മു​ത​ല​മ​ട​യി​ൽ അ​ന​ധി​കൃ​ത ക്വാ​റി​ക​ൾ സ​ജീ​വം; ന​ട​പ​ടി​യി​ല്ലാ​തെ അ​ധി​കൃ​ത​ർ

ചി​റ്റൂ​ർ: ക്വാ​റി മാ​ഫി​യ​ക​ൾ​ക്കെ​തി​രെ ചെ​റു​വി​ര​ല​ന​ക്കാ​തെ സ​ർ​ക്കാ​ർ വ​കു​പ്പു​ക​ൾ. പ​രി​സ്ഥി​തി ലോ​ല പ്ര​ദേ​ശ​മാ​യ മു​ത​ല​മ​ട​യി​ൽ അ​ന​ധി​കൃ​ത​മാ​യി പ്ര​വ​ർ​ത്തി​ക്കു​ന്ന​ത് 15ലേ​റെ ക്വാ​റി​ക​ൾ. എ​ന്നാ​ൽ ഇ​വ​ർ​ക്കെ​തി​രെ ന​ട​പ​ടി​യെ​ടു​ക്കേ​ണ്ട റ​വ​ന്യൂ, മൈ​നി​ങ്ങ് ആ​ൻ​ഡ് ജി​യോ​ള​ജി വ​കു​പ്പു​ക​ളും പൊ​ലീ​സും പ​രി​സ്ഥി​തി ചൂ​ഷ​ണം ക​ണ്ടി​ല്ലെ​ന്ന് ന​ടി​ക്കു​ന്നു.

വ്യാ​പ​ക​മാ​യ അ​ള​വി​ലാ​ണ് ഇ​വി​ടെ ക്വാ​റി​ക​ൾ പ്ര​വ​ർ​ത്തി​ക്കു​ന്ന​തെ​ന്ന​ത് ന​ട​ത്തി​പ്പു​കാ​രി​ലെ രാ​ഷ്ട്രീ​യ ഉ​ദ്യോ​ഗ​സ്ഥ ബ​ന്ധ​ങ്ങ​ളി​ലേ​ക്കാ​ണ് വി​ര​ൽ ചൂ​ണ്ടു​ന്ന​ത്. പ​രി​സ്ഥി​തി പ്ര​വ​ർ​ത്ത​ക​രും നാ​ട്ടു​കാ​രും നി​ര​വ​ധി ത​വ​ണ പ​രാ​തി​യു​മാ​യി ഉ​ന്ന​ത പൊ​ലീ​സ്, റ​വ​ന്യൂ അ​ധി​കാ​രി​ക​ളെ സ​മീ​പി​ച്ചെ​ങ്കി​ലും ഒ​രു​ന​ട​പ​ടി​യും സ്വീ​ക​രി​ച്ചി​ട്ടി​ല്ല. ക​ക്ഷി രാ​ഷ്ട്രീ​യ ദേ​ദ​മ​ന്യേ എ​ല്ലാ​വ​രു​ടെ​യും പി​ന്തു​ണ ക്വാ​റി മാ​ഫി​യ​ക​ൾ​ക്കാ​ണെ​ന്നാ​ണ് നാ​ട്ടു​കാ​രു​ടെ ആ​ക്ഷേ​പം. പേ​രി​നൊ​രു സ്റ്റോ​പ്പ് മെ​മ്മോ ന​ൽ​കി​യ​തൊ​ഴി​ച്ചാ​ൽ ഒ​രു ന​ട​പ​ടി​യും റ​വ​ന്യൂ വ​കു​പ്പ് കൈ​ക്കൊ​ണ്ടി​ല്ല.

മാ​സ​ങ്ങ​ൾ​ക്ക് മു​മ്പ് മു​ത​ല​മ​ട 1 വി​ല്ലേ​ജ് ഓ​ഫി​സ​ർ അ​ന​ധി​കൃ​ത​മാ​യി പ്ര​വ​ർ​ത്തി​ക്കു​ന്ന ക്വാ​റി​ക​ൾ​ക്ക് സ്റ്റോ​പ്പ് മെ​മ്മോ ന​ൽ​കു​ക​യും ത​ഹ​സി​ൽ​ദാ​ർ​ക്കും മൈ​നി​ങ് ആ​ൻ​ഡ് ജി​യോ​ള​ജി വ​കു​പ്പി​നും റി​പ്പോ​ർ​ട്ട് ന​ൽ​കു​ക​യും ചെ​യ്തി​രു​ന്നു.

സ്റ്റോ​പ്പ് മെ​മ്മോ​യി​ലെ തു​ട​ർ ന​ട​പ​ടി​യെ​ന്ന നി​ല​യി​ൽ ഉ​ത്ത​ര​വ് ലം​ഘി​ക്കു​ന്ന​വ​ർ​ക്കെ​തി​രെ ന​ട​പ​ടി ആ​വ​ശ്യ​പ്പെ​ട്ട് പൊ​ലീ​സി​ന് ക​ത്ത് ന​ൽ​കാ​ൻ ത​ഹ​സി​ൽ​ദാ​ർ​ക്കും വി​ല്ലേ​ജ് ഓ​ഫി​സ​ർ​ക്കും അ​ധി​കാ​ര​മു​ണ്ടെ​ന്നി​രി​ക്കെ അ​തി​നു ത​യ്യാ​റാ​വാ​തെ ക്വാ​റി മാ​ഫി​യ​ക​ൾ​ക്ക് ഒ​ത്താ​ശ ചെ​യ്യു​ക​യാ​ണ് റ​വ​ന്യൂ അ​ധി​കൃ​ത​ർ ചെ​യ്യു​ന്ന​ത്. വി​ല്ലേ​ജ് ഓ​ഫി​സി​ൽ നി​ന്നു​ള്ള റി​പ്പോ​ർ​ട്ട് പ്ര​കാ​രം ഉ​ട​മ​ക​ൾ​ക്ക് കാ​ര​ണം കാ​ണി​ക്ക​ൽ നോ​ട്ടീ​സ് ന​ൽ​കി​യി​ട്ടു​ണ്ടെ​ന്നാ​ണ് മൈ​നി​ങ് ആ​ൻ​ഡ് ജി​യോ​ള​ജി വ​കു​പ്പി​ന്‍റെ​യും വാ​ദം. എ​ന്നാ​ൽ ഇ​ത്ത​ര​ത്തി​ൽ വ​കു​പ്പു​ക​ൾ പ​ര​സ്പ​രം പ​ഴി​ചാ​രു​മ്പോ​ൾ ക്വാ​റി​ക​ൾ അ​നു​സ്യൂ​തം പ്ര​വ​ർ​ത്ത​നം തു​ട​രു​ക​യാ​ണ് ചെ​യ്യു​ന്ന​ത്.