നൗഫൽ
വടകര: കഞ്ചാവുമായി യുവാവിനെ എക്സൈസ് അറസ്റ്റ് ചെയ്തു. ഒഞ്ചിയം ഊരാളുങ്കൽ കളരിക്കണ്ടിയിൽ നൗഫലിനെയാണ് (49) എക്സ് സൈസ് സംഘം അറസ്റ്റ് ചെയ്തത്. വാഹന പരിശോധനക്കിടയിൽ ബൈക്കിലെത്തിയ ഇയാളിൽ നിന്നും 150 ഗ്രാം കഞ്ചാവ് കണ്ടെടുത്തു. വ്യാഴാഴ്ച രാവിലെ കണ്ണൂർ- കോഴിക്കോട് പഴയ ദേശീയപാതയിലെ ഊരാളുങ്കൽ സർവിസ് സഹകരണ ബാങ്ക് മെയിൻ ശാഖയുടെ മുൻവശം റോഡിൽ വെച്ച് എക്സൈസ് സംഘം നടത്തിയ പരിശോധനയിലാണ് പ്രതിയെ പിടികൂടിയത്.
കോഴിക്കോട് എക്സൈസ് ഇന്റലിജൻസ് ബ്യൂറോയിൽനിന്ന് ലഭിച്ച രഹസ്യ വിവരത്തിന്റെ അടിസ്ഥാനത്തിലായിരുന്നു പരിശോധന. കോടതിയിൽ ഹാജരാക്കിയ പ്രതിയെ 14 ദിവസത്തേക്ക് റിമാൻഡ് ചെയ്തു. പരിശോധനക്ക് വടകര എക്സൈസ് റേഞ്ച് ഓഫിസിലെ അസിസ്റ്റന്റ് എക്സൈസ് ഇൻസ്പെക്ടർ കെ.വി. മുരളി, പ്രിവന്റിവ് ഓഫിസർമാരായ എൻ.കെ. വിനോദൻ, കെ.എം. സോമസുന്ദരൻ, സിവിൽ എക്സൈസ് ഓഫിസർ മുസ്ബിൻ, വനിത സിവിൽ എക്സൈസ് ഓഫിസർ ടി.പി. തുഷാര, ഡ്രൈവർ രാജൻ എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.