പ്ര​തി​ഷേ​ധം ഫ​ലം ക​ണ്ടു; നി​ക​ത്തി​യ ക​നോ​ലി ക​നാ​ല്‍ പൂ​ർ​വ​സ്ഥി​തി​യി​ലാ​ക്കി

ചാ​വ​ക്കാ​ട്: ദേ​ശീ​യ​പാ​ത വി​ക​സ​ന ഭാ​ഗ​മാ​യി ക​നോ​ലി ക​നാ​ല്‍ മ​ണ്ണി​ട്ട് നി​ക​ത്തി​യ​തി​നെ​തി​രെ​യു​ള്ള ജ​ന​പ്ര​തി​നി​ധി​ക​ളു​ടെ ഇ​ട​പെ​ട​ൽ ഫ​ലം​ക​ണ്ടു. ദേ​ശീ​യ​പാ​ത നി​ർ​മാ​ണ കാ​രാ​ർ ക​മ്പ​നി​ക്കാ​ർ മ​ണ്ണ് നീ​ക്കി ക​നാ​ലി​ന്റെ നീ​രൊ​ഴു​ക്ക് പൂ​ര്‍വ​സ്ഥി​തി​യി​ലാ​ക്കി.

എ​ൻ.​കെ. അ​ക്ബ​ർ എം.​എ​ൽ.​എ, ക​ട​പ്പു​റം പ​ഞ്ചാ​യ​ത്ത് പ്ര​സി​ഡ​ന്റ് സ്വാ​ലി​ഹ ഷൗ​ക്ക​ത്ത്, പ​ഞ്ചാ​യ​ത്ത് ക്ഷേ​മ​കാ​ര്യ സ്ഥി​രം​സ​മി​തി അ​ധ്യ​ക്ഷ​ൻ വി.​പി. മ​ൻ​സൂ​ർ അ​ലി, അം​ഗം ഷീ​ജ രാ​ധാ​കൃ​ഷ്ണ​ൻ, ബി.​ജെ.​പി ക​ട​പ്പു​റം പ​ഞ്ചാ​യ​ത്ത് പ്ര​സി​ഡ​ന്റ് ഗ​ണേ​ഷ് ശി​വ​ജി, കെ.​ജി. രാ​ധാ​കൃ​ഷ്ണ​ൻ എ​ന്നി​വ​ർ ഉ​ൾ​പ്പ​ടെ നാ​ട്ടു​കാ​രു​ടെ​യും ജ​ന​പ്ര​തി​നി​ധി​ക​ളു​ടെ​യും ഭാ​ഗ​ത്തു​നി​ന്ന് ശ​ക്ത​മാ​യ പ്ര​തി​ഷേ​ധ​മാ​ണ് ഉ​യ​ർ​ന്ന​ത്. ഇ​തേ തു​ട​ർ​ന്നാ​ണ് ക​നാ​ലി​ല്‍നി​ന്ന് മ​ണ്ണ് നീ​ക്കാ​ന്‍ ദേ​ശീ​യ​പാ​ത നി​ര്‍മാ​ണ ക​രാ​ർ ക​മ്പ​നി​ക്കാ​ർ നി​ര്‍ബ​ന്ധി​ത​രാ​യ​ത്.

ക​ട​പ്പു​റം പ​ഞ്ചാ​യ​ത്തി​ലെ മൂ​ന്നാം വാ​ർ​ഡ് ബ്ലാ​ങ്ങാ​ട് വൈ​ലി ക്ഷേ​ത്ര​ത്തി​ന് കി​ഴ​ക്കു ഭാ​ഗ​ത്തെ ക​നോ​ലി ക​നാ​ലി​ന്റെ വ​ശ​ങ്ങ​ളാ​ണ് പാ​ത​യു​ടെ ഭാ​ഗ​മാ​യ പാ​ല​ത്തി​ന്റെ നി​ര്‍മാ​ണാ​വ​ശ്യ​ത്തി​നാ​യി മ​ണ്ണി​ട്ട് നി​ക​ത്തി​യ​ത്. ഒ​രു​മ​ന​യൂ​ർ പ​ഞ്ചാ​യ​ത്തി​ലെ വി​ല്യം​സ് മു​ത​ല്‍ ന​ഗ​ര​സ​ഭ​യി​ലെ മു​ല്ല​ത്ത​റ വ​രെ​യു​ള്ള ബൈ​പ്പാ​സ് നി​ര്‍മാ​ണ മേ​ഖ​ല​യി​ലാ​ണ് ക​നോ​ലി ക​നാ​ല്‍ നി​ക​ത്തി​യ​ത്.

20 മീ​റ്റ​റി​ല​ധി​കം വീ​തി​യു​ള്ള ക​നാ​ല്‍ മ​ണ്ണി​ട്ട് നി​ക​ത്തി ഏ​താ​നും മീ​റ്റ​ര്‍ മാ​ത്രം വീ​തി​യി​ലേ​ക്ക് ചു​രു​ക്കി​യി​രു​ന്നു. നേ​ര​ത്തെ ഇ​ത്ത​ര​ത്തി​ൽ നി​ക​ത്തി​യ​തു കാ​ര​ണം മ​ഴ​ക്കാ​ല​ത്ത് മേ​ഖ​ല​യി​ൽ വെ​ള്ള​ക്കെ​ട്ട് രൂ​ക്ഷ​മാ​യി​രു​ന്നു. ഇ​ക്കാ​ര്യം ചൂ​ണ്ടി​ക്കാ​ട്ടി​യാ​ണ് നാ​ട്ടു​കാ​രും ജ​ന​പ്ര​തി​നി​ധി​ക​ളും പ്ര​തി​ഷേ​ധ​വു​മാ​യി എ​ത്തി​യ​ത്. ക​ഴി​ഞ്ഞ 19നാ​ണ് പ്ര​സി​ഡ​ന്‍റ് സ്വാ​ലി​ഹ ഷൗ​ക്ക​ത്തി​ന്റെ നേ​തൃ​ത്വ​ത്തി​ൽ ജ​ന​പ്ര​തി​നി​ധി​ക​ളും നാ​ട്ടു​കാ​രും നി​ർ​മാ​ണം ത​ട​ഞ്ഞ​ത്.

ക​നാ​ല്‍ നി​ക​ത്തി​യ​തി​നെ​തി​രെ എം.​എ​ല്‍.​എ​യു​ടെ നേ​തൃ​ത്വ​ത്തി​ൽ മ​ന്ത്രി റോ​ഷി അ​ഗ​സ്റ്റി​നും ജി​ല്ല ക​ല​ക്ട​ര്‍ക്കും പ​രാ​തി ന​ല്‍കി​യി​രു​ന്നു. ക​നോ​ലി ക​നാ​ലി​ന് കു​റു​കെ പ​ണി​യു​ന്ന പാ​ല​ത്തി​ന്റെ പി​ല്ല​റു​ക​ള്‍ നി​ര്‍മി​ക്കാ​നു​ള്ള സൗ​ക​ര്യ​ത്തി​നാ​ണ് മ​ണ്ണി​ട്ട് നി​ക​ത്തു​ന്ന​തെ​ന്നാ​യി​രു​ന്നു ക​രാ​റു​കാ​രു​ടെ വാ​ദം.