ആ​രോ​ഗ്യ വ​കു​പ്പി​ന്റെ രാ​ത്രികാ​ല പ​രി​ശോ​ധ​ന: രണ്ട് ത​ട്ടു​ക​ട​ക​ൾ​ പൂട്ടാൻ ഉത്തരവ്

പെ​രു​വ​ള്ളൂ​ർ: ആ​രോ​ഗ്യ​വ​കു​പ്പി​ന്റെ രാ​ത്രി​കാ​ല പ​രി​ശോ​ധ​ന​യി​ൽ പെ​രു​വ​ള്ളൂ​രി​ൽ ത​ട്ടു​ക​ട​ക​ൾ​ക്കെതിരെയുൾപ്പെ​ടെ ന​ട​പ​ടി. പൊ​തു​സ്ഥ​ലം വൃ​ത്തി​ഹീ​ന​മാ​ക്കി​യ​തി​ന് മ​ത്സ്യ​സ്റ്റാ​ളി​ന് എ​തി​രെ ക്രി​മി​ന​ൽ കേ​സ് എ​ടു​ത്തു. പ്ലാ​സ്റ്റി​ക് ക​ത്തി​ച്ച ഹോ​ട്ട​ലി​ന് പി​ഴ ഈ​ടാ​ക്കാ​ൻ ഗ്രാ​മ​പ​ഞ്ചാ​യ​ത്തി​ന് ശി​പാ​ർ​ശ ചെ​യ്തു.

കാ​ട​പ്പ​ടി​യി​ൽ ആ​രോ​ഗ്യ​വ​കു​പ്പി​ന്റെ നൈ​റ്റ് സ​ർ​വൈ​ല​ൻ​സി​ൽ വൈ​ദ്യ പ​രി​ശോ​ധ​ന സ​ർ​ട്ടി​ഫി​ക്ക​റ്റും വാ​ക്സി​നേ​ഷ​ൻ രേ​ഖ​ക​ളും ഇ​ല്ലാ​തെ​യും കു​ടി​വെ​ള്ള ഗു​ണ​മേ​ന്മ പ​രി​ശോ​ധ​ന ന​ട​ത്താ​തെ​യും മ​തി​യാ​യ വെ​ളി​ച്ച സം​വി​ധാ​ന​ങ്ങ​ളി​ല്ലാ​തെ​യും പ്രവർത്തിച്ചതിനും മാ​ലി​ന്യം പൊ​തുസ്ഥ​ല​ത്ത് വ​ലി​ച്ചെ​റി​ഞ്ഞ​തി​നും പ​രി​സ​രം വൃ​ത്തി​ഹീ​ന​മാ​ക്കി​യ​തി​നും ര​ണ്ട് ത​ട്ടു​ക​ട​ക​ൾ നി​ർ​ദേ​ശ​ങ്ങ​ൾ പാ​ലി​ക്കു​ന്ന​ത് വ​രെ അ​ട​ച്ചു പൂ​ട്ടാ​ൻ നോ​ട്ടീ​സ് ന​ൽ​കി. മു​റി​ച്ച പ​ഴ​ങ്ങ​ൾ വ​ഴി​യോ​ര ക​ച്ച​വ​ട സ്ഥാ​പ​ന​ങ്ങ​ളി​ൽ നി​ന്നും വാ​ങ്ങി ക​ഴി​ക്കു​ന്ന​തും വൃ​ത്തി​ഹീ​ന​മാ​യ സാ​ഹ​ച​ര്യ​ത്തി​ൽ പാ​ച​കം ചെ​യ്യു​ന്ന ഭ​ക്ഷ്യ​വ​സ്തു​ക്ക​ൾ ഉ​പ​യോ​ഗി​ക്കു​ന്ന​തും മ​ഞ്ഞ​പ്പി​ത്ത ബാ​ധ​ക്ക് കാ​ര​ണ​മാ​കു​മെ​ന്ന് പെ​രു​വ​ള്ളൂ​ർ പ്രാ​ദേ​ശി​ക പൊ​തു​ജ​നാ​രോ​ഗ്യ ഓ​ഫി​സ​ർ ഡോ. ​ഫൗ​സി​യ അ​റി​യി​ച്ചു. ഇ​ത്ത​ര​ത്തി​ൽ ക​ച്ച​വ​ടം ന​ട​ത്തു​ന്ന​വ​ർ​ക്കെ​തി​രെ നി​യ​മ ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നും മു​ന്ന​റി​യി​പ്പ് ന​ൽ​കി.

മ​ത്സ്യ സ്റ്റാ​ളി​ലെ മ​ലി​ന​ജ​ലം പൊ​തു സ്ഥ​ല​ത്ത് ഒ​ഴു​ക്കി വി​ട്ട സ്റ്റാളു​ട​മ​ക്കെ​തി​രെ നി​യ​മ ന​ട​പ​ടി​ക​ൾ സ്വീ​ക​രി​ക്കാ​ൻ ജൂ​നി​യ​ർ ഹെ​ൽ​ത്ത് ഇ​ൻ​സ്പെ​ക്ട​ർ​ക്ക് നി​ർ​ദേശം ന​ൽ​കി. കാ​ട​പ്പ​ടി കെ.​എ​ഫ്.​സി ഫൂ​ഡ് കോ​ർ​ണ​ർ പ്ലാ​സ്റ്റി​ക് ക​ത്തി​ച്ച​തി​ന് തു​ട​ർന​ട​പ​ടി​ക​ൾ​ക്കാ​യി പെ​രു​വ​ള്ളൂ​ർ ഗ്രാ​മ​പ​ഞ്ചാ​യ​ത്ത് സെ​ക്ര​ട്ട​റി​ക്ക് ശി​പാ​ർ​ശ ചെ​യ്തു. ജൂ​നി​യ​ർ ഹെ​ൽ​ത്ത് ഇ​ൻ​സ്പെ​ക്ട​ർ ലൈ​ജു ഇ​ഗ്നേ​ഷ്യ​സ്, അ​നു​ശ്രീ എ​ന്നി​വ​ർ പ​രി​ശോ​ധ​ന​ക്ക് നേ​തൃ​ത്വം ന​ൽ​കി.