അഴീക്കോടന്‍ രാഘവന്‍
തൃശൂര്‍: അഴീക്കോടന്‍ രാഘവന്‍ ദിനാചരണ ഭാഗമായി വളന്‍റിയര്‍ മാര്‍ച്ചും ബഹുജനറാലിയും നടക്കുന്നതിനാല്‍ തിങ്കളാഴ്ച ഉച്ചക്ക് രണ്ട് മുതല്‍ നഗരത്തിലും പരിസരപ്രദേശങ്ങളിലും ഗതാഗതനിയന്ത്രണം ഏര്‍പ്പെടുത്തി. കൂടാതെ സ്വരാജ് റൗണ്ടിലും സമീപ റോഡുകളിലും രാവിലെ മുതല്‍ വാഹന പാര്‍ക്കിങ് അനുവദിക്കില്ല.
പാലക്കാട്, പീച്ചി തുടങ്ങിയ കിഴക്കന്‍ മേഖലയില്‍നിന്ന് സര്‍വിസ് നടത്തുന്ന ബസുകള്‍ പുളിക്കന്‍ മാര്‍ക്കറ്റ് സെന്ററില്‍നിന്ന് ഇടത്തോട്ട് തിരിഞ്ഞ് മിഷന്‍ ആശുപത്രി മുന്‍വശം, ഫാത്തിമ നഗര്‍ ഐ.ടി.സി ജങ്ഷന്‍, ഇക്കണ്ടവാര്യര്‍ റോഡ് വഴി ശക്തന്‍ തമ്പുരാന്‍ സ്റ്റാൻഡില്‍ പ്രവേശിച്ച് തിരികെ മിഷന്‍ ക്വാര്‍ട്ടേഴ്‌സ്, കാട്ടൂക്കാരന്‍ ജങ്ഷന്‍, ശവക്കോട്ട, ഫാത്തിമ നഗര്‍ ജങ്ഷന്‍ വഴി സര്‍വിസ് നടത്തണം.
മാന്ദാമംഗലം, പുത്തൂര്‍, വലക്കാവ് തുടങ്ങിയ ഭാഗത്തുനിന്ന് സര്‍വിസ് നടത്തുന്ന ബസുകള്‍ ഫാത്തിമ നഗര്‍, ഐ.ടി.സി ജങ്ഷനില്‍നിന്ന് ഇടത്തോട്ട് തിരിഞ്ഞ് ഇക്കണ്ടവാര്യര്‍ റോഡ് വഴി ശക്തന്‍ തമ്പുരാന്‍ സ്റ്റാന്‍ഡില്‍ പ്രവേശിച്ച് തിരികെ മിഷന്‍ ക്വാര്‍ട്ടേഴ്‌സ്, ഫാത്തിമ നഗര്‍ ജങ്ഷന്‍ വഴി പോകണം.
മണ്ണുത്തി ഭാഗത്തുനിന്ന് വരുന്ന ബസുകള്‍ കിഴക്കേകോട്ടയില്‍നിന്ന് വലത്തോട്ട് തിരിഞ്ഞ് ബിഷപ്പ് പാലസ്, ചെമ്പൂക്കാവ്, രാമനിലയം, അശ്വനി ജങ്ഷന്‍ വഴി വടക്കേ സ്റ്റാന്‍ഡില്‍ പ്രവേശിച്ച് തിരികെ സ്റ്റേഡിയം ജങ്ഷന്‍ വഴി സര്‍വീസ് നടത്തണം.
മുക്കാട്ടുക്കര, നെല്ലങ്കര ഭാഗത്തുനിന്ന് സര്‍വിസ് നടത്തുന്ന ബസുകള്‍ ബിഷപ്പ് പാലസ് എത്തി വലത്തോട്ട് തിരിഞ്ഞ് ചെമ്പൂക്കാവ് ജങ്ഷന്‍, രാമനിലയം, അശ്വനി ജങ്ഷന്‍ വഴി വടക്കേ സ്റ്റാൻഡില്‍ പ്രവേശിച്ച് ഇന്‍ഡോര്‍ സ്റ്റേഡിയം ജങ്ഷന്‍ വഴി തിരികെ പോകണം.
