ന​ഗ​ര​ത്തി​ലെ സിഗ്നൽ വിളക്കുകൾ നോക്കുകുത്തി

പാ​ല​ക്കാ​ട്: വാ​ഹ​ന​പെ​രു​ക്കം കാ​ര​ണം റോ​ഡു​ക​ൾ നി​റ​ഞ്ഞ് ഗ​താ​ഗ​ത​ക്കു​രു​ക്ക് പ​തി​വാ​കു​മ്പോ​ഴും ന​ഗ​ര​ത്തി​ലെ സി​ഗ്ന​ൽ സം​വി​ധാ​ന​ങ്ങ​ൾ നോ​ക്കു​കു​ത്തി.തി​ര​ക്കേ​റി​യ ജ​ങ്ഷ​നു​ക​ളി​ലെ​ല്ലാം സി​ഗ്ന​ൽ വി​ള​ക്കു​ക​ൾ സ്ഥാ​പി​ച്ചി​ട്ടു​ണ്ടെ​ങ്കി​ലും പ​ല​തും ഉ​പ​കാ​ര​പ്പെ​ടു​ന്നി​ല്ല. പ്ര​വ​ർ​ത്ത​ന​ക്ഷ​മ​മ​ല്ലാ​ത്ത സി​ഗ്ന​ൽ വി​ള​ക്കു​ക​ളാ​ണ് മി​ക്ക​യി​ട​ത്തു​മു​ള്ള​ത്. സ്റ്റേ​ഡി​യ​ത്തു​നി​ന്ന് ച​ന്ദ്ര​ന​ഗ​റി​ലേ​ക്ക് പോ​കു​ന്ന റൂ​ട്ടി​ലെ തി​ര​ക്കേ​റി​യ ജ​ങ്ഷ​നാ​ണ് ക​ൽ​മ​ണ്ഡ​പം.

സ​ർ​വി​സ് റോ​ഡു​ക​ളി​ലൂ​ടെ​യും കോ​ഴി​ക്കോ​ട് ബൈ​പാ​സി​ലൂ​ടെ​യും സ്റ്റേ​ഡി​യ​ത്തു​നി​ന്നും ച​ന്ദ്ര​ന​ഗ​ർ ഭാ​ഗ​ത്തു​നി​ന്നു​മെ​ല്ലാം വ​രു​ന്ന വാ​ഹ​ന​ങ്ങ​ൾ കൂ​ടി​ച്ചേ​രു​ന്ന ജ​ങ്ഷ​നി​ൽ തി​ര​ക്ക് പ​തി​വാ​ണ്.സ്കൂ​ൾ സ​മ​യ​ങ്ങ​ളി​ൽ പ്ര​ത്യേ​കി​ച്ച് സെ​ക്ക​ൻ​ഡു​ക​ൾ കൊ​ണ്ട് നീ​ണ്ട ഗ​താ​ഗ​ത​ക്കു​രു​ക്ക് രൂ​പ​പ്പെ​ടു​ന്ന ഇ​വി​ടെ പേ​രി​ന് സി​ഗ്ന​ൽ വി​ള​ക്കു​ക​ൾ സ്ഥാ​പി​ച്ചി​ട്ടു​ണ്ടെ​ങ്കി​ലും കാ​ല​ങ്ങ​ളാ​യി പ്ര​വ​ർ​ത്തി​ക്കാ​റി​ല്ല. ട്രാ​ഫി​ക് പൊ​ലീ​സാ​ണ് ഗ​താ​ഗ​തം നി​യ​ന്ത്രി​ക്കു​ന്ന​ത്. ച​ര​ക്കു​വാ​ഹ​ന​ങ്ങ​ൾ ഉ​ൾ​പ്പെ​ടെ ഇ​തു​വ​ഴി വ​രു​ന്ന​തി​നാ​ൽ മി​ക്ക ദി​വ​സ​ങ്ങ​ളി​ലും ഇ​വി​ടെ കു​രു​ക്കു​ണ്ട്.

ഒ​ല​വ​ക്കോ​ട് ജ​ങ്ഷ​നി​ൽ രാ​ത്രി​പോ​ലും രൂ​ക്ഷ​മാ​യ ഗ​താ​ഗ​ത​ക്കു​രു​ക്കാ​ണ്. പ​തി​റ്റാ​ണ്ടു​ക​ൾ​ക്ക് മു​മ്പ് സ്ഥാ​പി​ച്ച ന​ഗ​ര​ത്തി​ലെ പ്ര​ധാ​ന ജ​ങ്ഷ​നു​ക​ളി​ലെ സി​ഗ്ന​ൽ സം​വി​ധാ​ന​ങ്ങ​ളെ​ല്ലാം ഇ​പ്പോ​ൾ ഉ​പ​യോ​ഗ​ശൂ​ന്യ​മാ​ണ്. ഒ​ല​വ​ക്കോ​ട് മു​ത​ൽ മേ​ഴ്സി കോ​ള​ജ് ജ​ങ്ഷ​ൻ വ​രെ​യു​ള്ള സി​ഗ്ന​ലു​ക​ൾ പ​ല​തും പ്ര​വ​ർ​ത്ത​ന​ര​ഹി​ത​മാ​ണ്. ശേ​ഖ​രീ​പു​രം, താ​രേ​ക്കാ​ട് മോ​യ​ൻ സ്കൂ​ളി​ന് മു​ൻ​വ​ശം എ​ന്നി​വി​ട​ങ്ങ​ളി​ലെ സി​ഗ്ന​ൽ വി​ള​ക്കു​ക​ൾ എ​പ്പോ​ഴും ഓ​റ​ഞ്ച് വെ​ളി​ച്ച​ത്തി​ൽ മി​ന്നു​ക മാ​ത്ര​മാ​ണ് ചെ​യ്യു​ക.

വി​ക്ടോ​റി​യ കോ​ള​ജ്, പ​ലാ​ൽ ജ​ങ്ഷ​ൻ, പു​ത്തൂ​ർ ജ​ങ്ഷ​ൻ, ഐ.​എം.​എ ജ​ങ്ഷ​ൻ, എ​സ്.​ബി.​ഐ ജ​ങ്ഷ​ൻ തു​ട​ങ്ങി​യ​വി​ട​ങ്ങ​ളി​ൽ സി​ഗ്ന​ലു​ക​ൾ കൃ​ത്യ​മാ​യി പ്ര​വ​ർ​ത്തി​ക്കാ​റു​ണ്ട്. തി​ര​ക്കേ​റി​യ മ​റ്റു ജ​ങ്ഷ​നു​ക​ളി​ലും മി​ന്നി​ക്കൊ​ണ്ടി​രി​ക്കു​ന്ന സി​ഗ്ന​ൽ വി​ള​ക്കു​ക​ൾ കൃ​ത്യ​മാ​യി തെ​ളി​ഞ്ഞാ​ൽ അ​പ​ക​ട​ങ്ങ​ൾ​ക്ക് ഒ​രു പ​രി​ധി​വ​രെ ത​ട​യി​ടാ​നാ​കും.