നവീകരണം നീളുന്നു, ദുരിതവും; വാഴക്കോട്-പ്ലാഴി പാതയിൽ 15 മുതൽ ബസുകൾ ഓടില്ല

മു​ള്ളൂ​ർ​ക്ക​ര: വാ​ഴ​ക്കോ​ട്-​പ്ലാ​ഴി സം​സ്ഥാ​ന പാ​ത നി​ർ​മാ​ണം ഒ​ന്ന​ര വ​ർ​ഷ​മാ​യി​ട്ടും തീ​രാ​ത്ത സാ​ഹ​ച​ര്യ​ത്തി​ൽ സ്വ​കാ​ര്യ ബ​​സു​ക​ൾ മേ​യ് 15 മു​ത​ൽ ഓ​ട്ടം നി​ർ​ത്തു​മെ​ന്ന്​ ഉ​ട​മ സം​ഘ​ട​ന ഭാ​ര​വാ​ഹി​ക​ൾ അ​റി​യി​ച്ചു. പാ​ത ന​വീ​ക​ര​ണം തു​ട​ങ്ങി​യ​പ്പോ​ൾ യാ​ത്രാ​ദു​രി​ത​വും തു​ട​ങ്ങി​യി​രു​ന്നു. കൃ​ത്യ​മാ​യ ബ​ദ​ൽ സൗ​ക​ര്യം ഒ​രു​ക്കാ​തെ​യാ​ണ്​ പ​ണി തു​ട​ങ്ങി​യ​ത്. വാ​ഹ​ന​ങ്ങ​ൾ ഏ​റെ നേ​രം ത​ട​ഞ്ഞി​ടു​ന്ന​തും പ​ല വ​ഴി​ക​ളി​ലൂ​ടെ തി​രി​ച്ചു വി​ടു​ന്ന​തു​മാ​ണ്​ ഇ​പ്പോ​ഴ​ത്തെ രീ​തി.

സ​ഞ്ചാ​ര​യോ​ഗ്യ​മ​ല്ലാ​ത്ത മ​റ്റു വ​ഴി​ക​ളി​ൽ ഏ​ക​ദി​ശ സം​വി​ധാ​നം ഏ​ർ​പ്പെ​ടു​ത്തി പ​രീ​ക്ഷ​ണം തു​ട​രു​ക​യാ​ണ്. പ​ല​​പ്പോ​ഴും നീ​ണ്ട ഗ​താ​ഗ​ത​ക്കു​രു​ക്കാ​ണ്. മ​റ്റ്​ വ​ഴി​ക​ളി​ലൂ​ടെ ഓ​ടു​ന്ന ബ​സു​കാ​ർ​ക്ക്​ അ​ധി​ക നി​ര​ക്ക്​ ഈ​ടാ​ക്കാ​നും സ​മ​യ​ക്ര​മ​ങ്ങ​ളി​ൽ മാ​റ്റം വ​രു​ത്താ​നും അ​നു​മ​തി ന​ൽ​കി​യി​രു​ന്നു. എ​ന്നാ​ൽ സം​സ്ഥാ​ന​പാ​ത​യി​ലൂ​ടെ മാ​ത്രം പോ​കു​ന്ന ബ​സു​ക​ൾ​ക്ക്​ ഈ ​ആ​നു​കൂ​ല്യം അ​നു​വ​ദി​ച്ചി​ല്ല.

മേ​യ് 14ഓ​ടെ പെ​ർ​മി​റ്റ്​ അ​വ​സാ​നി​ക്കു​മ്പോ​ൾ പി​റ്റേ​ന്ന്​ സ​ർ​വി​സ്​ നി​ർ​ത്താ​നാ​ണ് ഉ​ട​മ​ക​ളു​ടെ തീ​രു​മാ​നം. മൂ​ന്ന് ത​വ​ണ സ​ർ​വി​സ് ന​ട​ത്തി​യി​രു​ന്ന ബ​സു​ക​ൾ​ക്ക്​ ഇ​പ്പോ​ൾ ഒ​റ്റ സ​ർ​വി​സി​ൽ അ​വ​സാ​നി​പ്പി​ക്കേ​ണ്ടി വ​രു​ന്ന​ത്​ വ​ൻ​ന​ഷ്ട​മാ​കു​ന്നു​വെ​ന്ന്​ ഉ​ട​മ സം​ഘ​ട​ന​ക​ളു​ടെ​യും ജീ​വ​ന​ക്കാ​രു​ടെ​യും പ്ര​തി​നി​ധി​ക​ളാ​യ സു​ലൈ​മാ​ൻ, ര​തീ​ഷ്, ഷാ​ന​വാ​സ്, വി​ബി​ൻ, അ​ബ്ദു​ൽ സ​ലിം എ​ന്നി​വ​ർ പ​റ​ഞ്ഞു.