വൈ​ദ്യു​തി ബി​ൽ കു​ടി​ശ്ശി​ക അടച്ചില്ല; മലപ്പുറം ജി​ല്ല വി​ദ്യാ​ഭ്യാ​സ ഓ​ഫി​സ് ഇരുട്ടിൽ ത​ന്നെ

എ​സ്.​സി ഓ​ഫി​സി​ലും

ആ​ർ.​ഡി.​ഡി ഓ​ഫി​സി​ലും

പു​നഃ​സ്ഥാ​പി​ച്ചു

മ​ല​പ്പു​റം: വൈ​ദ്യു​തി ബി​ൽ കു​ടി​ശ്ശി​ക​യാ​യ​തോ​ടെ ഫ്യൂ​സ്​ ഊ​രി​യ ക​ല​ക്ട​റേ​റ്റി​ലെ ബി 2 ​ബ്ലോ​ക്കി​ലെ ജി​ല്ല വി​ദ്യാ​ഭ്യാ​സ ഓ​ഫി​സി​ൽ (ഡി.​ഇ.​ഒ) വൈ​ദ്യു​തി പു​നഃ​സ്ഥാ​പി​ച്ചി​ല്ല. ശ​നി​യാ​ഴ്ച​യാ​ണ്​ ജി​ല്ല വി​ദ്യാ​ഭ്യാ​സ ഓ​ഫി​സ് (ഡി.​ഇ.​ഒ), എ​സ്.​സി ഓ​ഫി​സ്, ഹ​യ​ര്‍സെ​ക്ക​ന്‍ഡ​റി റീ​ജ​ന​ല്‍ ഡ​യ​റ​ക്ട​റേ​റ്റ് ഓ​ഫി​സ് (ആ​ർ.​ഡി.​ഡി) എ​ന്നി​വി​ട​ങ്ങ​ളി​ലെ ഫ്യൂ​സ്​ അ​ധി​കൃ​ത​ർ ഊ​രി​പ്പോ​യ​ത്. ഇ​തി​ൽ എ​സ്.​സി ഓ​ഫി​സി​ലും ആ​ർ.​ഡി.​ഡി ഓ​ഫി​സി​ലും തി​ങ്ക​ളാ​ഴ്ച രാ​വി​ലെ വൈ​ദ്യു​തി പു​നഃ​സ്ഥാ​പി​ച്ചു. ഡി.​ഇ ഓ​ഫി​സി​ൽ ര​ണ്ട്​ ക​ണ​ക്ഷ​നു​ക​ളി​ലാ​യി 16,464 രൂ​പ​യാ​ണ്​ കു​ടി​ശ്ശി​ക​യു​ള്ള​ത്. നാ​ലു​മാ​സ​ത്തെ തു​ക​യാ​ണി​ത്. ഒ​രു ക​ണ​ക്ഷ​നി​ൽ 13,747 രൂ​പ​യും ര​ണ്ടാ​മ​ത്തേ​തി​ൽ 2717 രൂ​പ​യു​മാ​ണ്​ അ​ട​ക്കേ​ണ്ട​ത്. തു​ക അ​ട​ക്ക​ണ​മെ​ന്ന്​ നേ​ര​ത്തേ​ത​ന്നെ കെ.​എ​സ്.​ഇ.​ബി അ​റി​യി​ച്ചി​രു​ന്നു. കു​ടി​ശ്ശി​ക​യാ​യ ബി​ൽ തു​ക അ​നു​വ​ദി​ക്ക​ണ​മെ​ന്നാ​വ​ശ്യ​പ്പെ​ട്ട്​ പൊ​തു​വി​ദ്യാ​ഭ്യാ​സ വ​കു​പ്പി​ലേ​ക്ക്​ ഡി.​ഇ ഓ​ഫി​സി​ൽ​നി​ന്ന്​ ക​ത്ത​യ​ച്ചെ​ങ്കി​ലും തു​ക അ​നു​വ​ദി​ച്ചി​ല്ല. ഇ​വി​ടെ ജീ​വ​ന​ക്കാ​ർ ഹാ​ജ​റാ​യി​രു​ന്നു​വെ​ങ്കി​ലും വൈ​ദ്യു​തി ഇ​ല്ലാ​ത്ത​ത്​ ഓ​ഫി​സ്​ പ്ര​വ​ർ​ത്ത​ന​ത്തെ ബാ​ധി​ച്ചു. ക​മ്പ്യൂ​ട്ട​ർ​വ​ത്​​കൃ​ത​വും ഓ​ൺ​ലൈ​ൻ സം​വി​ധാ​ന​വു​മാ​യ​തി​നാ​ൽ വൈ​ദ്യു​തി​യി​ല്ലാ​തെ ഓ​ഫി​സ്​ പൂ​ർ​ണ​മാ​യി പ്ര​വ​ർ​ത്തി​ക്കാ​നാ​കി​ല്ല. അ​ടി​യ​ന്ത​ര ഫ​യ​ലു​ക​ൾ അ​യ​ക്കു​ന്ന​തി​ന്​ മാ​ത്രം യു.​പി.​എ​സ്​ ഉ​പ​യോ​ഗി​ച്ചു. മാ​ർ​ച്ചി​ൽ ന​ട​ക്കു​ന്ന എ​സ്.​എ​സ്.​എ​ൽ.​സി പ​രീ​ക്ഷ​യു​മാ​യി ബ​ന്ധ​പ്പെ​ട്ട ന​ട​പ​ടി​ക​ളെ​ല്ലാം പൂ​ർ​ത്തീ​ക​രി​ക്കാ​നു​ണ്ട്. വൈ​ദ്യു​തി ക​ണ​ക്ഷ​നു​ക​ൾ അ​ടി​യ​ന്ത​ര​മാ​യി പു​നഃ​സ്ഥാ​പി​ക്ക​ണ​മെ​ന്നാ​വ​ശ്യ​പ്പെ​ട്ട് പി. ​ഉ​ബൈ​ദു​ല്ല എം.​എ​ൽ.​എ വൈ​ദ്യു​തി മ​ന്ത്രി കെ. ​കൃ​ഷ്ണ​ൻ​കു​ട്ടി​ക്കും വി​ദ്യാ​ഭ്യാ​സ മ​ന്ത്രി വി. ​ശി​വ​ൻ​കു​ട്ടി​ക്കും ക​ത്ത് ന​ൽ​കി.