ചേലക്കര, വടക്കാഞ്ചേരി, ഒറ്റപ്പാലം, പഴയന്നൂര്‍ തിരുവില്വാമല എന്നീ ഭാഗത്തുനിന്ന് സര്‍വിസ് നടത്തുന്ന ബസുകള്‍ പെരിങ്ങാവ് എത്തി കോലോത്തുംപാടം റോഡ് വഴി അശ്വനി ജങ്ഷനിലൂടെ വടക്കേസ്റ്റാന്റില്‍ പ്രവേശിച്ച് തിരികെ സര്‍വിസ് നടത്തണം.
മെഡിക്കല്‍ കോളജ്, അത്താണി, കൊട്ടേക്കാട് എന്നീ ഭാഗത്തുനിന്ന് വരുന്ന ബസുകള്‍ പെരിങ്ങാവ് എത്തി കോലോത്തുംപാടം റോഡ് വഴി അശ്വനി ജങ്ഷനിലൂടെ വടക്കേ സ്റ്റാൻഡില്‍ പ്രവേശിച്ച് തിരികെ പോകണം.
ചേറൂര്‍, പള്ളിമൂല, മാറ്റാമ്പുറം കുണ്ടുക്കാട് ഭാഗത്തുനിന്ന് സര്‍വിസ് നടത്തുന്ന ബസുകള്‍ ബാലഭവന്‍ വഴി ടൗണ്‍ ഹാള്‍ ജങ്ഷനില്‍ എത്തി വലത്തോട്ട് തിരിഞ്ഞ് രാമനിലയം ഇന്‍ഡോര്‍ സ്റ്റേഡിയം ജങ്ഷന്‍ വഴി അശ്വനി ജങ്ഷനിലൂടെ വടക്കേ സ്റ്റാൻഡില്‍ പ്രവേശിച്ച് ഇന്‍ഡോര്‍ സ്റ്റേഡിയം ജങ്ഷന്‍ വഴി തിരികെ സര്‍വിസ് നടത്തണം.
കുന്ദംകുളം, കോഴിക്കോട്, ഗുരുവായൂര്‍, അടാട്ട്, തുടങ്ങീ പൂങ്കുന്നം വഴി വരുന്ന എല്ലാ ബസുകളും പൂങ്കുന്നത്ത് സര്‍വിസ് അവസാനിപ്പിച്ച് പടിഞ്ഞാറേക്കോട്ട, അയ്യന്തോള്‍ സിവില്‍ ലൈന്‍, അയ്യന്തോള്‍ ഗ്രൗണ്ട് ലുലു ജങ്ഷന്‍ വഴി തിരികെ പോകണം.
വാടാനപ്പള്ളി, അന്തിക്കാട്, കാഞ്ഞാണി, തുടങ്ങി പടിഞ്ഞാറേകോട്ട വഴി വരുന്ന എല്ലാ ബസുകളും വെസ്റ്റ് ഫോര്‍ട്ടില്‍നിന്ന് കാല്‍വരി റോഡ് വഴി തിരിഞ്ഞ് തോപ്പിന്‍മൂല, നേതാജി ഗ്രൗണ്ട് പരിസരം മുതല്‍ വെസ്റ്റ് ഫോര്‍ട്ട് വരെയുള്ള ഭാഗത്ത് സര്‍വിസ് അവസാനിപ്പിച്ച് തിരികെ പടിഞ്ഞാറേ കോട്ട വഴി പോകണം.
