വൈദ്യുതി ബില്ലടച്ചില്ല; വിദ്യാഭ്യാസ ഉപഡയറക്ടറുടെ ഓഫിസിലെ ഫ്യൂസ് ഊരി

മ​ല​പ്പു​റം: വൈ​ദ്യു​തി ബി​ല്‍ അ​ട​ക്കാ​ത്ത​തി​നാ​ൽ മ​ല​പ്പു​റം കോ​ട്ട​പ്പ​ടി​യി​ലെ വി​ദ്യാ​ഭ്യാ​സ ഉ​പ​ഡ​യ​റ​ക്ട​റു​ടെ (ഡി.​ഡി.​ഇ) ഓ​ഫി​സി​ലെ ഫ്യൂ​സ് കെ.​എ​സ്.​ഇ.​ബി ഊ​രി. ആ​റ് മാ​സ​ത്തി​നി​ടെ ഒ​ന്ന​ര ല​ക്ഷ​ത്തോ​ളം രൂ​പ​യാ​ണ് കു​ടി​ശ്ശി​ക​യാ​യ​ത്. വെ​ള്ളി​യാ​ഴ്ച രാ​വി​ലെ 10ഓ​ടെ​യാ​ണ് ര​ണ്ട് മീ​റ്റ​റു​ക​ളി​ലെ ഫ്യൂ​സ് ഊ​രി​യ​ത്.

ഇ​തോ​ടെ ഓ​ഫി​സ് ഇ​രു​ട്ടി​ലാ​യി. പ്ര​വ​ര്‍ത്ത​ന​ങ്ങ​ള്‍ താ​ളം​തെ​റ്റി. ഇ​ന്‍വെ​ര്‍ട്ട​ര്‍ കേ​ടു​വ​ന്ന​തി​നാ​ല്‍ ഈ ​സം​വി​ധാ​ന​വും ജീ​വ​ന​ക്കാ​ര്‍ക്ക് ഉ​പ​യോ​ഗി​ക്കാ​ന്‍ ക​ഴി​ഞ്ഞി​ല്ല. ഡി.​ഡി.​ഇ ഓ​ഫി​സ്, എ​സ്.​എ​സ്.​എ, എ​യ്​​ഡ​ഡ്​ പി.​എ​ഫ്​ ഓ​ഫി​സ് എ​ന്നി​ങ്ങ​നെ മൂ​ന്ന്​ ക​ണ​ക്​​ഷ​നു​ക​ളാ​ണ്​ ഇ​വി​ടെ​യു​ള്ള​ത്. ഇ​തി​ൽ ര​ണ്ട്​ ഓ​ഫി​സു​ക​ളു​ടെ ഫ്യൂ​സാ​ണ്​ ഊ​രി​യ​ത്. ടി.​ടി.​സി വി​ദ്യാ​ര്‍ഥി​ക​ളു​ടെ അ​ഭി​മു​ഖം ന​ട​ക്കു​ന്ന സാ​ഹ​ച​ര്യ​ത്തി​ലാ​ണ് മൂ​ന്നാ​മ​ത്തെ ഫ്യൂ​സ് ഊ​രാ​തെ കെ.​എ​സ്.​ഇ.​ബി അ​ധി​കൃ​ത​ർ മ​ട​ങ്ങി​യ​ത്. പ​ല​ത​വ​ണ കെ.​എ​സ്.​ഇ.​ബി ഉ​ദ്യോ​ഗ​സ്ഥ​ര്‍ ഓ​ഫി​സി​ലെ​ത്തി മു​ന്ന​റി​യി​പ്പ് ന​ല്‍കി​യി​രു​ന്നു. വി​ഷ​യം വി​ദ്യാ​ഭ്യാ​സ വ​കു​പ്പ്​ അ​ധി​കൃ​ത​രെ​യും അ​റി​യി​ച്ചി​ട്ടു​ണ്ട്. പ​ണ​മ​ട​ക്കാ​ന്‍ അ​ടി​യ​ന്ത​ര ന​ട​പ​ടി സ്വീ​ക​രി​ച്ച​താ​യി ഡി.​ഡി.​ഇ അ​റി​യി​ച്ചു.