തിരൂർ: നടുവിലങ്ങാടി പ്രധാന റോഡിലുണ്ടായ അപകടത്തിൽ രണ്ട് ബൈക്ക് യാത്രക്കാർക്ക് പരിക്ക്. തിരൂർ - താനൂർ റോഡിലെ നടുവിലങ്ങാടി വളവിലാണ് അശ്രദ്ധയിൽ കാറോടിച്ചുണ്ടായ അപകടത്തിൽ യാത്രക്കാർക്ക് പരിക്കേറ്റത്. തിങ്കളാഴ്ച വൈകീട്ട് 3.30 ഓടെയാണ് അപകടം.
ബൈക്ക് യാത്രക്കാരനായ നടുവിലങ്ങാടി സ്വദേശി സൈഫുവിന് തലയ്ക്കും കാലിനും പരിക്കേറ്റ് വളാഞ്ചേരി നടക്കാവ് ആശുപത്രിയിൽ പ്രവേശിപ്പിച്ചു. മറ്റൊരു ബൈക്ക് യാത്രികനായ പൂക്കയിൽ സ്വദേശി പി. ഷാജിദിനെയും ആശുപത്രിയിൽ പ്രവേശിപ്പിച്ചു.
തിരൂരിൽ നിന്ന് താനൂർ ഭാഗത്തേക്ക് പോവുകയായിരുന്ന കാറാണ് നടുവിലങ്ങാടി വളവിൽ വെച്ച് രണ്ട് ബൈക്കുകളിലേക്ക് ഇടിച്ചുകയറിയത്. തിരൂർ പൊലീസ് സ്ഥലത്തെത്തി.
അപകടത്തിന്‍റെ സി.സി.ടി.വി ദൃശ്യം
നടുവിലങ്ങാടി വളവിൽ തുടർച്ചയായി അപകടങ്ങളുണ്ടാവുകയാണ്. കഴിഞ്ഞ ശനിയാഴ്ച രണ്ട് അപകടങ്ങളാണുണ്ടായത്. കാറും ബൈക്കും തമ്മിലിടിച്ചായിരുന്നു രണ്ടും. ആർക്കും പരിക്കേറ്റിരുന്നില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.