അട്ടപ്പാടിയിൽ ആദിവാസി ഭൂമി അന്യാധീനപ്പെട്ടു -കലക്ടർ

പാ​ല​ക്കാ​ട്: ആ​ദി​വാ​സി​ക​ൾ​ക്ക് കൊ​ടു​ത്ത ഭൂ​മി അ​ന്യാ​ധീ​ന​പ്പെ​ട്ടി​ട്ടു​ണ്ടെ​ന്ന് ക​ല​ക്ട​ര്‍ ഡോ. ​എ​സ്. ചി​ത്ര വാ​ര്‍ത്ത​സ​മ്മേ​ള​ന​ത്തി​ല്‍ അ​റി​യി​ച്ചു. അ​ട്ട​പ്പാ​ടി​യി​ൽ ഇ​പ്പോ​ഴ​ത്തെ രേ​ഖ​ക​ൾ പ്ര​കാ​രം ഭൂ​മി ഇ​ല്ലാ​ത്ത​വ​രാ​യി ആ​രും ഇ​ല്ല. പ​ല വ​ർ​ഷ​ങ്ങ​ളാ​യി സ​ർ​ക്കാ​ർ ഇ​ട​പെ​ട​ലി​ലൂ​ടെ​യാ​ണ് ഇ​ത് സാ​ധ്യ​മാ​യ​ത്.

കൊ​ടു​ത്ത പ​ട്ട​യ​ഭൂ​മി അ​വ​ർ ഉ​പ​യോ​ഗ​പ്പെ​ടു​ത്തി​യി​ട്ടി​ല്ല. ആ​ന ക​യ​റു​ന്ന​തോ അ​ല്ലെ​ങ്കി​ൽ കാ​ട് ക​യ​റി​യ സ്ഥ​ല​മോ ആ​യ​തി​നാ​ലാ​യി​രി​ക്കാം ഇ​ത്. പാ​ല​ക്കാ​ട് ജി​ല്ല​യി​ൽ റീ​സ​ർ​വേ ക​ഴി​ഞ്ഞി​ട്ടും പോ​ക്കു​വ​ര​വ് കൃ​ത്യ​മാ​യി ന​ട​ത്താ​ത്ത​തി​നാ​ൽ ഭൂ​രേ​ഖ​ക​ളി​ൽ വ്യ​ക്ത​ത​ക്കു​റ​വു​ണ്ട്. പ​ല​പ്പോ​ഴും അ​വ​ർ​ക്ക് ശ​രി​യാ​യ ഭൂ​രേ​ഖ ഹാ​ജ​രാ​ക്കാ​ൻ സാ​ധി​ക്കാ​റി​ല്ല. പ​ല കൈ ​മ​റി​ഞ്ഞ് പി​ൻ​ത​ല​മു​റ​ക്കാ​രു​ടെ കൈ​യി​ലെ​ത്തു​മ്പോ​ൾ മ​തി​യാ​യ രേ​ഖ​ക​ൾ കൈ​വ​ശ​മി​ല്ലാ​ത്ത​തും ക​ണ്ടു​വ​രു​ന്നു​ണ്ട്.

അ​ട്ട​പ്പാ​ടി​യി​ൽ സ​ർ​വേ ടീം

​ആ​ദി​വാ​സി ഭൂ​മി അ​ന്യാ​ധീ​ന​പ്പെ​ടു​ന്ന​ത് ത​ട​യാ​നു​ള്ള നി​യ​മം ഉ​ണ്ടെ​ങ്കി​ലും അ​ത​റി​യാ​തെ കൈ​മാ​റ്റ​ങ്ങ​ൾ ഇ​പ്പോ​ഴും ന​ട​ക്കു​ന്നു​ണ്ട്. ഈ ​ഭൂ​മി വേ​ർ​തി​രി​ച്ച് ക​ണ്ടെ​ത്തു​ക​യാ​ണ് വേ​ണ്ട​ത്. ​ഇ​തി​നാ​യി ആ​റ് സ​ർ​വേ​യ​ർ​മാ​രെ പ്ര​ത്യേ​ക സം​ഘ​മാ​യി അ​ട്ട​പ്പാ​ടി​യി​ലേ​ക്ക് നി​യോ​ഗി​ച്ചി​രു​ന്നു. ആ​ദി​വാ​സി​ക​ൾ​ക്ക് കൈ​മാ​റി​യ ഭൂ​മി ഏ​തൊ​ക്കെ​യാ​ണെ​ന്ന് ക​ണ്ടെ​ത്തി അ​ള​ന്ന് തി​ട്ട​പ്പെ​ടു​ത്തു​ക​യാ​ണ് അ​വ​രു​ടെ പ്രാ​ഥ​മി​ക ദൗ​ത്യം. പ​ക്ഷേ അ​വ​ർ​ക്ക് പ​രി​മി​തി​ക​ളു​ണ്ട്. പ​ല ആ​ദി​വാ​സി​ക​ൾ​ക്കും അ​വ​രു​ടെ സ്ഥ​ലം സം​ബ​ന്ധി​ച്ച് വ്യ​ക്ത​ത ഇ​ല്ല. ആ​ന ഭീ​ഷ​ണി പ​ല മേ​ഖ​ല​ക​ളി​ലു​മു​ണ്ട്. പ​ല​യി​ട​ത്തും എ​ത്താ​നാ​കു​ന്നി​ല്ല. എ​ങ്കി​ലും സ​മ​യ​ക്ര​മം അ​നു​സ​രി​ച്ച് സ​ർ​വേ പൂ​ർ​ത്തി​യാ​ക്കും.

