മലപ്പുറം: കേരള ഗ്രാമീൺ ബാങ്കിന്റെ അറ്റാദായത്തിൽ വൻ വർധന. മുൻ സാമ്പത്തികവർഷത്തെ 33.43 കോടിയിൽനിന്ന് 2021-22ൽ 124.14 കോടിയായാണ് വർധിച്ചത്. പ്രവർത്തനലാഭം 195.66 കോടിയായിരുന്നത് 412.66 കോടിയായും ഉയർന്നു. വെള്ളിയാഴ്ച ചേർന്ന ബാങ്ക് ഡയറക്ടർ ബോർഡ് യോഗം വാർഷിക സാമ്പത്തികഫലങ്ങൾ അംഗീകരിച്ചു. ബാങ്കിന്റെ ഓഹരി ഉടമകളായ കേന്ദ്ര, സംസ്ഥാന സർക്കാറുകൾ, കനറാ ബാങ്ക് എന്നിവരിൽനിന്ന് അധിക മൂലധന തുകയായി 627.44 കോടിയാണ് 2021-22ൽ ലഭിച്ചത്. പലിശേതര വരുമാനത്തിലും 27 ശതമാനം വർധന രേഖപ്പെടുത്തി. ബാങ്കിന്റെ മൊത്തം നിക്ഷേപത്തിൽ 8.4 ശതമാനം വളർച്ച രേഖപ്പെടുത്തി 21,834 രൂപയിലെത്തി. മൊത്തം വായ്പയിൽ 4.5 ശതമാനം വളർച്ചനിരക്ക് രേഖപ്പെടുത്തി 19,279 കോടിയായി. ഇതിൽ 94 ശതമാനവും മുൻഗണന മേഖലക്കാണ് നൽകിയത്. കാർഷികമേഖലക്ക് 67.5 ശതമാനമാണ് നൽകിയത്. ഇടപാടുകാരുടെ എണ്ണം 92.34 ലക്ഷമായും വർധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.