ചേലേമ്പ്ര പഞ്ചായത്തിലെ ചക്കിപ്പറമ്പ് തച്ചമ്പലം റോഡ് കൈയടക്കിയ തെരുവുനായ്ക്കൾ
തേഞ്ഞിപ്പലം: ചേലേമ്പ്ര ഗ്രാമപഞ്ചായത്തിന്‍റെ വിവിധ ഭാഗങ്ങളിൽ തെരുവുനായ് ശല്യം രൂക്ഷമാവുന്നു. കാക്കഞ്ചേരിയിലും പരിസരങ്ങളിലുമാണ് കൂടുതൽ ശല്യം. നടന്നുപോവുന്നവരുടെ പിന്നാലെ കൂട്ടമായി എത്തി ആക്രമിക്കുകയാണ്. വിദ്യാർഥികൾക്ക് തനിച്ച് പോവാൻ പറ്റാത്ത സ്ഥിതിയാണ്.
കാക്കഞ്ചേരിയിൽ കൂട്ടമായി ആക്രമിക്കാനെത്തിയ നായ്ക്കളിൽനിന്ന് അന്തർ സംസ്ഥാന തൊഴിലാളി രക്ഷതേടിയത് മരത്തിൽ ഓടിക്കയറിയാണ്. ഓടി രക്ഷപ്പെടാൻ ശ്രമിച്ചെങ്കിലും രക്ഷയില്ലെന്നുകണ്ട് മരത്തിൽ പാഞ്ഞുകയറുകയായിരുന്നു. അതുവഴി വന്ന വാഹനയാത്രികരാണ് നായ്ക്കളെ ഓടിച്ച് തൊഴിലാളിയെ രക്ഷപ്പെടുത്തിയത്.
പുലർച്ച ജോലിക്ക് പോവുകയായിരുന്ന തൊഴിലാളിയുടെ പിന്നാലെ പത്തോളം നായ്ക്കളാണ് ആക്രമിക്കാനെത്തിയത്. സ്പിന്നിങ് മിൽ, പടിഞ്ഞാറ്റിൻ പൈ, ചക്കിപറമ്പ്, തച്ചമ്പലം, അത്താണിക്കൽ എന്നിവിടങ്ങളിലും തെരുവുനായ് ശല്യം രൂക്ഷമാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.