പത്തപ്പിരിയത്ത്​ കടകൾ കുത്തിത്തുറന്ന് മോഷണം

എടവണ്ണ: പത്തപ്പിരിയം സ്കൂൾപടിയിൽ കടകളുടെ പൂട്ട് കുത്തിത്തുറന്ന് മോഷണം നടത്തിയതായി പരാതി. പലചരക്കു കടയിലും മൊബൈൽ ഷോപ്പിലും പാത്രക്കടയിലുമാണ് മോഷണം നടന്നത്. ഞായറാഴ്ച പുലർച്ചയാണ് സംഭവം. പുലർച്ച കട തുറക്കാൻ എത്തിയവരാണ് മോഷണം നടന്നതായി കണ്ടെത്തിയത്. അറഞ്ഞിക്കൽ റദീഫി​ൻെറ ഉടമസ്ഥതയിലുള്ള മൊബൈൽ ഷോപ്പിൽനിന്ന് 7000 രൂപ വിലമതിക്കുന്ന മൊബൈൽ ഫോണും പണവും പാത്രക്കടയിൽനിന്ന് ചില സാധനങ്ങളും മോഷണം പോയിട്ടുണ്ട്. സംഭവത്തിൽ എടവണ്ണ പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.