മലപ്പുറം: പാലക്കാട്-മലപ്പുറം ദേശീയപാതയിൽ മക്കരപ്പറമ്പ് നാറാണത്ത് കപ്പക്കച്ചവടം ചെയ്യുന്ന എ. അബ്ദുൽ കലാം മുസ്ലിയാർക്ക് സഹായഹസ്തവുമായി സുമനസ്കർ. കോവിഡും തുടർന്നുണ്ടായ ലോക്ഡൗണും കാരണം ജീവിതം വഴിമുട്ടിയ ഇദ്ദേഹം കച്ചവടം നടത്തുന്നത് സംബന്ധിച്ച് വ്യാഴാഴ്ച 'മാധ്യമം' വാർത്ത പ്രസിദ്ധീകരിച്ചിരുന്നു.
സംഭവം സമൂഹമാധ്യമങ്ങളിൽ വൈറലായതോടെ ഗൾഫിൽ നിന്നടക്കം നിരവധി പേരാണ് മുസ്ലിയാരെ വിളിച്ചത്. എല്ലാവരും സഹായങ്ങൾ വാഗ്ദാനം ചെയ്തു. വീട് നിർമാണത്തിനും സ്വന്തമായി കട ഒരുക്കി നൽകാനും സാമ്പത്തികസഹായം ചെയ്യാമെന്നും പലരും വാഗ്ദാനം ചെയ്തു. പാണക്കാട് മുനവ്വറലി ശിഹാബ് തങ്ങൾ, ഫിറോസ് കുന്നംപറമ്പിൽ ഉൾപ്പെടെ വാർത്ത സമൂഹമാധ്യമങ്ങളിൽ പങ്കുവെച്ചു. ഫിറോസ് കുന്നംപറമ്പിൽ നാറാണത്ത് എത്തി സഹായം വാഗ്ദാനം ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.