മലപ്പുറം: തെരഞ്ഞെടുപ്പ് പ്രവര്ത്തനങ്ങള്ക്ക് ഉപയോഗിക്കുന്ന സ്കൂള് കെട്ടിടങ്ങള്ക്കും ഹൈടെക് ക്ലാസ് മുറികള്ക്കും കേടുപാടുകള് വരാതിരിക്കാന് ശ്രദ്ധിക്കണമെന്ന് ഉദ്യോഗസ്ഥര്ക്ക് സംസ്ഥാന തെരഞ്ഞെടുപ്പ് കമീഷൻ നിർദേശം നല്കി. പൊതുവിദ്യാഭ്യാസ ഡയറക്ടര് കമീഷന് നല്കിയ കത്തിെൻറ അടിസ്ഥാനത്തിലാണ് നടപടി. തെരഞ്ഞെടുപ്പുമായി ബന്ധപ്പെട്ട അറിയിപ്പുകളും മറ്റ് വിശദാംശങ്ങളും ചുമരുകളിലോ വാതിലുകളിലോ പതിക്കേണ്ട സാഹചര്യമുണ്ടെങ്കില് കേടുപാടു വരാത്ത വിധം പതിക്കുകയും ഉപയോഗശേഷം നീക്കം ചെയ്യുകയും ചെയ്യും. സ്ട്രോംങ് റൂമുകളായി ഉപയോഗിക്കുന്ന ക്ലാസ് മുറികളിലെ ജനലുകള്, വാതിലുകള്, ചുമരുകള് എന്നിവയില് സീല് ചെയ്യേണ്ട സാഹചര്യത്തില് കേടുപാട് ഉണ്ടാകില്ലെന്നും ഉറപ്പാക്കണം.
സ്പെഷല് പോസ്റ്റൽ ബാലറ്റ് ലഭിക്കാത്തവര് ഉദ്യോഗസ്ഥരെ ബന്ധപ്പെടണം
മലപ്പുറം: കോവിഡ് ബാധിതര്ക്കും ക്വാറൻറീനിലുള്ളവര്ക്കും ഏര്പ്പെടുത്തിയ സ്പെഷല് പോസ്റ്റല് ബാലറ്റ് ലഭിക്കാത്ത വോട്ടര്മാര് അതത് വരണാധികാരിയെയോ ഉപവരണാധികാരിയെയോ (തദ്ദേശ ഭരണ സ്ഥാപന സെക്രട്ടറി/അസി.സെക്രട്ടറി) ഫോണില് ബന്ധപ്പെടണമെന്ന് സംസ്ഥാന തെരഞ്ഞെടുപ്പ് കമീഷണര് വി. ഭാസ്കരന് അറിയിച്ചു.
വോട്ടുരേഖപ്പെടുത്തിയ പോസ്റ്റൽ ബാലറ്റുകള് വരണാധികാരിക്ക്കൈമാറണം
മലപ്പുറം: വോട്ടുരേഖപ്പെടുത്തിയ പോസ്റ്റൽ ബാലറ്റുകള് ബന്ധപ്പെട്ട വരണാധികാരിക്ക് കൈമാറണമെന്ന് സംസ്ഥാന തെരഞ്ഞെടുപ്പ് കമീഷൻ.
ഡിസംബര് 16ന് രാവിലെ എട്ടിന് മുമ്പുവരെ ലഭിക്കുന്ന തപാല് ബാലറ്റുകള് വോട്ടെണ്ണലിന് പരിഗണിക്കും. ജീവനക്കാര്ക്ക് അനുവദിച്ച സാധാരണ പോസ്റ്റല് ബാലറ്റിനും കോവിഡ് രോഗികള്ക്കും ക്വാറൻറീനില് ഉള്ളവര്ക്കും അനുവദിച്ച സ്പെഷല് ബാലറ്റിനും ഇത് ബാധകമാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.