ആനക്കര (പാലക്കാട്): തൃത്താല ബ്ലോക്ക് പഞ്ചായത്തില്‍ കുമരനല്ലൂര്‍ ഡിവിഷനിലെ എല്‍.ഡി.എഫ് സ്ഥാനാർഥിയുടെ പത്രിക തള്ളി. സി.പി.എം തൃത്താല ഏരിയ കമ്മറ്റി അംഗം വി.കെ. മനോജ് കുമാറിെൻറ പത്രികയാണ് തള്ളിയത്. ഗുരുവായൂര്‍ ദേവസ്വം ബോര്‍ഡിെൻറ കീഴിലെ വളാഞ്ചേരിയിലെ ഗോകുല ഫാമിലെ ജീവനക്കാരാണ് മനോജ്കുമാര്‍.
ഇത് സര്‍ക്കാര്‍ നിയമനമായതിനാലാണ് പത്രിക തള്ളാന്‍ കാരണമായതെന്നാണ് പറയുന്നത്. തിങ്കളാഴ്ച രാവിലെ 11ന് മുമ്പായി ദേവസ്വം ബോര്‍ഡ് കമീഷണറില്‍ നിന്നും മത്സരിക്കാനുള്ള അനുമതി പത്രം ഹാജരാക്കാന്‍ പറഞ്ഞിരുന്നു. എന്നാല്‍, ഇത് നിശ്ചിത സമയത്തിനുള്ളില്‍ ഹാജരാക്കാന്‍ കഴിയാത്തതാണ് പത്രിക തള്ളാന്‍ കാരണമായതെന്ന് ബന്ധപ്പെട്ടവര്‍ പറഞ്ഞു.
പകരം ഡമ്മി സ്ഥാനാർഥിയായ കെ.വി. ബാലകൃഷ്ണനാണ് എല്‍.ഡി.എഫ് സ്ഥാനാർഥി. എല്‍.ഡി.എഫിെൻറ സിറ്റിങ് സീറ്റാണ് കുമരനല്ലൂര്‍ ഡിവിഷന്‍. കഴിഞ്ഞ തവണ സ്ത്രീ സംവരണത്തില്‍ എല്‍.ഡി.എഫിലെ ടി.കെ. സുനിതയാണ് വിജയിച്ചത്. പത്രപ്രവര്‍ത്തകനായ അലി കുമരനല്ലൂരാണ് യു.ഡി.എഫ് സ്ഥാനാർഥി. കഴിഞ്ഞ കപ്പൂര്‍ പഞ്ചായത്തിലെ മെമ്പറായിരുന്നു അലി കുമരനല്ലൂര്‍. ഇവിടെ ബി.ജെ.പി സ്ഥാനാർഥിയും മത്സരിക്കുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.