അറസ്റ്റിലായ മുഹമ്മദ് നിഷാനുദ്ദീൻ, മുഹമ്മദ് ഷമീർ, നബീൽ
അലി സെയ്ദ്, ഷിഹാബുദ്ദീൻ
പെരിന്തൽമണ്ണ: 16.9 ഗ്രാം എം.ഡി.എം.എയുമായി നാലുപേരെ പെരിന്തല്‍മണ്ണ പൊലീസ് അറസ്റ്റ് ചെയ്തു. ചെരക്കാപറമ്പ് പട്ടാണി മുഹമ്മദ് നിഷാനുദ്ദീന്‍ (21), തേക്കിന്‍കോട് പാറയില്‍ മുഹമ്മദ് ഷമീര്‍ (26), ആനമങ്ങാട് മഞ്ഞമ്പ്ര നബീല്‍ അലി സെയ്ദ് (31), പരിയാപുരം മേലേതില്‍ ഷിഹാബുദ്ദീന്‍ (26) എന്നിവരെയാണ് കഴിഞ്ഞദിവസം രാത്രിയില്‍ അങ്ങാടിപ്പുറം മേല്‍പാലത്തിനുസമീപം വെച്ച് അറസ്റ്റ് ചെയ്തത്.
അമിതവേഗതയില്‍ വന്ന കാര്‍ സംശയം തോന്നി തടഞ്ഞുനിര്‍ത്തി പരിശോധിച്ചതിലാണ് ബാഗിനുള്ളില്‍ ഒളിപ്പിച്ച നിലയില്‍ ലഹരിമരുന്ന് കണ്ടെത്തിയത്. കൂടുതല്‍ ചോദ്യം ചെയ്തതില്‍ നിഷാനുദ്ദീന്‍ ബംഗളൂരുവിൽനിന്ന് ട്രെയിന്‍മാര്‍ഗം പാലക്കാടെത്തി അവിടെ കാറുമായി കാത്തുനിന്ന മറ്റു മൂന്നുപേരുടെ കൂടെ നാട്ടിലേക്ക് വരികയായിരുന്നെന്നും പ്രതികള്‍ പൊലീസിനോട് പറഞ്ഞു.
ജില്ല പൊലീസ് മേധാവി എസ്. ശശിധരന്‍റെ നിർദേശപ്രകാരം പെരിന്തല്‍മണ്ണ ഡിവൈ.എസ്.പി കെ.കെ. സജിവന്‍, സി.ഐ എം.എസ്. രാജീവ് എന്നിവരുടെ നേതൃത്വത്തില്‍ എസ്.ഐ കെ. അരുണ്‍കുമാര്‍, എസ്.സി.പി.ഒമാരായ മന്‍സൂര്‍, ഷൗക്കത്ത്, ജയേഷ്, സജി, സല്‍മാന്‍, സജീര്‍, മിഥുന്‍, ഹമീര്‍ സുഹൈല്‍ എന്നിവരും ജില്ല ഡാന്‍സാഫ് സ്ക്വാഡുമാണ് സംഘത്തിലുണ്ടായിരുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.