കർഷക അവാർഡ് ജേതാവിനെ അപായപ്പെടുത്താൻ ശ്രമം

കൊ​ടു​ങ്ങ​ല്ലൂ​ർ: സം​സ്ഥാ​ന ക​ർ​ഷ​ക അ​വാ​ർ​ഡ് ജേ​താ​വ്​ മ​തി​ല​കം സി.​കെ വ​ള​വി​ൽ ബീ​ന സ​ഹ​ദേ​വ​നെ അ​പാ​യ​പ്പെ​ടു​ത്താ​ൻ ശ്ര​മ​മെ​ന്ന്​ പ​രാ​തി. തൊ​ഴു​ത്ത് വൃ​ത്തി​യാ​ക്കാ​ൻ ഉ​പ​യോ​ഗി​ക്കു​ന്ന മോ​ട്ടോ​റി​െൻറ വ​യ​ർ മു​റി​ച്ച് സ്വി​ച്ചി​ൽ ഘ​ടി​പ്പി​ച്ച്​ ഷോ​ക്ക​ടി​പ്പി​ക്കാ​നാ​യി​രു​ന്നു ശ്ര​മം.

പു​ല​ർ​ച്ചെ മൂ​ന്ന​ര​യോ​ടെ തൊ​ഴു​ത്തി​ലെ​ത്തി​യ ബീ​ന വൈ​ദ്യു​തി പ്ര​വാ​ഹ​മു​ള്ള വ​യ​ർ ക​ണ്ട​തി​നാ​ൽ അ​പ​ക​ടം ഒ​ഴി​വാ​കു​ക​യാ​യി​രു​ന്നു. കു​ടും​ബം മ​തി​ല​കം പൊ​ലീ​സി​ൽ പ​രാ​തി ന​ൽ​കി.

ബീ​ന​യെ അ​പാ​യ​പ്പെ​ടു​ത്താ​ൻ നേ​ര​ത്തെ​യും ശ്ര​മം ന​ട​ന്നി​രു​ന്നു. അ​ന്ന്​ ഗ്യാ​സ് സി​ലി​ണ്ടി​ൽ​നി​ന്ന് സ്​​റ്റൗ​വി​ലേ​ക്കു​ള്ള പൈ​പ്പ് മു​റി​ച്ച നി​ല​യി​ലാ​യി​രു​ന്നു. വ​ള​ർ​ത്തു​ന്ന മാ​ടി​നെ കൊ​ല്ലാ​നും ശ്ര​മ​മു​ണ്ടാ​യി.

വീ​ട്ടു​വ​ള​പ്പി​ൽ ക​ട​ന്ന് നി​ര​ന്ത​രം നാ​ശ​മു​ണ്ടാ​ക്കു​ന്ന​തും മോ​ഷ​ണ​വും പ​തി​വാ​ണ്. ത​ങ്ങ​ളെ അ​പാ​യ​പ്പെ​ടു​ത്താ​നും അ​ക്ര​മി ല​ക്ഷ്യം വെ​ക്കു​ന്ന​താ​യി ബോ​ധ്യ​മാ​യ​തോ​ടെ​യാ​ണ് പൊ​ലീ​സി​ൽ പ​രാ​തി ന​ൽ​കി​തെ​ന്ന് സി.​കെ വ​ള​വ് പു​ന്ന​ക്കു​ഴി സ​ഹ​ദേ​വ​െൻറ ഭാ​ര്യ​യാ​യ ബീ​ന പ​റ​ഞ്ഞു. സ​ഹ​ദേ​വ​ന് ശാ​രീ​രി​ക വൈ​ക​ല്യ​ങ്ങ​ൾ ബാ​ധി​ച്ച് ജീ​വി​തം പ്ര​യാ​സ​ക​ര​മാ​യ​തോ​ടെ​യാ​ണ് ബീ​ന കൃ​ഷി​യി​ൽ സ​ജീ​വ​മാ​യ​ത്.