അടൂർ: കല്ലട ജലസേചന പദ്ധതി (കെ.ഐ.പി)കനാലിൽ വീണ് സ്കൂട്ടർ യാത്രികനെ കാണാതായി. മണക്കാല ജനശക്തി സർവോദയം അനിൽ ഭവനത്തിൽ അനിലിനെയാണ് കാണാതായത്.മണക്കാല പോളിടെക്നിക് കോളജിലെ കാന്‍റീൻ നടത്തിപ്പുകാരനാണ്. ശനിയാഴ്ച വൈകീട്ട് നാലിനായിരുന്നു അപകടം.
സ്കൂട്ടറിന് അരികിലായി അനിലിന്‍റെ മൊബൈൽ ഫോൺ കണ്ടെത്തിയിട്ടുണ്ട്. സ്കൂട്ടർ നിയന്ത്രണം വിട്ടു കനാലിന് സൈഡിലേക്ക് മറിയുകയായിരുന്നുവെന്ന് ദൃക്സാക്ഷികൾ പറയുന്നു.
അഗ്നിരക്ഷാ സേന സ്കൂബ ടീം കനാലിൽ തിരച്ചിലിന് തയാറെടുക്കുന്നു
ശക്തമായ ഒഴുക്കുകാരണം അനിലിനെ കണ്ടെത്താൻ സാധിച്ചിട്ടില്ല. അടൂർ അഗ്നിരക്ഷാ സേനയും പത്തനംതിട്ട സ്കൂബ ടീമും സ്ഥലത്തെത്തി പരിശോധന തുടരുകയാണ്. അടൂർ സ്റ്റേഷൻ ഓഫിസർ വിനോദ് കുമാർ, അസി. സ്റ്റേഷൻ ഓഫിസർ റെജികുമാർ, ഗ്രേഡ് അസി. സ്റ്റേഷൻ ഓഫിസർ നിയാസുദ്ദീൻ, അഗ്നിരക്ഷാ സേന ഓഫിസർ സന്തോഷ്, സൂരജ്, അനീഷ് കുമാർ എന്നിവരുടെ നേതൃത്വത്തിലാണ് തിരച്ചിൽ നടക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.