ആ​ദി​വാ​സി​ക​ളു​മാ​യി ബ​ന്ധ​പ്പെ​ട്ട വി​ഷ​യ​ങ്ങ​ൾ പ​ല​തും നി​യ​മ​ന​ട​പ​ടി​യി​ലാ​ണ്. ആ​ദി​വാ​സി​ക​ൾ കോ​ട​തി​യി​ൽ ഉ​ന്ന​യി​ച്ചാ​ൽ എ​തി​ർ ക​ക്ഷി​ക​ൾ ഹൈ​കോ​ട​തി​യി​ൽ ച​ല​ഞ്ച് ചെ​യ്യും.

ദേ​ശീ​യ ട്രൈ​ബ​ൽ ക​മീ​ഷ​നി​ൽ ഉ​ൾ​പ്പെ​ടെ കേ​സു​ക​ൾ ന​ട​ക്കു​ന്നു​ണ്ട്. പ​ല കേ​സു​ക​ളും ഹൈ​കോ​ട​തി സ്റ്റേ ​ചെ​യ്തി​ട്ടു​ണ്ട്. ക​ല​ക്ട​ർ എ​ന്ന നി​ല​യി​ൽ എ​നി​ക്കോ സ​ർ​ക്കാ​റി​നോ ഒ​രു ന​ട​പ​ടി​യും എ​ടു​ക്കാ​ൻ പ​റ്റാ​ത്ത അ​വ​സ്ഥ​യാ​ണ്. ഈ ​സാ​ഹ​ച​ര്യ​ത്തി​ൽ ജി​ല്ല ഭ​ര​ണ​കൂ​ട​ത്തി​ന് ഉ​റ​പ്പാ​ക്കാ​നാ​കു​ക ആ​ദി​വാ​സി​ക​ൾ​ക്ക് ഒ​പ്പം നി​ൽ​ക്കു​ക​യും വേ​ണ്ട നി​യ​മ​സ​ഹാ​യം ന​ൽ​കു​ക​യു​മാ​ണെ​ന്നും ക​ല​ക്ട​ർ പ​റ​ഞ്ഞു.

1999ലെ ​പ​ട്ട​യം

1999ൽ ​എ​ത്ര പ​ട്ട​യ​ങ്ങ​ളാ​ണ് കൊ​ടു​ത്ത​ത് എ​ന്ന​ത് സം​ബ​ന്ധി​ച്ച രേ​ഖ​ക​ൾ ശേ​ഖ​രി​ച്ചി​ട്ടു​ണ്ട്. അ​ട്ട​പ്പാ​ടി​യി​ൽ സ​ർ​വേ ടീം ​സ​ർ​വേ ചെ​യ്യു​​ന്ന കൂ​ട്ട​ത്തി​ൽ ഈ ​പ​ട്ട​യ​ത്തി​ന്റെ സ്ഥ​ല​ങ്ങ​ൾ കൂ​ടി അ​തി​രി​ടാ​ൻ നി​ർ​ദേ​ശം ന​ൽ​കി​യി​ട്ടു​ണ്ട്.

ന​ഞ്ചി​യ​മ്മ​യു​ടെ കേ​സ്

ന​ഞ്ചി​യ​മ്മ​യു​ടെ ഭൂ​മി​യു​മാ​യി ബ​ന്ധ​പ്പെ​ട്ട കേ​സ് ഹൈ​കോ​ട​തി​യു​ടെ പ​രി​ഗ​ണ​ന​യി​ലാ​ണ്. അ​തി​നെ​ക്കു​റി​ച്ച് പ​റ​യു​ന്ന​ത് ശ​രി​യ​ല്ല. തീ​ർ​ച്ച​യാ​യും ആ​ദി​വാ​സി​ക​ൾ വ​ഞ്ചി​ക്ക​പ്പെ​ട്ടി​ട്ടു​ണ്ടാ​കാം. പ​ക്ഷേ ജി​ല്ല ഭ​ര​ണ​കൂ​ടം ആ​ദി​വാ​സി​ക​ളെ സ​ഹാ​യി​ക്കു​ന്ന സ​മീ​പ​ന​മാ​ണ് എ​ടു​ക്കാ​റ്.