കെ. അബ്ദുൽ ഖയ്യൂം: വ്യാപാരികളുടെ ക്ഷേമത്തിനായി നിലകൊണ്ട ജീവിതം

പൊ​ന്നാ​നി: വ്യാ​പാ​രി​ക​ളു​ടെ ക്ഷേ​മ​ത്തി​നാ​യി ജീ​വി​തം ഉ​ഴി​ഞ്ഞു​വെ​ച്ച വ്യ​ക്തി​യാ​യി​രു​ന്നു ക​ഴി​ഞ്ഞ​ദി​വ​സം വി​ട​പ​റ​ഞ്ഞ കെ. ​അ​ബ്ദു​ൽ ഖ​യ്യൂം. 84ാം വ​യ​സ്സി​ലും വ്യാ​പാ​രി​ക​ളു​ടെ പ്ര​ശ്‌​ന​ങ്ങ​ളാ​ണ് കൈ​യി​ൽ ക​രു​തു​ന്ന സ​ഞ്ചി​യി​ലും ക​ക്ഷ​ത്ത് കൊ​ണ്ടു​ന​ട​ന്ന ഫ​യ​ലി​ലും നി​റ​ഞ്ഞി​രു​ന്ന​ത്. പൊ​ന്നാ​നി​യി​ലെ വ്യാ​പാ​രി​ക​ള്‍ക്കാ​യു​ള്ള വി​ശ്ര​മ​മി​ല്ലാ​ത്ത ഓ​ട്ട​ത്തി​ന് നാ​ല​ര പ​തി​റ്റാ​ണ്ടി​ന്റെ ക​ഥ പ​റ​യാ​നു​ണ്ട്. 1977ലാ​ണ് ചേം​ബ​ർ ഓ​ഫ് കോ​മേ​ഴ്‌​സി​ൽ അം​ഗ​ത്വ​മെ​ടു​ക്കു​ന്ന​ത്. ഓ​ഫി​സ് സെ​ക്ര​ട്ട​റി​യാ​യി​ട്ടാ​യി​രു​ന്നു തു​ട​ക്കം. ഏ​റെ വൈ​കാ​തെ ചേം​ബ​ർ പൊ​ന്നാ​നി യൂ​നി​റ്റ് ജോ​യ​ന്റ് സെ​ക്ര​ട്ട​റി​യാ​യി. തു​ട​ർ​ന്ന് ജ​ന​റ​ൽ സെ​ക്ര​ട്ട​റി സ്ഥാ​നം. 20 കൊ​ല്ലം ഇ​ത് തു​ട​ർ​ന്നു. പി​ന്നീ​ടു​ള്ള 20 കൊ​ല്ലം പ്ര​സി​ഡ​ന്റ്, വൈ​സ് പ്ര​സി​ഡ​ന്റ് സ്ഥാ​ന​ങ്ങ​ൾ വ​ഹി​ച്ചു. വ്യാ​പാ​രി​ക​ള്‍ നേ​രി​ടു​ന്ന പ്ര​ശ്‌​ന​ങ്ങ​ളി​ല്‍ സ​ര്‍ക്കാ​ര്‍ ഓ​ഫി​സു​ക​ള്‍ ക​യ​റി ഇ​റ​ങ്ങി​യി​രു​ന്ന​ത് ഇ​ദ്ദേ​ഹ​മാ​യി​രു​ന്നു. ആ​ദാ​യ നി​കു​തി, ആ​രോ​ഗ്യ വ​കു​പ്പ്, തൊ​ഴി​ല്‍ വ​കു​പ്പ് എ​ന്നി​വി​ട​ങ്ങ​ളി​ല്‍ നി​ന്നു​ള്ള നി​ര​ന്ത​ര പ​രി​ശോ​ധ​ന വ്യാ​പാ​രി​ക​ളെ ബു​ദ്ധി​മു​ട്ടി​ച്ചി​രു​ന്ന കാ​ല​ത്ത് പ​രി​ഹാ​ര​ത്തി​നാ​യി ഓ​ടി​ന​ട​ന്നു. ഉ​ദ്യോ​ഗ​സ്ഥ​രു​മാ​യു​ള്ള ബ​ന്ധ​വും പ്ര​ശ്‌​ന​ങ്ങ​ള്‍ കൈ​കാ​ര്യം ചെ​യ്യു​ന്ന​തി​ലെ മി​ടു​ക്കും ഇ​ദ്ദേ​ഹ​ത്തെ വ്യാ​പാ​രി​ക​ളു​ടെ വി​ശ്വ​സ്ഥ​നാ​ക്കി.

