക​ൾ ന​ഗ​ര​ത്തി​ൽ പ്ര​വേ​ശി​പ്പി​ക്കാ​തെ ക​ട​ത്തി​വി​ടും. ഇ​വ വെ​ങ്ങാ​ലി​പ്പാ​ല​ത്തി​ന​ടു​ത്തു​നി​ന്ന് പു​തി​യാ​പ്പ ബീ​ച്ച് -ഫ്രാ​ൻ​സി​സ് റോ​ഡ് വ​ഴി മി​നി ബെ​പാ​സ് ക​യ​റാ​തെ​യാ​ണ് പോ​വേ​ണ്ട​ത്.