കടപ്പുറത്ത് കടലാക്രമണം; പ​രി​ഹാ​രം അ​ക​ലെ പഴയ ടെലിഫോൺ ബൂത്തും ഓർമയായി

ചാ​വ​ക്കാ​ട്: ക​ട​പ്പു​റ​ത്ത് വീ​ണ്ടും ക​ട​ലാ​ക്ര​മ​ണം. പ​ഴ​യ ടെ​ലി​ഫോ​ൺ ബൂ​ത്ത് ത​ക​ർ​ന്നു. അ​ടു​ത്ത​യി​ടെ​യു​ണ്ടാ​യ ക​ട​ലാ​ക്ര​മ​ണ​ങ്ങ​ളി​ൽ കെ​ട്ടി​ട​ത്തി​ന്റെ അ​ടി​ത്ത​റ​യി​ള​കി കൊ​ണ്ടി​രി​ക്കു​ക​യാ​യി​രു​ന്നു. ക​ഴി​ഞ്ഞ ദി​വ​സം മു​ത​ൽ ആ​ഞ്ഞ​ടി​ച്ച തി​ര​ക​ളി​ൽ കെ​ട്ടി​ടം പ​ത​ന​ത്തി​ന്റെ വ​ക്കി​ലെ​ത്തി​യി​രു​ന്നു. ഞാ​യ​റാ​ഴ്ച ഉ​ച്ച​യോ​ടെ​യാ​ണ് കെ​ട്ടി​ടം പൂ​ർ​ണ​മാ​യി ത​ക​ർ​ന്നു വീ​ണ​ത്. ഇ​നി തീ​ര​ദേ​ശ പാ​ത​യി​ലേ​ക്ക് പ​ത്ത് മീ​റ്റ​ർ മാ​ത്ര​മേ​യു​ള്ളു. ക​ട​ലാ​ക്ര​മ​ണം രൂ​ക്ഷ​മാ​കു​മ്പോ​ഴൊ​ക്കെ പാ​ത​യും ക​ട​ന്ന് ക​ട​ൽ ഒ​ഴു​കാ​റു​ണ്ട്.

ഭീ​തി​ത​മാ​ണ് ക​ട​ലാ​ക്ര​മ​ണ​ക്കാ​ഴ്ച. പ​ത്ത് മു​പ്പ​ത് വ​ർ​ഷം കൊ​ണ്ട് കി​ലോ​മീ​റ്റ​റോ​ള​മാ​ണ് തി​രി​ച്ചു​കി​ട്ടാ​ത്ത വി​ധം ക​ര​യെ​ടു​ത്ത​ത്. അ​തി​ൽ കൃ​ഷി​സ്ഥ​ല​വും പാ​ട​വു​മു​ണ്ടാ​യി​രു​ന്ന​താ​യി പ​റ​യു​ന്നു. ക​ട​ലി​ൽ ഇ​ട​ക്കി​ടെ പു​ലി​മു​ട്ടു​ക​ളും ക​ട​പ്പു​റ​ത്ത് ടെ​ട്രാ​പോ​ഡു​ക​ളും സ്ഥാ​പി​ച്ചാ​ൽ ശാ​ശ്വ​ത പ​രി​ഹാ​ര​മു​ണ്ടാ​കു​മെ​ന്നാ​ണ് പ്ര​ദേ​ശ​വാ​സി​ക​ൾ പ​റ​യു​ന്ന​ത്. പ​ക്ഷേ, ഈ ​രോ​ദ​ന​ത്തി​നൊ​ന്നും അ​ധി​കാ​രി​ക​ൾ ചെ​വി കൊ​ടു​ക്കു​ന്നി​ല്ല. കോ​ള​നി​പ്പ​ടി മു​ത​ൽ തൊ​ട്ടാ​പ്പ് വ​രെ ക​ട​ൽ​ഭി​ത്തി ത​ക​രാ​ൻ തു​ട​ങ്ങി​യി​ട്ട് വ​ർ​ഷ​ങ്ങ​ളാ​യി. ചി​ല​യി​ട​ങ്ങ​ളി​ൽ ജി​യോ ബാ​ഗ് സ്ഥാ​പി​ച്ച​ത് വൃ​ഥാ​വി​ലാ​യി. പ​ക​രം ഭി​ത്തി സ്ഥാ​പി​ക്കാ​ൻ അ​ധി​കൃ​ത​ർ ശു​ഷ്കാ​ന്തി കാ​ണി​ക്കു​ന്നു​മി​ല്ല. ക​ട​ലാ​ക്ര​മ​ണ​കാ​ല​ത്ത് മാ​ത്ര​മാ​ണ് അ​ധി​കൃ​ത​ർ ഉ​ണ​രു​ന്ന​ത്. ക​ട​ൽ ശാ​ന്ത​മാ​യാ​ൽ ന​ട​പ​ടി​ക്ര​മ​ങ്ങ​ളും നി​ശ്ച​ല​മാ​ക​ലാ​ണ് പ​തി​വ്.