പെരിന്തൽമണ്ണ: വാഴേങ്കടയില്‍ നിരവധി വീടുകളില്‍ മോഷണം നടത്തിയ പ്രതി അറസ്റ്റില്‍. മാര്‍ച്ച് 25ന് പുലര്‍ച്ച രണ്ട് വീടുകളില്‍ പൂട്ട് പൊളിച്ച് അകത്ത് കയറിയ മോഷ്ടാവ് ഉറങ്ങിക്കിടക്കുന്ന സ്ത്രീകളുടെയും കുട്ടികളുടെയും സ്വര്‍ണാഭരണങ്ങള്‍ കവർന്ന് രക്ഷപ്പെട്ടിരുന്നു.
തുടര്‍ന്ന് നടത്തിയ അന്വേഷണത്തിലാണ് മറ്റൊരു കേസില്‍ ജയിലിലായ കോതമംഗലം സ്വദേശി ബിജു എന്ന ആസിഡ് ബിജുവാണ് (41) ഈ മോഷണം നടത്തിയതെന്ന് തിരിച്ചറിഞ്ഞ് പെരിന്തല്‍മണ്ണ സി.ഐ സുനില്‍ പുളിക്കല്‍, എസ്.ഐ സി.കെ. നൗഷാദ് എന്നിവരടങ്ങുന്ന സംഘം അറസ്റ്റ് ചെയ്യുകയുമായിരുന്നു.
പ്രതിയെ വാഴേങ്കടയിലെ സംഭവസ്ഥലത്ത് കൊണ്ടുപോയി തെളിവെടുപ്പ് നടത്തി. മോഷ്ടിച്ച അഞ്ചര പവനോളം സ്വര്‍ണാഭരണങ്ങള്‍ വില്‍പന നടത്തിയ ജ്വല്ലറിയില്‍നിന്ന് തിരിച്ചെടുത്തു. പെരിന്തല്‍മണ്ണ സി.ഐ സുനില്‍ പുളിക്കല്‍, എസ്.ഐ സി.കെ. നൗഷാദ്, ജൂനിയര്‍ എസ്.ഐ ഷൈലേഷ്, എ.എസ്.ഐമാരായ അരവിന്ദാക്ഷന്‍, വിശ്വംഭരന്‍ തുടങ്ങിയവരാണ് പ്രതിയെ പിടികൂടിയ സംഘത്തിലുണ്ടായിരുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.