കൊടുങ്ങല്ലൂര്‍ ഇരിങ്ങാലക്കുട, തൃപ്രയാര്‍ ചേര്‍പ്പ് തുടങ്ങി കൂര്‍ക്കഞ്ചേരി വഴി വരുന്ന എല്ലാ ബസുകളും ബാല്യ ജങ്ഷനില്‍ എത്തി വലത്തോട്ട് തിരിഞ്ഞ് ശക്തന്‍ തമ്പുരാന്‍ സ്റ്റാന്‍ഡില്‍ പ്രവേശിച്ച് അവിടെനിന്ന് തിരികെ കണ്ണംകുളങ്ങര, ചിയ്യാരം കൂര്‍ക്കഞ്ചേരി വഴി സര്‍വിസ് നടത്തണം.
കൊടുങ്ങല്ലൂര്‍ ഇരിങ്ങാലക്കുട, തൃപ്രയാര്‍, ചേര്‍പ്പ് തുടങ്ങി കൂര്‍ക്കഞ്ചേരി വഴി വന്ന് വെസ്റ്റ് ഫോര്‍ട്ട് വഴി പോകേണ്ട ചെറുവാഹനങ്ങള്‍ കൂര്‍ക്കഞ്ചേരിയില്‍നിന്ന് ഇടത്തോട്ട് തിരിഞ്ഞ് വടൂക്കര അരണാട്ടുക്കര വഴി പോകണം.
കൊടുങ്ങല്ലൂര്‍ ഇരിങ്ങാലക്കുട, തൃപ്രയാര്‍ ചേര്‍പ്പ് തുടങ്ങി കൂര്‍ക്കഞ്ചേരി വഴി വന്ന് മണുത്തി ഭാഗത്തേക്ക് പോകേണ്ട ചെറുവാഹനങ്ങള്‍ കൂര്‍ക്കഞ്ചേരിയില്‍ നിന്നും വലത്തോട്ട് തിരഞ്ഞ് ചിയ്യാരം വഴിയാണ് പോകേണ്ടത്. ഒല്ലൂര്‍, ആമ്പല്ലൂര്‍, വരന്തരപ്പിള്ളി തുടങ്ങിയ ഭാഗത്തുനിന്ന് വരുന്ന ബസുകള്‍ മുണ്ടൂപാലം ജങ്ഷനില്‍ എത്തി ഇടത്തോട്ട് തിരിഞ്ഞ് ശക്തന്‍ സ്റ്റാൻഡില്‍ സര്‍വിസ് അവസാനിപ്പിച്ച് തിരികെ കാട്ടൂക്കാരന്‍ ജങ്ഷന്‍ വഴി പോകണം.
മണ്ണുത്തി, പാലക്കാട്, എറണാക്കുളം ഭാഗത്തേക്ക് പോകുന്ന ബസും, ട്രയലറും ഒഴികെയുള്ള വാഹനങ്ങള്‍ പെന്‍ഷന്‍ മൂല വഴി താഴോട്ടിറങ്ങി നെല്ലങ്കര, മുക്കാട്ടുക്കര വഴി പോകണം.
കുന്നംകുളം ഭാഗത്തുനിന്ന് പാലക്കാട് ഭാഗത്തേക്ക് പോകുന്ന ബസ്, ട്രെയിലര്‍ ഒഴിച്ചുള്ള എല്ലാ വാഹനങ്ങളും മുണ്ടൂര്‍ തിരിഞ്ഞ് കൊട്ടേക്കാട്, വിയ്യൂര്‍ പാലം വഴി പവര്‍ ഹൗസ് വന്ന് പൊങ്ങണംക്കാട്, ചിറക്കേക്കോട് മുടിക്കോട് വഴി പോകേണ്ടതാണ്.
കുന്നംകുളം ഭാഗത്തുനിന്ന് എറണാക്കുളം ഭാഗത്തേക്ക് പോകുന്ന ബസ്, ട്രെയിലര്‍ ഒഴിച്ചുള്ള എല്ലാ വാഹനങ്ങളും മുണ്ടൂര്‍ തിരിഞ്ഞ് കൊട്ടേക്കാട്, വിയ്യൂര്‍ പാലം വഴി പവര്‍ ഹൗസ് വന്ന് പൊങ്ങണംക്കാട്, മുക്കാട്ടുക്കര വഴി പോകണം.
