പേര് തുറമുഖ മണലെടുപ്പ്; വാരുന്നത് ഭാരതപ്പുഴയുടെ കരയിൽനിന്ന്

പൊ​ന്നാ​നി: പൊ​ന്നാ​നി തു​റ​മു​ഖ മ​ണ​ലെ​ടു​പ്പി​ന്റെ പേ​രി​ൽ മ​ണ​ൽ വാ​രു​ന്ന​ത് ഭാ​ര​ത​പ്പു​ഴ​യു​ടെ ക​ര​യി​ൽ​നി​ന്ന്. അ​ധി​കൃ​ത​രോ​ട് പ​രാ​തി​പ്പെ​ട്ടി​ട്ടും ന​ട​പ​ടി​യി​ല്ലാ​താ​യ​തോ​ടെ പ്ര​തി​ഷേ​ധ​വു​മാ​യി പ്ര​ദേ​ശ​വാ​സി​ക​ൾ രം​ഗ​ത്തെ​ത്തി. പൊ​ന്നാ​നി അ​ഴി​മു​ഖ​ത്ത് കെ​ട്ടി​ക്കി​ട​ക്കു​ന്ന​ത്​ നീ​ക്കം ചെ​യ്യാ​നാ​രം​ഭി​ച്ച മ​ണ​ലെ​ടു​പ്പാ​ണ് ഇ​പ്പോ​ൾ ഭാ​ര​ത​പ്പു​ഴ​യു​ടെ ക​ര​യി​ൽ​നി​ന്ന്​ ന​ട​ക്കു​ന്ന​ത്. കു​റ്റി​ക്കാ​ട് ബ​ലി​ത​ർ​പ്പ​ണ ക​ട​വി​ൽ​നി​ന്നു​ൾ​പ്പെ​ടെ മ​ണ​ലെ​ടു​പ്പ് ന​ട​ക്കു​ന്ന​തും ഭീ​ഷ​ണി​യാ​യി മാ​റി​യി​ട്ടു​ണ്ട്.

ക​ര​യി​ൽ​നി​ന്ന്​ 500 മീ​റ്റ​ർ ദൂ​രെ പു​ഴ​യി​ൽ​നി​ന്ന് മാ​ത്ര​മെ മ​ണ​ലെ​ടു​ക്കാ​നാ​വൂ​വെ​ന്ന നി​ർ​ദേ​ശം നി​ല​നി​ൽ​ക്കെ​യാ​ണ് ക​ർ​മ റോ​ഡി​നും സം​ര​ക്ഷ​ണ​ഭി​ത്തി​ക്കും ഭീ​ഷ​ണി​യാ​യി മ​ണ​ലെ​ടു​പ്പ് തു​ട​രു​ന്ന​ത്. ഭാ​ര​ത​പ്പു​ഴ​യു​ടെ ക​ര​യി​ൽ​നി​ന്ന്​ മ​ണ​ൽ വാ​ര​രു​തെ​ന്ന് പ​ല​ത​വ​ണ തൊ​ഴി​ലാ​ളി​ക​ളോ​ടും തൊ​ഴി​ൽ സം​ഘ​ട​ന നേ​താ​ക്ക​ളോ​ടും ആ​വ​ശ്യ​പ്പെ​ട്ടി​ട്ടും ഫ​ല​മു​ണ്ടാ​യി​ല്ലെ​ന്ന്​ നാ​ട്ടു​കാ​ർ പ​റ​യു​ന്നു. ക​ര​യി​ൽ നി​ന്നു​ള്ള മ​ണ​ലെ​ടു​പ്പ് അ​മി​ത​മാ​യ​തോ​ടെ പു​ഴ​യി​ൽ അ​പ​ക​ട ചാ​ലു​ക​ൾ വ​ർ​ധി​ച്ചി​ട്ടു​ണ്ട്. ന​ഗ​ര​സ​ഭ ചെ​യ​ർ​മാ​നും പോ​ർ​ട്ട് അ​ധി​കൃ​ത​ർ​ക്കും പ​രാ​തി ന​ൽ​കി​യി​ട്ടും, മ​ണ​ലെ​ടു​പ്പ് യ​ഥേ​ഷ്ടം തു​ട​രു​ന്നു. മ​ണ​ലെ​ടു​പ്പ് മൂ​ലം സ​മീ​പ പ്ര​ദേ​ശ​ത്തെ വീ​ടു​ക​ളി​ലെ കി​ണ​ർ വെ​ള്ള​മെ​ല്ലാം ഉ​പ്പ്​ ക​ല​ർ​ന്ന് ഉ​പ​യോ​ഗ ശൂ​ന്യ​മാ​യി​ട്ടു​ണ്ട്.