ഷൈന്ഷാദ്
ഇരിങ്ങാലക്കുട: ഒമ്പത് വയസ്സുകാരനോട് ലൈംഗികാതിക്രമം നടത്തിയ 39കാരന് 11 വർഷം തടവും 20,000 രൂപ പിഴയും. മാള പൊലീസ് രജിസ്റ്റർ ചെയ്ത കേസിൽ എറണാകുളം വടക്കേക്കര ആലുംതുരുത്ത് സ്വദേശി പുതുമനവീട്ടിൽ ഷൈൻഷാദിനെയാണ് ഇരിങ്ങാലക്കുട ഫാസ്റ്റ് ട്രാക് സ്പെഷൽ കോടതി (പോക്സോ) ജഡ്ജി കെ.പി. പ്രദീപ് ശിക്ഷിച്ചത്. പ്രോസിക്യൂഷനു വേണ്ടി സ്പെഷൽ പബ്ലിക് പ്രോസിക്യൂട്ടർ കെ.എൻ. സിനിമോൾ ഹാജരായി.
പിഴത്തുക അടക്കാത്ത പക്ഷം നാലു മാസം കൂടി ശിക്ഷ അനുഭവിക്കണം. മാള പൊലീസ് സ്റ്റേഷനിലെ ഉദ്യോഗസ്ഥരായിരുന്ന എ.വി. ലാലു, ഐ.സി. ചിത്തരഞ്ജൻ എന്നിവരാണ് കുറ്റപത്രം സമർപ്പിച്ചത്. ആളൂർ പൊലീസ് സ്റ്റേഷൻ സീനിയർ സിവിൽ പൊലീസ് ഓഫിസറായ ടി.ആർ. രജനി കേസ് നടത്തിപ്പിൽ പ്രോസിക്യൂഷനെ സഹായിച്ചു. പിഴത്തുക അതിജീവിതന് നൽകാൻ കോടതി വിധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.