കണിമംഗലം ഭാഗത്തുനിന്ന് പടിഞ്ഞാറേ കോട്ട ഭാഗത്തേക്ക് പോകുന്ന എല്ലാ ചെറിയ വാഹനങ്ങളും നെടുപുഴ പൊലീസ് സ്റ്റേഷന്‍ വഴി തിരിഞ്ഞ് വടൂക്കര, തോപ്പിന്‍മൂല വഴി സഞ്ചരിക്കണം.
ചിയ്യാരം ഭാഗത്തുനിന്ന് പടിഞ്ഞാറേ കോട്ട ഭാഗത്തേക്ക് പോകുന്ന എല്ലാ ചെറിയ വാഹനങ്ങളും കൂര്‍ക്കഞ്ചേരി സെന്ററില്‍നിന്ന് നെടുപുഴ പൊലീസ് സ്റ്റേഷന്‍ വഴി തിരിഞ്ഞ് വടൂക്കര, തോപ്പിന്‍മൂല വഴി പോകണം.
ജൂബിലി ജങ്ഷന്‍ വഴി വരുന്ന കൂര്‍ക്കഞ്ചേരി പോകുന്ന എല്ലാ ചെറിയ വാഹനങ്ങളും മിഷന്‍ ക്വാര്‍ട്ടേഴ്‌സ് വഴി ബിഷപ്പ് ആലപ്പാട് റോഡുവഴി തിരിഞ്ഞ് സെമിത്തേരി റോഡ് വഴി ചിയ്യാരം ജങ്ഷനിലെത്തി കൂര്‍ക്കഞ്ചേരിക്ക് പോകണം.
കെ.എസ്.ആര്‍.ടി.സി സ്റ്റാന്‍ഡില്‍നിന്ന് ചാലക്കുടി, എറണാകുളം ഭാഗത്തേക്ക് സര്‍വിസ് നടത്തുന്ന എല്ലാ ബസുകളും കണ്ണംകുളങ്ങര ചിയ്യാരം വഴി പോകണം. പടിഞ്ഞാറന്‍ മേഖലയില്‍നിന്ന് വരുന്ന എല്ലാ ബസുകളും പൂങ്കുന്നം ജങ്ഷനില്‍നിന്ന് വലത്തോട്ട് തിരിഞ്ഞ് ശങ്കരയ്യന്‍ റോഡിലൂടെ പൂത്തോള്‍ വഴി സ്റ്റാന്‍ഡില്‍ പ്രവേശിക്കണം.
അങ്കമാലി, ചാലക്കുടി, പുതുക്കാട്, ഇരിങ്ങാലക്കുട ഭാഗങ്ങളിലേക്ക് സര്‍വിസ് നടത്തുന്ന ഓര്‍ഡിനറി ബസുകള്‍ ശക്തന്‍ തമ്പുരാന്‍ സ്റ്റൻഡിൽ താല്‍ക്കാലികമായി ആരംഭിക്കുന്ന ബസ് സ്റ്റാന്റില്‍ സര്‍വിസ് അവസാനിപ്പിച്ച് തിരികെ അവിടെ നിന്നുതന്നെ സര്‍വിസ് നടത്തണം.
ഷൊര്‍ണ്ണൂര്‍, വഴിക്കടവ്, മെഡിക്കല്‍ കോളജ് ഭാഗത്തേക്ക് സര്‍വിസ് നടത്തുന്ന ബസുകള്‍ സ്വരാജ് റൗണ്ടില്‍ പ്രവേശിക്കാതെ ഐ.ടി.സി ജങ്ഷന്‍, ഈസ്റ്റ് ഫോര്‍ട്ട്, അശ്വനി ജങ്ഷന്‍, കോലോത്തുംപാടം വഴി സര്‍വിസ് നടത്തണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.