പന്തളത്ത് പനിബാധിതരുടെ എണ്ണം കൂടുന്നു; ആശങ്ക

പ​ന്ത​ളം: പ​നി​ബാ​ധി​ത​രു​ടെ എ​ണ്ണം കൂ​ടു​ന്ന​ത് പ​ന്ത​ള​ത്ത് ആ​ശ​ങ്ക​ക്കി​ട​യാ​ക്കു​ന്നു. എ​ച്ച് -വ​ൺ എ​ൻ- വ​ൺ പ​നി ബാ​ധി​ച്ച് പ​ന്ത​ള​ത്ത് ഒ​രാ​ൾ മ​രി​ച്ച​തോ​ടെ ആ​ശ​ങ്ക വ​ർ​ധി​ച്ചി​രി​ക്കു​ക​യാ​ണ്.ക​ഴി​ഞ്ഞ ഒ​രാ​ഴ്ച​യാ​യി പ​ന്ത​ള​ത്തെ സ്വ​കാ​ര്യ ആ​ശു​പ​ത്രി​ക​ളി​ലും കു​ടും​ബ ആ​രോ​ഗ്യ കേ​ന്ദ്ര​ങ്ങ​ളി​ലു​മാ​യി പ​നി​ബാ​ധി​ച്ച് നി​ര​വ​ധി പേ​രാ​ണ് ചി​കി​ത്സ തേ​ടി​യ​ത്. ഹോ​മി​യോ, ആ​യു​ർ​വേ​ദം, സ്വ​കാ​ര്യ ആ​ശു​പ​ത്രി​ക​ൾ എ​ന്നി​വി​ട​ങ്ങ​ളി​ൽ ചി​കി​ത്സ തേ​ടി​യ​വ​രു​ടെ എ​ണ്ണം കൂ​ടി ക​ണ​ക്കി​ലെ​ടു​ത്താ​ൽ പ​നി ബാ​ധി​ത​രു​ടെ ഇ​ര​ട്ടി​യാ​കും.

മ​ഴ​ക്കാ​ല​ത്ത് പ​നി ബാ​ധി​ത​രു​ടെ എ​ണ്ണം കൂ​ടു​ന്ന​ത് സാ​ധാ​ര​ണ​യാ​ണെ​ങ്കി​ലും കാ​ര്യ​മാ​യ രീ​തി​യി​ൽ മ​ഴ ല​ഭി​ക്കു​ന്ന​തി​ന്​ മു​മ്പു​ത​ന്നെ പ​നി പ​ട​രു​ന്ന​തി​നെ ആ​രോ​ഗ്യ​വ​കു​പ്പും ആ​ശ​ങ്ക​യോ​ടെ​യാ​ണ്​ കാ​ണു​ന്ന​ത്. ക​ഴി​ഞ്ഞ മാ​സ​ത്തെ അ​പേ​ക്ഷി​ച്ച് ഇ​ര​ട്ടി​യോ​ളം പേ​രാ​ണ് വൈ​റ​ൽ പ​നി ബാ​ധി​ത​രാ​യി ചി​കി​ത്സ തേ​ടി​യെ​ത്തു​ന്ന​ത്. പ​നി പെ​ട്ടെ​ന്ന്​ മാ​റു​മെ​ങ്കി​ലും പ​ല​ർ​ക്കും ചു​മ വി​ട്ടു​മാ​റു​ന്നി​ല്ല. രോ​ഗ​ല​ക്ഷ​ണ​ങ്ങ​ളു​ടെ തീ​വ്ര​ത ക​ണ​ക്കി​ലെ​ടു​ത്താ​ണ്​ രോ​ഗം തി​രി​ച്ച​റി​യു​ന്ന​ത്. കോ​വി​ഡ് നി​യ​ന്ത്ര​ണ​ങ്ങ​ൾ നീ​ക്കി​യ​തോ​ടെ പ​ല​രും മാ​സ്ക് ധ​രി​ക്ക​ൽ ഒ​ഴി​വാ​ക്കി. ഇ​തും പ​നി വ്യാ​പി​ക്കാ​ൻ പ്ര​ധാ​ന കാ​ര​ണ​ങ്ങ​ളി​ലൊ​ന്നാ​ണ്.

