പിടിയിലായ പ്രതികൾ
ഒറ്റപ്പാലം: സംശയം തോന്നി പൊലീസ് നടത്തിയ പരിശോധനയിൽ കാറിൽ കടത്തിയ 30 കിലോ കഞ്ചാവുമായി രണ്ടുപേർ പിടിയിൽ. കാപ്പ കേസ് പ്രതി തച്ചനാട്ടുകര ചെത്തല്ലൂർ ആനക്കുഴിയിൽ ബാബുരാജ് (32), പ്രകാശ് (35) എന്നിവരാണ് അറസ്റ്റിലായത്. ഇവർ സഞ്ചരിച്ച കാറും ഒറ്റപ്പാലം പൊലീസ് കസ്റ്റഡിയിലെടുത്തു. പനമണ്ണ അമ്പലവട്ടം വായനശാല റോഡിൽ വ്യാഴാഴ്‌ച പുലർച്ചെ രണ്ടോടെയാണ് ഇവർ പിടിയിലായത്.
ഷൊർണൂരിൽനിന്ന് മടങ്ങുകയായിരുന്ന ഒറ്റപ്പാലം എസ്.ഐ എം. സുനിലിന്റെ നേതൃത്വത്തിലുള്ള പൊലീസ് സംഘത്തിന് തോന്നിയ സംശയമാണ് കഞ്ചാവ് വേട്ടക്ക് അവസരമായത്. അമ്പലവട്ടം ഭാഗത്തുനിന്ന് സൗത്ത് പനമണ്ണ ഭാഗത്തേക്ക് പോകുന്ന കാർ തടഞ്ഞ് പരിശോധിച്ചപ്പോഴാണ് ഡിക്കിയിൽ മൂന്ന് ചാക്കുകളിലായി സൂക്ഷിച്ച കഞ്ചാവ് കണ്ടെത്തിയത്.
തൃശൂരിൽനിന്ന് ഹാറൂൺ എന്ന വ്യക്തിയിൽ നിന്നാണ് കഞ്ചാവ് കൊണ്ടുവരുന്നതെന്നും ഇതിനായി 3.15 ലക്ഷം രൂപ കൈമാറിയതായും പിടിയിലായവർ പറഞ്ഞതായി പൊലീസ് അറിയിച്ചു. പ്രതികളിൽനിന്ന് 12,500 രൂപ കണ്ടെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.