പ​ത്ത്​ മി​നി​റ്റ് വൈ​കി​യാ​ൽ​ 10,000 രൂ​പ പിഴ; വ്യാപാരികളെ പൊ​ലീ​സ് ​ബുദ്ധി​മു​ട്ടി​ക്കു​ന്നതായി പരാതി​

പ​ത്ത​നം​തി​ട്ട: ന​ഗ​ര​ത്തി​ലെ വ്യാ​പാ​രി​ക​ൾ​ക്ക് പൊ​ലീ​സ് അ​മി​ത പി​ഴ​ന​ൽ​കി ബു​ദ്ധി​മു​ട്ടി​ക്കു​ന്ന​താ​യി പ​രാ​തി. സ​ർ​ക്കാ​ർ നി​ശ്ച​യി​ച്ച മാ​ന​ദ​ണ്ഡ​ങ്ങ​ളും സ​മ​യ​ക്ര​മീ​ക​ര​ണ​ങ്ങ​ളും പാ​ലി​ച്ച് ക​ച്ച​വ​ടം ന​ട​ത്തു​ന്ന സ്ഥാ​പ​ന​ങ്ങ​ൾ രാ​ത്രി ഏ​ഴു ക​ഴി​ഞ്ഞ് അ​ഞ്ചോ പ​ത്തോ മി​നി​റ്റ് വൈ​കി​യാ​ൽ​പോ​ലും 10,000 രൂ​പ മു​ത​ൽ 20,000 വ​രെ പി​ഴ എ​ഴു​തി​ന​ൽ​കു​ക​യാ​ണെ​ന്ന്​ വ്യാ​പാ​രി​ക​ൾ പ​റ​യു​ന്നു.

ചൊ​വ്വാ​ഴ്ച ന​ഗ​ര​ത്തി​ലെ തു​ണി വ്യാ​പാ​രി ഏ​ഴു​മ​ണി​ക്ക് സ്ഥാ​പ​ന​ത്തി​െൻറ ലൈ​റ്റ് അ​ണ​ച്ച് പു​റ​ത്തി​രു​ന്ന സാ​ധ​ന​ങ്ങ​ൾ മാ​റ്റു​മ്പോ​ഴാ​ണ് സ​മ​യ​ക്ര​മീ​ക​ര​ണം പാ​ലി​ച്ചി​ല്ലെ​ന്ന് ആ​രോ​പി​ച്ച് കേ​സെ​ടു​ത്ത​ത്.

മാ​ന്ദ്യം തു​ട​രു​ന്ന സ​മ​യ​ത്ത് പൊ​ലീ​സി​െൻറ ഭാ​ഗ​ത്തു​നി​ന്നും ഇ​ത്ത​ര​ത്തി​ലു​ള്ള ദ്രോ​ഹ ന​ട​പ​ടി തു​ട​ർ​ന്നാ​ൽ സ്ഥാ​പ​ന​ങ്ങ​ൾ അ​ട​ച്ച് പ്ര​തി​ഷേ​ധി​ക്കു​മെ​ന്ന് വ്യാ​പാ​രി വ്യ​വ​സാ​യി സ​മി​തി പ​ത്ത​നം​തി​ട്ട യൂ​നി​റ്റ് പ്ര​സി​ഡ​ൻ​റ്​ അ​ബ്​​ദു​ൾ റ​ഹീം മ​ക്കാ​ർ അ​റി​യി​ച്ചു.