ഇ​ട്ടി​ലാ​ക്കു​ളം ആ​ര് ന​വീ​ക​രി​ക്കും?

അ​ല​ന​ല്ലൂ​ർ: ഭീ​മ​നാ​ട് ഇ​ട്ടി​ലാ​കു​ളം പ്ലാ​സ്റ്റി​ക്ക് മാ​ലി​ന്യം കൊ​ണ്ടും ച​ളി​യും പാ​യ​ലും നി​റ​ഞ്ഞും വൃ​ത്തി​ഹീ​ന​മാ​യി. കു​ള​ത്തി​ലെ വെ​ള്ള​ത്തി​ന് ദു​ർ​ഗ​ന്ധം കൂ​ടി വന്നതോ​ടെ കു​ളി​ക്കാ​നും അ​ല​ക്കാ​നും പ​റ്റാ​ത്ത അ​വ​സ്ഥ​യാ​യി.

അ​ല​ന​ല്ലൂ​ർ ഗ്രാ​മ​പ​ഞ്ചാ​യ​ത്ത് പ​രി​ധിയി​ലെ ഇ​ട്ടി​ലാ​കു​ളം വൃ​ത്തി​യാ​ക്കി​യി​ട്ട് വ​ർ​ഷ​ങ്ങ​ൾ ക​ഴി​ഞ്ഞു. പ്ര​ദേ​ശ​ത്ത് നി​ര​വ​ധി കു​ടും​ബ​ങ്ങ​ൾ​ക്കും യാ​ത്ര​ക്കാ​ർ​ക്കും ഒ​രു​പോ​ലെ ഉ​പ​യോ​ഗി​ക്കാ​ൻ പ​റ്റു​ന്ന കു​ള​മാ​യി​രു​ന്നു. വേ​ന​ലാ​കു​ന്ന​തോ​ടെ നി​ര​വ​ധി പേ​രാ​ണ് കു​ള​ത്തി​ലെ​ത്താ​റു​ള്ള​ത്. മ​ഴ​ക്കാ​ല​ത്ത് പോ​ലും ദു​ർ​ഗ​ന്ധം വ​ഹി​ക്കു​ന്ന കു​ളം വേ​ന​ലി​ൽ തീ​രെ ഉ​പ​യോ​ഗി​ക്കാ​ൻ പ​റ്റാ​ത്ത അ​വ​സ്ഥ​യാ​ണ്. കു​ളം വൃ​ത്തി​യാ​ക്കാ​നോ, ന​വീ​ക​ര​ണ പ്ര​വ​ർ​ത്ത​ന​ങ്ങ​ൾ​ക്കോ തു​ക വ​യ​യി​രു​ത്തി​യി​ട്ടി​ല്ലെ​ന്ന് ഗ്രാ​മ​പ​ഞ്ചാ​യ​ത്ത് അം​ഗം അ​ശ്വ​തി പ​റ​ഞ്ഞു. ഭീ​മ​നാ​ട് ഗ​വ. യു.​പി സ്കൂ​ളി​ന്റെ സ​മീ​പ​ത്തെ കു​ളം വൃ​ത്തി​യാ​ക്കാ​ൻ അ​ധ്യാ​പ​ക​രും വി​ദ്യാ​ർ​ഥി​ക​ൾ​ക്കും ആ​ഗ്ര​ഹ​മു​ണ്ടെ​ങ്കി​ലും വെ​ള്ള​ത്തി​ന്റെ ആ​ഴം കാ​ര​ണം ഉ​പേ​ക്ഷി​ക്കു​ക​യാ​യി​രു​ന്നു.

എ​ര​ങ്ങോ​ട്ടു​കു​ള​ത്തി​ന് പു​ന​ർ​ജ​നി 

ശു​ചീ​ക​രി​ച്ച​ത് യു.​ഡി.​ എ​ഫ് പ്ര​വ​ർ​ത്ത​ക​ർ

പ​ട്ടാ​മ്പി: വ​ർ​ഷ​ങ്ങ​ളാ​യി മാ​ലി​ന്യം​നി​റ​ഞ്ഞ് കാ​ടു​പി​ടി​ച്ച് കി​ട​ന്നി​രു​ന്ന കൊ​പ്പം പ​ഞ്ചാ​യ​ത്തി​ലെ മ​ണ്ണേ​ങ്ങോ​ട് എ​ര​ങ്ങോ​ട്ടു​കു​ളം യു.​ഡി.​എ​ഫ് പ്ര​വ​ർ​ത്ത​ക​ർ ശു​ചീ​ക​രി​ച്ചു. പ്ര​ദേ​ശ​ത്തെ 250 കു​ടും​ബ​ങ്ങ​ൾ ആ​ദ്യ​കാ​ല​ങ്ങ​ളി​ൽ കു​ളി​ക്കാ​നും കൃ​ഷി ആ​വ​ശ്യ​ങ്ങ​ൾ​ക്കും മ​റ്റും ഉ​പ​യോ​ഗി​ച്ചി​രു​ന്ന കു​ളം 10 വ​ർ​ഷ​മാ​യി മാ​ലി​ന്യം​നി​റ​ഞ്ഞ് കാ​ടു​പി​ടി​ച്ച് കി​ട​ന്നി​ട്ടും മാ​ലി​ന്യം നീ​ക്കാ​നു​ള്ള കാ​ര്യ​മാ​യ ന​ട​പ​ടി​ക​ളൊ​ന്നും പ​ഞ്ചാ​യ​ത്തി​ന്റെ ഭാ​ഗ​ത്തു​നി​ന്നും ഉ​ണ്ടാ​യി​ല്ലെ​ന്ന് യു.​ഡി.​എ​ഫ് കു​റ്റ​പ്പെ​ടു​ത്തി.

ഒ​ന്ന​ര ഏ​ക്ക​ർ വി​സ്തൃ​തി​യും 15 അ​ടി​യോ​ളം താ​ഴ്ച​യു​ള്ള കു​ളം മൂ​ന്നു​ദി​വ​സം കൊ​ണ്ടാ​ണ് ശു​ചീ​ക​രി​ച്ച​ത്. കെ.​പി.​സി.​സി അം​ഗം റി​യാ​സ് മു​ക്കോ​ളി ഉ​ദ്ഘാ​ട​നം ചെ​യ്തു. ദി​നേ​ഷ് ക​രി​മ്പ​ന​ക്ക​ൽ, അ​നി​ൽ പു​ലാ​ശ്ശേ​രി, എ​ൻ.​കെ. ഷി​ഹാ​ബ്, ക​ണ്ണ​ൻ, എം.​ടി. വ​ഹാ​ബ്, പി.​പി. അ​ബൂ​ബ​ക്ക​ർ, ടി.​കെ. ഷു​ക്കൂ​ർ, ഷ​ബീ​ർ, സെ​യ്ദ്, വി.​പി. ബി​ജു, അം​ജ​ദ് , നൂ​റു​ദ്ദീ​ൻ, എം.​ടി. ഷു​ക്കൂ​ർ, സി​റാ​ജ്, വി​നു മ​ണ്ണേ​ങ്ങോ​ട് എ​ന്നി​വ​ർ നേ​തൃ​ത്വം ന​ൽ​കി.