സ്വ​യം ചി​കി​ത്സ അ​രു​ത്

പ്ര​മേ​ഹം, ര​ക്ത​സ​മ്മ​ർ​ദം, ഹൃ​ദ​യ സം​ബ​ന്ധ​മാ​യ അ​സു​ഖം, വൃ​ക്ക​രോ​ഗി​ക​ൾ, ശ്വാ​സ​കോ​ശ സം​ബ​ന്ധ​മാ​യ അ​സു​ഖ​ങ്ങ​ൾ ഉ​ള്ള​വ​ർ പ​നി​ക്ക്​ സ്വ​യം ചി​കി​ത്സ ന​ട​ത്താ​തെ ആ​ശു​പ​ത്രി​യി​ൽ ചി​കി​ത്സ തേ​ട​ണം. പ്ര​തി​രോ​ധ ശേ​ഷി കു​റ​ഞ്ഞ​വ​രും ആ​ശു​പ​ത്രി​യി​ൽ ചി​കി​ത്സ തേ​ട​ണം. ഗ​ർ​ഭി​ണി​ക​ളും പ​നി ബാ​ധി​ച്ചാ​ൽ സ്വ​യം ചി​കി​ത്സ ന​ട​ത്ത​രു​ത്.

പ​നി​ക്കു കാ​ര​ണം കാ​ലാ​വ​സ്ഥ മാ​റ്റ​വും

കാ​ലാ​വ​സ്ഥ​യി​ലെ മാ​റ്റ​മാ​ണ് വൈ​റ​ൽ പ​നി​ബാ​ധി​ത​രു​ടെ എ​ണ്ണം കൂ​ടാ​ൻ കാ​ര​ണ​മെ​ന്നാ​ണ് ആ​രോ​ഗ്യ വ​കു​പ്പി‍െൻറ ഭാ​ഷ്യം. മാ​റി​മാ​റി വ​രു​ന്ന മ​ഴ​യും വെ​യി​ലും പ​നി ബാ​ധി​ത​രു​ടെ എ​ണ്ണം കൂ​ട്ടു​ന്നു.പ​നി ബാ​ധി​ത​രി​ൽ കോ​വി​ഡ് ബാ​ധി​ത​രു​ടെ എ​ണ്ണം കൂ​ടു​ത​ൽ ഉ​ണ്ടാ​കാ​മെ​ന്ന് ആ​രോ​ഗ്യ വ​കു​പ്പ് ക​ണ​ക്കു​കൂ​ട്ടു​ന്നു.

എ​ന്നാ​ൽ, പ​രി​ശോ​ധ​ന​ക​ൾ ഇ​ല്ലാ​ത്ത​ത് കോ​വി​ഡ് ബാ​ധി​ത​രു​ടെ എ​ണ്ണം കൃ​ത്യ​മാ​യി ക​ണ്ടെ​ത്താ​ൻ ത​ട​സ്സ​മാ​കു​ന്നു. ര​ണ്ടോ മൂ​ന്നോ ദി​വ​സം കൊ​ണ്ടു പ​നി മാ​റു​ന്ന​തി​നാ​ൽ ആ​രും പ​രി​ശോ​ധ​ന ന​ട​ത്താ​നും ത​യാ​റാ​കു​ന്നി​ല്ല.

ഇ​ക്കാ​ര്യ​ങ്ങ​ൾ ശ്ര​ദ്ധി​ക്കാം

മാ​സ്ക് ധ​രി​ക്കു​ന്ന​തും സാ​മൂ​ഹി​ക അ​ക​ലം പാ​ലി​ക്കു​ന്ന​തും കോ​വി​ഡി​ൽ​നി​ന്ന്​ മാ​ത്ര​മ​ല്ല, വൈ​റ​ൽ പ​നി​യു​ൾ​പ്പെ​ടെ പ​ക​ർ​ച്ച​വ്യാ​ധി​ക​ളി​ൽ​നി​ന്ന്​ ര​ക്ഷ​നേ​ടാ​ൻ ഉ​പ​ക​രി​ക്കും. പ​നി ഉ​ണ്ടെ​ന്ന്​ തോ​ന്നി​യാ​ൽ ഡോ​ക്ട​റു​ടെ സ​ഹാ​യം തേ​ട​ണം. വ്യ​ക്തി ശു​ചി​ത്വം പാ​ലി​ക്ക​ണം. തി​ള​പ്പി​ച്ചാ​റ്റി​യ വെ​ള്ളം മാ​ത്രം കു​ടി​ക്ക​ണം. കൊ​തു​ക്​ ക​ടി​യേ​ൽ​ക്കാ​തി​രി​ക്കാ​നും ശ്ര​ദ്ധി​ക്ക​ണ​മെ​ന്നും ആ​രോ​ഗ്യ​വ​കു​പ്പ് അ​ധി​കൃ​ത​ർ അ​റി​യി​ച്ചു.

