കാത്തിരുന്ന മഴയെത്തി; കർഷകർക്ക് കണ്ണീർമഴ

തൃ​ശൂ​ർ: ക​ടു​ത്ത വേ​ന​ലി​ൽ പൊ​ള്ളി​യി​രി​ക്കു​മ്പോ​ഴാ​ണ് ക​ഴി​ഞ്ഞ ദി​വ​സം തൃ​ശൂ​ർ ന​ഗ​ര​ത്തി​ലും ജി​ല്ല​യി​ലെ വി​വി​ധ​യി​ട​ങ്ങ​ളി​ലും ശ​ക്ത​മാ​യ വേ​ന​ൽ​മ​ഴ ല​ഭി​ച്ച​ത്. നി​ർ​ത്താ​തെ പെ​യ്ത മ​ഴ​യി​ൽ ന​ഗ​രം ന​ന്നാ​യി ന​ന​ഞ്ഞു. എ​ല്ലാ​വ​രും ത​ണു​ത്തു. പ​ക്ഷേ, അ​പ്പോ​ഴും ഉ​ള്ളി​ൽ തീ​യു​മാ​യി ക​ഴി​യു​ക​യാ​യി​രു​ന്നു ക​ർ​ഷ​ക​ർ. കൊ​യ്യാ​ൻ പാ​ക​മാ​യ നി​ര​വ​ധി പാ​ട​ശേ​ഖ​ര​ങ്ങ​ളാ​ണ് അ​പ്ര​തീ​ക്ഷി​ത മ​ഴ​യി​ൽ മു​ങ്ങി​പ്പോ​യ​ത്.

പ​ല​യി​ട​ത്തും ഇ​പ്പോ​ഴും വെ​ള്ള​ക്കെ​ട്ടാ​ണ്. കൊ​യ്ത്ത് കാ​ത്തു​കി​ട​ന്ന പാ​ട​ങ്ങ​ളി​ൽ വെ​ള്ളം ക​യ​റി​യ​തി​ന് പു​റ​മേ കൊ​യ്ത് കൂ​ട്ടി​യി​ട്ട നെ​ല്ലു​ക​ളും പ​ല​യി​ട​ത്തും ന​ന​ഞ്ഞു​കു​തി​ർ​ന്നു. ഇ​വ​യൊ​ക്കെ കി​ളി​ർ​ക്കും എ​ന്ന ഭ​യ​ത്തി​ലാ​ണ് ക​ർ​ഷ​ക​ർ. അ​ടാ​ട്ട്, ആ​ല​പ്പാ​ട്ട്, ചേ​ർ​പ്പ്, ജൂ​ബി​ല പ​ട​വ്, പു​ള്ള്, മ​ന​ക്കൊ​ടി എ​ന്നി​ങ്ങ​നെ ജി​ല്ല​യി​ലെ പ്ര​ധാ​ന പാ​ട​ശേ​ഖ​ര​ങ്ങ​ളി​ലാ​ണ് അ​പ്ര​തീ​ക്ഷി​ത​മാ​യി എ​ത്തി​യ വേ​ന​ൽ​മ​ഴ നാ​ശം​വി​ത​ച്ച​ത്. ജി​ല്ല​യി​ലെ മി​ക്ക കോ​ൾ പ​ട​വു​ക​ളി​ലും കൊ​യ്ത്ത് ഉ​ത്സ​വം അ​ര​ങ്ങേ​റു​ന്ന​തി​നി​ട​യി​ലാ​ണ് മ​ഴ​യെ​ത്തി​യ​ത്.

കൊ​യ്യാ​ൻ പാ​ക​മാ​യി സ്വ​ർ​ണ​വ​ർ​ണ​ത്തി​ൽ നി​ലം​പ​റ്റി​ക്കി​ട​ന്ന ക​തി​ർ​ക​റ്റ​ക​ൾ മ​ഴ​യി​ൽ കു​തി​ർ​ന്നു​കി​ട​ക്കു​ക​യാ​ണ്. പ​ല കൃ​ഷി​യി​ട​ങ്ങ​ളി​ലും കൊ​യ്ത്തു​യ​ന്ത്രം പോ​ലും ഇ​റ​ക്കാ​ൻ ക​ഴി​യാ​ത്ത അ​ത്ര​ക്കും വെ​ള്ളം നി​റ​ഞ്ഞി​ട്ടു​ണ്ട്. കൊ​യ്ത് മ​ല​പോ​ലെ പാ​ട​ശേ​ഖ​ര​ങ്ങ​ളി​ൽ ത​ന്നെ കൂ​ട്ടി​യ നെ​ല്ലും മ​ഴ​യി​ൽ ന​ന​ഞ്ഞു കു​തി​ർ​ന്നു.

