പാലക്കാട്: അന്താരാഷ്ട്ര വിപണിയില്‍ 40 ലക്ഷത്തോളം വിലവരുന്ന കറുപ്പുമായി പാലക്കാട് സ്വദേശി പിടിയില്‍. തിരുനെല്ലായി ഒതുങ്ങോട് സ്വദേശി അഫ്‌സലിനെയാണ് (42) പാലക്കാട് ഡാന്‍സാഫ് സ്‌ക്വാഡും കസബ പൊലീസും പിടികൂടിയത്. രഹസ്യവിവരത്തിന്റെ അടിസ്ഥാനത്തിലായിരുന്നു പരിശോധന.
രാജസ്ഥാനില്‍നിന്നാണ് കറുപ്പ് ഇടനിലക്കാര്‍ക്കായി എത്തിച്ചതെന്ന് അഫ്സൽ മൊഴി നൽകി. ഉറവിടത്തെക്കുറിച്ച് സൂചന ലഭിച്ചിട്ടുണ്ടെന്നും തുടരന്വേഷണം ഊര്‍ജിതമാക്കിയിട്ടുണ്ടെന്നും പൊലീസ് പറഞ്ഞു.
ഡി.സി.ആര്‍.ബി. ഡിവൈ.എസ്.പി. എം. സുകുമാരന്‍, പാലക്കാട് ടൗണ്‍ സൗത്ത് ഇന്‍സ്‌പെക്ടര്‍ ഷിജു എബ്രഹാം, കസബ സബ് ഇന്‍സ്‌പെക്ടര്‍ അനീഷ്, ഡാന്‍സാഫ് സ്‌ക്വാഡ് അംഗങ്ങൾ എന്നിവരടങ്ങിയ സംഘമാണ് പിടികൂടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.