അടൂർ കെ.എസ്.ആർ.ടി.സി ജങ്ഷനിൽ ബസിടിച്ച് തകർന്ന കാർ റോഡിൽ നിന്ന് നീക്കുന്നു
അടൂർ: കെ.എസ്.ആർ.ടി.സി ജങ്ഷനിൽ രണ്ട് ബസും രണ്ട് കാറും ബൈക്കും ഇടിച്ച് അപകടം. ബൈക്ക് യാത്രികനായ കൊടുമൺ ഇലംപ്ലാങ്കുഴിയിൽ പുത്തൻ വീട്ടിൽ രാജേഷിന് (45) പരിക്കേറ്റു.
ഇദ്ദേഹത്തി‍െൻറ കാലിലൂടെ ബസിെൻറ മുൻ ചക്രം കയറിയി. അടൂർ ജനറൽ ആശുപത്രിയിൽ പ്രവേശിപ്പിച്ചു. പത്തനംതിട്ട - ഏഴംകുളം - അടൂർ വഴി ചവറക്ക് സർവിസ് നടത്തുന്ന സ്വകാര്യബസ് അമിതവേഗത്തിൽ എത്തി ബൈക്ക് യാത്രികനെ ഇടിച്ചശേഷം ഒരു കാറി‍‍െൻറ പിറകിലും ഇടിച്ചു. ഇടിയുടെ ആഘാതത്തിൽ ഈ കാർ തൊട്ടുമുന്നിലെ മറ്റൊരു കാറിൽ ഇടിച്ചുനീങ്ങി. ഇത് സ്വകാര്യ ബസിെൻറ പിറകിലിടിച്ചാണ് നിന്നത്.
അടൂരിൽനിന്ന് ഏഴംകുളത്തേക്ക് പോകുകയായിരുന്നു ബൈക്ക്. അപകടത്തിൽ കാർ ബസിനടിയിൽപെട്ടു. ബസിെൻറ മുൻവശത്തെ ഗ്ലാസും കാറുകളുടെ ഗ്ലാസുകളും തകർന്നു. അരമണിക്കൂറോളം ഗതാഗതം തടസ്സപ്പെട്ടു. പാതയിൽ ചിതറിക്കിടന്ന ചില്ലുകളും മറ്റും അടൂർ അഗ്നിരക്ഷാസേന കഴുകി വൃത്തിയാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.