കു​ട്ടി​ക​ളെ വി​ടാ​തെ പ​നി

സ്കൂ​ൾ തു​റ​ന്ന​തോ​ടെ കു​ട്ടി​ക​ൾ​ക്കി​ട​യി​ൽ വൈ​റ​ൽ​പ​നി വ്യാ​പ​ക​മാ​യി പ​ട​ർ​ന്നി​ട്ടു​ണ്ട്. പ്രൈ​മ​റി ക്ലാ​സു​ക​ളി​ലെ വി​ദ്യാ​ർ​ഥി​ക​ളെ​യാ​ണ്​ വൈ​റ​ൽ പ​നി കൂ​ടു​ത​ലാ​യി ബാ​ധി​ക്കു​ന്ന​ത്.പ​നി, ചു​മ, ജ​ല​ദോ​ഷം എ​ന്നി​വ​യാ​ണ്​ കു​ട്ടി​ക​ളെ കാ​ര്യ​മാ​യി ബാ​ധി​ക്കു​ന്ന​ത്.സ്കൂ​ളി​ൽ​നി​ന്ന്​ രോ​ഗ​ബാ​ധി​ത​രാ​കു​ന്ന കു​ട്ടി​ക​ളി​ൽ നി​ന്ന്​ വീ​ട്ടി​ലെ മു​തി​ർ​ന്ന​വ​രി​ലേ​ക്കും രോ​ഗം പ​ട​രു​ക​യാ​ണ്. ഉ​യ​ർ​ന്ന ‍ഡി​ഗ്രി​യി​ലു​ള്ള പ​നി, വി​ട്ടു​മാ​റാ​ത്ത ചു​മ, മൂ​ക്കൊ​ലി​പ്പ് എ​ന്നി​വ​യാ​ണ് ഇ​വ​രി​ൽ പൊ​തു​വാ​യി കാ​ണ​പ്പെ​ടു​ന്ന ല​ക്ഷ​ണ​ങ്ങ​ൾ.

ഇ​ൻ​ഫ്ലു​വ​ൻ​സ, പാ​രാ​ഇ​ൻ​ഫ്ലു​വ​ൻ​സ, എ​ന്‍റ​റോ വൈ​റ​സു​ക​ൾ, റെ​സ്പി​റേ​റ്റ​റി സി​ൻ​ഫി​ഷ്യ​ൽ വൈ​റ​സ് (ആ​ർ.​എ​സ്‌.​വി), എ​ച്ച്1​എ​ൻ1 തു​ട​ങ്ങി ഒ​ട്ടേ​റെ രോ​ഗാ​ണു​ക്ക​ൾ നി​ല​നി​ൽ​ക്കു​ന്ന​താ​ണ്​ നി​ല​വി​ലെ അ​വ​സ്ഥ​ക്ക്​ കാ​ര​ണ​മെ​ന്നാ​ണ്​ ആ​രോ​ഗ്യ​വി​ദ​ഗ്ധ​ർ പ​റ​യു​ന്ന​ത്.കു​ട്ടി​ക​ൾ ഒ​രു വൈ​റ​സ് ബാ​ധ​യി​ൽ​നി​ന്ന്​ മു​ക്തി നേ​ടു​മ്പോ​ഴേ​ക്ക് വീ​ണ്ടും ബാ​ധി​ക്കു​ന്ന സ്ഥി​തി​വി​ശേ​ഷ​മാ​ണ്.പ​ല​ർ​ക്കും രോ​ഗ​ല​ക്ഷ​ണ​ങ്ങ​ൾ സ​മാ​ന​മാ​ണെ​ങ്കി​ലും രോ​ഗാ​വ​സ്ഥ വ്യ​ത്യ​സ്ത​മാ​ണ്. മു​തി​ർ​ന്ന കു​ട്ടി​ക​ളെ അ​പേ​ക്ഷി​ച്ച് ഇ​വ​രു​ടെ പ്ര​തി​രോ​ധ​ശ​ക്തി കു​റ​വാ​ണെ​ന്ന​തും രോ​ഗാ​വ​സ്ഥ​യെ സ​ങ്കീ​ർ​ണ​മാ​ക്കു​ന്നു.