1954ലാ​ണ് വ്യാ​പാ​ര രം​ഗ​ത്തേ​ക്ക് എ​ത്തു​ന്ന​ത്. പി​താ​വ് പി. ​അ​ബ്ദു​റ​ഹി​മാ​ന്‍ ഹാ​ജി സ്ഥാ​പി​ച്ച പൊ​ന്നാ​നി ജെ.​എം റോ​ഡി​ലെ നാ​ഷ​ന​ല്‍ ബേ​ക്ക​റി​യി​ല്‍ അ​ദ്ദേ​ഹം സ​ജീ​വ​മാ​യി. 1977 മു​ത​ല്‍ ബേ​ക്ക​റി അ​സോ​സി​യേ​ഷ​ന്റെ നേ​തൃ​നി​ര​യി​ലാ​ണ്. കു​റേ കാ​ലം പൊ​ന്നാ​നി ഏ​രി​യ സെ​ക്ര​ട്ട​റി​യാ​യി പ്ര​വ​ര്‍ത്തി​ച്ചു. പൊ​ന്നാ​നി അ​ങ്ങാ​ടി​യെ പ​ഴ​യ പ്ര​താ​പ​ത്തി​ലേ​ക്ക് തി​രി​ച്ചു​കൊ​ണ്ടു​വ​രാ​ന്‍ അ​ങ്ങാ​ടി വി​ക​സ​ന​മെ​ന്ന ആ​ശ​യ​ത്തി​ന്റെ സൂ​ത്ര​ധാ​ര​ന്‍ ഇ​ദ്ദേ​ഹ​മാ​യി​രു​ന്നു. മു​ന്‍ സ്പീ​ക്ക​ര്‍ പി. ​ശ്രീ​രാ​മ​കൃ​ഷ്ണ​ന്‍ പൊ​ന്നാ​നി അ​ങ്ങാ​ടി​യു​ടെ മു​ഖം മാ​റ്റാ​ന്‍ ന​ട​ത്തി​യ ശ്ര​മ​ങ്ങ​ള്‍ക്കൊ​പ്പം നി​ല​കൊ​ണ്ടു. എ​ന്നാ​ൽ അ​ത് യാ​ഥാ​ർ​ഥ്യ​മാ​ക്കാ​നാ​കാ​ത്ത​തി​ൽ അ​ദ്ദേ​ഹം നി​രാ​ശ​നാ​യി​രു​ന്നു. വ്യാ​പാ​രി​ക​ളു​ടെ പ്ര​ശ്‌​ന​ങ്ങ​ള്‍ക്കൊ​പ്പം നി​ല​കൊ​ള്ളു​മ്പോ​ള്‍ ത​ന്നെ പൊ​ന്നാ​നി​യു​ടെ പൊ​തു പ്ര​ശ്‌​ന​ങ്ങ​ളി​ലും സ​ജീ​വ​മാ​യി ഇ​ട​പെ​ട്ടു. ചേം​ബ​റി​ല്‍ സ​ജീ​വ​മാ​കു​ന്ന​തി​ന് മു​മ്പ് പൊ​ന്നാ​നി താ​ലൂ​ക്കി​ലെ സ​ജീ​വ കോ​ണ്‍ഗ്ര​സ് പ്ര​വ​ര്‍ത്ത​ക​നാ​യി​രു​ന്നു. 1957 മു​ത​ല്‍ 64 വ​രെ കോ​ണ്‍ഗ്ര​സി​ന്റെ ഭാ​ര​വാ​ഹി​ത്വ​ത്തി​ലു​ണ്ടാ​യി​രു​ന്നു. 1964 മു​ത​ല്‍ മു​സ്‍ലിം ലീ​ഗ് പ്ര​വ​ര്‍ത്ത​ക​നാ​യി. 1977ല്‍ ​ചേം​ബ​ര്‍ ഓ​ഫ് കോ​മേ​ഴ്‌​സി​ന്റെ ഭാ​ഗ​മാ​യ​തോ​ടെ സ​ജീ​വ രാ​ഷ്ട്രീ​യം വി​ട്ടു. മ​ര​ണ​ത്തെ തു​ട​ർ​ന്ന് പൊ​ന്നാ​നി​യി​ൽ വ്യാ​പാ​രി​ക​ൾ ക​ട​ക​ള​ട​ച്ച് ദു​ഖാ​ച​ര​ണം ന​ട​ത്തി.