പൊന്നാനിയിലെ ബോട്ട് നിർമാണ കേന്ദ്രം പ്രഖ്യാപനത്തിൽ മാത്രം

പൊ​ന്നാ​നി: സം​സ്ഥാ​ന​ത്ത് ആ​രം​ഭി​ക്കു​ന്ന ര​ണ്ട് ബോ​ട്ട് ബി​ൽ​ഡി​ങ് യാ​ർ​ഡു​ക​ളി​ൽ ഒ​ന്ന് പൊ​ന്നാ​നി​യി​ൽ നി​ർ​മി​ക്കാ​ൻ തീ​രു​മാ​നി​ച്ചി​രു​ന്നെ​ങ്കി​ലും ഇ​ത് പ്ര​ഖ്യാ​പ​ന​ത്തി​ൽ മാ​ത്രം ഒ​തു​ങ്ങി​യ​തോ​ടെ ബോ​ട്ടു​ട​മ​ക​ൾ പ്ര​തി​സ​ന്ധി​യി​ൽ. പൊ​ന്നാ​നി​യി​ൽ ബോ​ട്ട് നി​ർ​മാ​ണ​ശാ​ല നി​ർ​മി​ക്കു​മെ​ന്ന് മു​ൻ ഫി​ഷ​റീ​സ് മ​ന്ത്രി മേ​ഴ്സി​ക്കു​ട്ടി​യ​മ്മ പ്ര​ഖ്യാ​പി​ക്കു​ക​യും ബ​ജ​റ്റി​ൽ തു​ക വ​ക​യി​രു​ത്തു​ക​യും ചെ​യ്തെ​ങ്കി​ലും പ​ദ്ധ​തി പാ​തി​വ​ഴി​യി​ൽ മു​ട​ങ്ങി. പൊ​ന്നാ​നി ഫി​ഷി​ങ് ഹാ​ർ​ബ​റി​നോ​ട് ചേ​ർ​ന്ന പ​ത്തേ​ക്ക​ർ സ്ഥ​ല​മാ​ണ് ഇ​തി​നാ​യി ക​ണ്ടെ​ത്തി​യി​രു​ന്ന​ത്. ഇ​തി​ന്‍റെ ഭാ​ഗ​മാ​യി ഹാ​ർ​ബ​റി​ൽ വ​ർ​ക് ഷോ​പ്പ് ക്വാ​ർ​ട്ടേ​ഴ്സും നി​ർ​മി​ച്ചി​രു​ന്നു. ക്വാ​ർ​ട്ടേ​ഴ്സ് ഇ​പ്പോ​ൾ വാ​ട​ക​ക്ക് ന​ൽ​കി​യി​രി​ക്കു​ക​യാ​ണ്.

ജി​ല്ല​യി​ൽ ഏ​റ്റ​വും കൂ​ടു​ത​ൽ ബോ​ട്ടു​ക​ൾ മ​ത്സ്യ​ബ​ന്ധ​നം ന​ട​ത്തു​ന്ന​ത് പൊ​ന്നാ​നി​യി​ലാ​ണ്. ട്രോ​ളി​ങ് നി​രോ​ധ​ന സ​മ​യ​ത്താ​ണ് ബോ​ട്ടു​ക​ളു​ടെ അ​റ്റ​കു​റ്റ​പ്പ​ണി ന​ട​ക്കു​ക. പൊ​ന്നാ​നി​യി​ൽ ചെ​റി​യ തോ​തി​ലു​ള്ള മി​നു​ക്കു​പ​ണി​ക​ൾ മാ​ത്ര​മാ​ണ് ന​ട​ക്കു​ന്ന​ത്. വ​ലി​യ കേ​ടു​പാ​ടു​ക​ൾ തീ​ർ​ക്കാ​ൻ ബോ​ട്ടു​ക​ൾ ചേ​റ്റു​വ​യി​ലും മു​ന​മ്പ​ത്തും എ​ത്തി​ക്കേ​ണ്ട സ്ഥി​തി​യാ​ണ്.

ക​ഴി​ഞ്ഞ സ​ർ​ക്കാ​റി​ന്റെ കാ​ല​ത്താ​ണ് സം​സ്ഥാ​ന​ത്ത് ര​ണ്ട് ബോ​ട്ട് ബി​ൽ​ഡി​ങ് യാ​ർ​ഡു​ക​ൾ നി​ർ​മി​ക്കാ​ൻ ത​ത്വ​ത്തി​ൽ ധാ​ര​ണ​യാ​യ​ത്. കൂ​ടു​ത​ൽ സ്ഥ​ല​മു​ള്ള ഹാ​ർ​ബ​ർ പ്ര​ദേ​ശ​ങ്ങ​ളെ​യാ​ണ് പ​ദ്ധ​തി​ക്കാ​യി പ​രി​ഗ​ണി​ച്ചി​രു​ന്ന​ത്. ഇ​ത് പൊ​ന്നാ​നി​ക്ക് തു​ണ​യാ​വു​ക​യാ​യി​രു​ന്നു. പ​ത്തേ​മാ​രി​ക​ളു​ടെ നി​ർ​മാ​ണ​ത്തി​ൽ പാ​ര​മ്പ​ര്യ​മു​ള്ള പൊ​ന്നാ​നി​ക്ക് സ​ർ​ക്കാ​ർ അ​ധീ​ന​ത​യി​ലു​ള്ള ബോ​ട്ട് നി​ർ​മാ​ണ യൂ​നി​റ്റ് പ​ര​മ്പ​ര്യ​ത്തെ തി​രി​ച്ചു​പി​ടി​ക്കാ​നു​ള്ള അ​വ​സ​ര​മാ​യി​രു​ന്നു. 1970 ക​ളു​ടെ അ​വ​സാ​നം വ​രെ സ​ജീ​വ​മാ​യി നി​ല​നി​ന്നി​രു​ന്ന പ​ത്തേ​മാ​രി​ക​ളു​ടെ നി​ർ​മാ​ണ യൂ​നി​റ്റ് പൊ​ന്നാ​നി തു​റ​മു​ഖ​ത്തോ​ടു ചേ​ർ​ന്നു​ണ്ടാ​യി​രു​ന്നു. എ​ന്നാ​ൽ ഇ​ത്ത​ര​മൊ​രു പ്രൊ​പ്പോ​സ​ൽ ഹാ​ർ​ബ​ർ എ​ൻ​ജി​നീ​യ​റി​ങ് വ​കു​പ്പി​ന് കീ​ഴി​ലി​ല്ലെ​ന്ന് എ​ക്സി​ക്യു​ട്ടി​വ് എ​ൻ​ജി​നി​യ​ർ മ​ധു പ​റ​ഞ്ഞു.