ഇനോഷ് ഷെറി
കൊടുങ്ങല്ലൂർ: വിദേശത്തുനിന്നെത്തി കൊടുങ്ങല്ലൂരിൽ പെയ്ഡ് ക്വാറൻറീനിൽ കഴിഞ്ഞ യുവാവ് പോക്സോ കേസിൽ അറസ്റ്റിൽ.
എറണാകുളം ഗോതുരുത്ത് കടൽവാതുരുത്ത് സ്വദേശി കളത്തിൽ ഇനോഷ് ഷെറിയാണ് (24) അറസ്റ്റിലായത്. ശനിയാഴ്ച രാവിലെ എറണാകുളം വടക്കേകര സി.െഎ എം.കെ. മുരളിയുടെ നേതൃത്വത്തിലുള്ള പൊലീസ് സംഘമാണ് ഇയാളെ പിടികൂടിയത്.
17കാരിയായ വിദ്യാർഥിനിയെ പീഡിപ്പിച്ച സംഭവത്തിൽ ആറുമാസം മുമ്പ് രജിസ്റ്റർ ചെയ്ത കേസിലാണ് അറസ്റ്റ്.
സൗദിയിൽനിന്ന് കരിപ്പൂർ വിമാനത്താവളം വഴിയെത്തിയ ഇയാൾ കഴിഞ്ഞ 11 മുതൽ കൊടുങ്ങല്ലൂരിൽ ക്വാറൻറീനിലായിരുന്നു. ബന്ധു മുഖേന മുറി തരപ്പെടുത്തിയ ഇയാൾ വ്യാജവിലാസമാണ് ഇവിടെ നൽകിയത്.
ക്വാറൻറീൻ കാലയളവിനിടയിൽ ഇരയെ നിരന്തരം ഫോണിൽവിളിച്ച് ഭീഷണിപ്പെടുത്തുകയായിരുന്നു. തുടർന്ന് വടക്കേകര സി.െഎ നടത്തിയ അന്വേഷണത്തിനൊടുവിലാണ് അറസ്റ്റ്. പ്രതിയെ റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.