ഊ​ർ​ങ്ങാ​ട്ടി​രിയിലെ ആ​ദി​വാ​സി കോ​ള​നി​ റോഡ് നി​ർ​മാ​ണം പൂ​ർ​ത്തി​യാ​ക്കി​യ​ത് വൈ​ദ്യു​തി തൂ​ൺ നീ​ക്കാ​തെ

 ഊ​ർ​ങ്ങാ​ട്ടി​രി: ഗ്രാ​മ​പ​ഞ്ചാ​യ​ത്തി​ലെ ആ​ദി​വാ​സി കോ​ള​നി​യി​ലേ​ക്കു​ള്ള പു​തി​യ റോ​ഡി​ന്റെ നി​ർ​മാ​ണം പൂ​ർ​ത്തി​യാ​ക്കി​യ​ത് വൈ​ദ്യു​തി തൂ​ൺ നീ​ക്കം ചെ​യ്യാ​തെ. പ​ന​മ്പി​ലാ​വ് പാ​മ്പും​കാ​വ് മു​ത​ൽ പ​ന്നി​യാ​ൻ​മ​ല എ​സ്.​ടി കോ​ള​നി വ​രെ​യു​ള്ള റോ​ഡി​ന്റെ നി​ർ​മാ​ണ​ത്തി​ലാ​ണ് ക​രാ​റു​കാ​ര​ന് ഗു​രു​ത​ര പി​ഴ​വ് സം​ഭ​വി​ച്ച​ത്. മ​ഹാ​ത്മാ​ഗാ​ന്ധി ഗ്രാ​മീ​ണ ദേ​ശീ​യ തൊ​ഴി​ലു​റ​പ്പ് പ​ദ്ധ​തി​യി​ൽ​നി​ന്ന് 30 ല​ക്ഷം രൂ​പ ചെ​ല​വ​ഴി​ച്ചാ​ണ് കോ​ള​നി​യി​ലേ​ക്കു​ള്ള 750 മീ​റ്റ​ർ റോ​ഡി​ന്റെ നി​ർ​മാ​ണം പൂ​ർ​ത്തി​യാ​ക്കി​യ​ത്.

പാ​മ്പും​കാ​വി​ൽ​നി​ന്ന് ആ​രം​ഭി​ക്കു​ന്ന റോ​ഡി​ൽ 150 മീ​റ്റ​ർ പി​ന്നി​ടു​മ്പോ​ഴാ​ണ് കോ​ള​നി​യി​ലേ​ക്കു​ള്ള വൈ​ദ്യു​തി തൂ​ൺ ഉ​ണ്ടാ​യി​രു​ന്ന​ത്. റോ​ഡ് നി​ർ​മാ​ണം ന​ട​ത്തു​മ്പോ​ൾ ഈ ​തൂ​ൺ നീ​ക്ക​ണ​മെ​ന്ന് പ്ര​ദേ​ശ​വാ​സി​ക​ൾ ആ​വ​ശ്യ​പ്പെ​ട്ടി​രു​ന്നു. എ​ന്നാ​ൽ ക​രാ​റു​കാ​ര​ൻ ഇ​ത് നീ​ക്കം ചെ​യ്യാ​തെ​യാ​ണ് നി​ർ​മാ​ണം പൂ​ർ​ത്തി​യാ​ക്കി​യ​ത്. പ​ഞ്ചാ​യ​ത്തി​ലെ പ​ന​മ്പി​ലാ​വ്, എ​ട്ട​ക്കാ​ട്ടു​പ​റ​മ്പ് വാ​ർ​ഡി​ലൂ​ടെ​യാ​ണ് ഈ ​കോ​ൺ​ക്രീ​റ്റ് പാ​ത ക​ട​ന്നു​പോ​കു​ന്ന​ത്. ഇ​തി​ൽ പ​ന​മ്പി​ലാ​വ് വാ​ർ​ഡി​ലാ​ണ് സം​ഭ​വം. നി​ര​വ​ധി ആ​ദി​വാ​സി കു​ടും​ബ​ങ്ങ​ൾ താ​മ​സി​ക്കു​ന്ന പ​ന്നി​യാ​ൻ​മ​ല കോ​ള​നി​യി​ലാ​ണ് ഈ ​പാ​ത എ​ത്തു​ന്ന​ത്.

സം​ഭ​വ​ത്തി​ൽ ബാ​ല​കൃ​ഷ്ണ​ൻ തോ​ട്ടു​മു​ക്കം പൊ​തു​മ​രാ​മ​ത്ത് മ​ന്ത്രി പി.​എ. മു​ഹ​മ്മ​ദ് റി​യാ​സി​ന് പ​രാ​തി ന​ൽ​കി​യി​ട്ടു​ണ്ട്. ഈ ​പ​രാ​തി അ​ദ്ദേ​ഹം ത​ദ്ദേ​ശ സ്വ​യം​ഭ​ര​ണ മ​ന്ത്രി​ക്ക് കൈ​മാ​റി​യി​ട്ടു​ണ്ടെ​ന്നാ​ണ് അ​റി​യാ​ൻ ക​ഴി​ഞ്ഞ​തെ​ന്ന് ബാ​ല​കൃ​ഷ്ണ​ൻ തോ​ട്ടു​മു​ക്കം ‘മാ​ധ്യ​മ’​ത്തോ​ട് പ​റ​ഞ്ഞു.

പ​രാ​തി ല​ഭി​ച്ച​തി​ന്റെ അ​ടി​സ്ഥാ​ന​ത്തി​ൽ വൈ​ദ്യു​തി ടൂ​ൺ മാ​റ്റാ​ൻ ന​ട​പ​ടി ആ​രം​ഭി​ച്ചി​ട്ടു​ണ്ടെ​ന്ന് വാ​ർ​ഡ് അം​ഗ​വും പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റു​മാ​യ ഷി​ജോ ആ​ന്റ​ണി അ​റി​യി​ച്ചു.