കരുവാരകുണ്ട്: കാലിൽ കേബിൾ വയർ കുരുങ്ങി വ്രണവുമായി അലയുന്ന തെരുവുനായ് സങ്കടക്കാഴ്ചയാവുന്നു. തരിശിലെ മുക്കട്ട, മാമ്പറ്റ ഭാഗങ്ങളിലായാണ് നായ് അലയുന്നത്. പന്നിക്കോ മറ്റോ വെച്ച കെണിയിൽ കുരുങ്ങിയതാകാമെന്നാണ് സംശയിക്കുന്നത്. കേബിൾ പൊട്ടിയിട്ടുണ്ടെങ്കിലും മുൻകാലുകളിലൊന്നിൽ ഇത് മുറുകിക്കിടക്കുകയാണ്. ദിവസങ്ങൾ പിന്നിട്ടതോടെ ഇത് വലിയ വ്രണമായി. കാൽപാദം ഒടിഞ്ഞ പോലെയായിട്ടുണ്ട്. സഹായിക്കാനെത്തുന്നവരെ കാണുമ്പോൾ ഭയന്നോടുകയാണ്. ചിലർ നൽകുന്ന ഭക്ഷണം കഴിക്കുന്നുണ്ടെങ്കിലും അവശതയിലാണ്. കഴിഞ്ഞ ദിവസം ചിലർ ഭക്ഷണത്തിൽ മയക്കുഗുളിക നൽകി. പക്ഷേ ഫലം കണ്ടില്ല. പട്ടിപിടിത്തക്കാരെ വരുത്തി ചികിത്സ നൽകണമെന്നാണ് നാട്ടുകാർ പറയുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.