അ​പ്ര​തീ​ക്ഷി​ത മ​ഴ​യി​ൽ പ​ക​ച്ചു​പോ​യ ക​ർ​ഷ​ക​രും പാ​ട​ശേ​ഖ​ര സ​മി​തി​ക​ളും വ​ലി​യ പാ​യ​ക​ളും ടാ​ർ​പോ​ളി​ൻ ഷീ​റ്റു​ക​ളും ഉ​പ​യോ​ഗി​ച്ച് കൊ​യ്തു​കൂ​ട്ടി​യ നെ​ല്ല് മ​റ​ച്ചി​ട്ടു​ണ്ട്. ഇ​നി​യും മ​ഴ പെ​യ്താ​ൽ ഇ​തെ​ല്ലാം അ​വ​താ​ള​ത്തി​ലാ​കു​മെ​ന്നാ​ണ് ഭ​യം. അ​രി​മ്പൂ​ർ, ചാ​ലാ​ടി കോ​ൾ​പാ​ട​ങ്ങ​ളി​ൽ ഏ​ക​ദേ​ശം കൊ​യ്ത്ത് പൂ​ർ​ണ​മാ​യ​താ​യി ക​ർ​ഷ​ക​ർ പ​റ​യു​ന്നു. അ​വി​ട​ങ്ങ​ളി​ൽ​നി​ന്നും നെ​ല്ല് നീ​ക്കി​യി​ട്ടി​ല്ല. അ​തൊ​ക്കെ​യാ​ണ് ന​ന​ഞ്ഞ​ത്.

അ​ന്തി​ക്കാ​ട് പാ​ട​ശേ​ഖ​ര​ങ്ങ​ളി​ൽ ​കൊ​യ്ത്ത് ആ​രം​ഭി​ച്ചി​ട്ട് ര​ണ്ട് ദി​വ​സ​മേ ആ​യി​ട്ടു​ള്ളൂ. തോ​ട്ടു​പു​ര കോ​ൾ​പ​ട​വ്, വി​ള​ക്കും​കാ​ൽ എ​ന്നി​വി​ട​ങ്ങ​ളി​ൽ കൊ​യ്ത്ത് ആ​രം​ഭി​ക്കാ​നി​രി​ക്കെ​യാ​ണ് വേ​ന​ൽ​മ​ഴ ​എ​ത്തി​യ​ത്. ഏ​ക​ദേ​ശം 400 ഏ​ക്ക​റി​ന് മു​ക​ളി​ലാ​ണ് ഇ​രു പാ​ട​ശേ​ഖ​ര​ങ്ങ​ളും ചേ​ർ​ന്നു​ള്ള​ത്. അ​ടാ​ട്ട് ഒ​മ്പ​തു​മു​റി പാ​ട​ശേ​ഖ​ര​ത്തി​ൽ ഇ​ക്കു​റി 84 ഏ​ക്ക​റി​ലാ​ണ് കൃ​ഷി​യി​റ​ക്കി​യ​ത്.

ആ​ദ്യം വി​ത​ച്ച വി​ത്തു​ക​ൾ മു​ള​ക്കാ​താ​യ​തി​നെ തു​ട​ർ​ന്ന് ഇ​വി​ടെ ര​ണ്ടാ​മ​തും വി​ത ന​ട​ത്തി​യാ​ണ് കൃ​ഷി ന​ട​ത്തി​യ​ത്. ര​ണ്ടാ​ഴ്ച​ക്കു​ള്ളി​ൽ കൊ​യ്യാ​ൻ ത​യാ​റെ​ടു​ക്കു​ക​യാ​യി​രു​ന്നു ക​ർ​ഷ​ക​ർ. അ​തി​നു​ള്ള സം​വി​ധാ​ന​വും ത​യാ​റാ​ക്കി​യി​രു​ന്നു. അ​തെ​ല്ലാം അ​വ​താ​ള​ത്തി​ലാ​യി. ഇ​നി​യും വേ​ന​ൽ​മ​ഴ പെ​യ്യു​മോ എ​ന്ന ക​ടു​ത്ത ആ​ശ​ങ്ക​യി​ലാ​ണ് ക​ർ​ഷ​ക​രും പാ​ട​ശേ​ഖ​ര സ​മി​തി​ക​ളും.