കടപ്ര-വീയപുരം ലിങ്ക് ഹൈവേയിൽ ദുരിതയാത്ര

തി​രു​വ​ല്ല: പ​ത്ത​നം​തി​ട്ട ജി​ല്ല​യി​ലെ ബ​ഹു​ഭൂ​രി​പ​ക്ഷം റോ​ഡു​ക​ളും വി​ക​സി​ച്ച​പ്പോ​ഴും അ​പ്പ​ർ​കു​ട്ട​നാ​ട​ൻ മേ​ഖ​ല​യി​ലെ പ്ര​ധാ​ന യാ​ത്രാ​മാ​ർ​ഗ​മാ​യ ക​ട​പ്ര-​വീ​യ​പു​രം ലി​ങ്ക് ഹൈ​വേ അ​വ​ഗ​ണ​ന​യി​ൽ. പ​ത്ത​നം​തി​ട്ട-​ആ​ല​പ്പു​ഴ ജി​ല്ല​ക​ളെ ത​മ്മി​ൽ ബ​ന്ധി​പ്പി​ക്കു​ന്ന​ത​ര​ത്തി​ൽ ഏ​ഴ്​ കി​ലോ​മീ​റ്റ​ർ ദൂ​ര​ത്തി​ൽ 15 വ​ർ​ഷം മു​മ്പ് നി​ർ​മി​ച്ച റോ​ഡാ​ണി​ത്. കാ​ല​വ​ർ​ഷ​ക്കാ​ല​ത്ത​ട​ക്കം പെ​യ്യു​ന്ന ചെ​റി​യ മ​ഴ​യി​ൽ​പോ​ലും റോ​ഡി​ന്റെ മി​ക്ക ഭാ​ഗ​ങ്ങ​ളും വെ​ള്ള​ത്തി​ൽ മു​ങ്ങു​ന്ന​താ​ണ് നാ​ട്ടു​കാ​ർ​ക്ക് ദു​രി​ത​മാ​കു​ന്ന​ത്.

ക​ട​പ്ര കെ.​എ​സ്.​ഇ.​ബി ഓ​ഫി​സി​ന് സ​മീ​പ​ത്തു​നി​ന്ന്​ പ​ല ഭാ​ഗ​ങ്ങ​ളി​ലാ​യി ഉ​ണ്ടാ​വു​ന്ന വെ​ള്ള​ക്കെ​ട്ട് വി​യ​പു​രം പാ​ല​ത്തി​ന് സ​മീ​പ​ത്തു​വ​രെ നീ​ളും. മ​ഴ​ക്കാ​ല​മാ​യാ​ൽ വാ​ഹ​ന​ഗ​താ​ഗ​തം നി​ല​ക്കു​ന്ന രീ​തി​യി​ൽ പ​ല​ഭാ​ഗ​ങ്ങ​ളി​ലും വെ​ള്ള​ക്കെ​ട്ട് രൂ​പ​പ്പെ​ടും. അ​പ്പ​ർ കു​ട്ട​നാ​ട​ൻ ഭൂ​പ്ര​കൃ​തി​ക്ക് അ​നു​യോ​ജ്യ​മാ​യ രീ​തി​യി​ൽ റോ​ഡ് നി​ർ​മി​ക്കു​ന്ന​തി​ൽ അ​ധി​കൃ​ത​ർ​ക്ക് സം​ഭ​വി​ച്ച വീ​ഴ്ച​യാ​ണ് വെ​ള്ള​ക്കെ​ട്ടി​ന് പ്ര​ധാ​ന കാ​ര​ണ​മെ​ന്ന്​ നാ​ട്ടു​കാ​ർ പ​റ​യു​ന്നു. മ​ഴ ക​ന​ക്കു​ന്ന​തോ​ടെ വെ​ള്ള​ക്കെ​ട്ട് മൂ​ലം അ​ത്യാ​സ​ന്ന നി​ല​യി​ലെ രോ​ഗി​ക​ളെ​പോ​ലും നി​ര​ണ​ത്തെ പ്രാ​ഥ​മി​ക ആ​രോ​ഗ്യ​കേ​ന്ദ്ര​ത്തി​ൽ എ​ത്തി​ക്കു​ന്ന​തി​ന​ട​ക്കം ത​ട​സ്സ​ങ്ങ​ൾ നേ​രി​ടാ​നു​ള്ള​താ​യി പ്ര​ദേ​ശ​വാ​സി​ക​ൾ പ​റ​യു​ന്നു. മ​ഴ​ക്കാ​ല​മാ​യാ​ൽ ലി​ങ്ക് ഹൈ​വേ​യി​ലൂ​ടെ​യു​ള്ള യാ​ത്ര വാ​ഹ​ന​ങ്ങ​ൾ​ക്ക് എ​ൻ​ജി​ൻ​പ​ണി അ​ട​ക്ക​മു​ള്ള കേ​ടു​പാ​ടു​ക​ൾ വ​രു​ത്തു​ന്ന​താ​യി നി​ര​ണ​ത്തെ ഓ​ട്ടോ ഡ്രൈ​വ​ർ​മാ​രും പ​റ​യു​ന്നു. ലി​ങ്ക് ഹൈ​വേ​ക്ക്​ വേ​ണ്ടി ഏ​റ്റെ​ടു​ത്ത സ്വ​കാ​ര്യ വ​സ്തു​ക്ക​ളു​ടെ ന​ഷ്ട​പ​രി​ഹാ​ര തു​ക ഇ​തു​വ​രെ​യും ല​ഭ്യ​മാ​യി​ട്ടി​ല്ലെ​ന്നും ഇ​തി​നാ​യി ഹൈ​കോ​ട​തി​യെ സ​മീ​പി​ച്ചി​രി​ക്കു​ക​യാണെന്നും നാ​ട്ടു​കാ​രി​ൽ ചി​ല​ർ പ​റ​ഞ്ഞു. വെ​ള്ള​ക്കെ​ട്ട് പ​തി​വാ​കു​ന്ന ഭാ​ഗം മ​ണ്ണി​ട്ടു​യ​ർ​ത്തി ലി​ങ്ക് ഹൈ​വേ പു​ന​രു​ദ്ധ​രി​ക്കാ​നു​ള്ള ന​ട​പ​ടി അ​ധി​കൃ​ത​രു​ടെ ഭാ​ഗ​ത്തു​നി​ന്ന്​ ഉ​ണ്ടാ​വ​ണം എ​ന്ന​താ​ണ് നാ​ട്ടു​കാ​രു​ടെ ആ​വ​ശ്യം.