മുനവ്വർ മുസ്തഫ
ചാവക്കാട്: പ്രായപൂർത്തിയാവാത്ത കുട്ടിയെ വിവാഹം വാഗ്ദാനം നൽകി ലൈംഗികമായി പീഡിപ്പിച്ച് ഗർഭിണിയാക്കിയ കേസിൽ യുവാവ് അറസ്റ്റിൽ. ചേറ്റുവ പണിക്കവീട്ടിൽ കല്ലുപറമ്പിൽ വീട്ടിൽ മുനവ്വർ മുസ്തഫയെയാണ് (22) ചാവക്കാട് പൊലീസ് അറസ്റ്റ് ചെയ്തത്. പെൺകുട്ടിയുമായി സ്നേഹബന്ധത്തിലായ പ്രതി ഗർഭിണിയാണെന്ന് അറിഞ്ഞ ശേഷം ഒഴിഞ്ഞുമാറുകയായിരുന്നു. പെൺകുട്ടിയുടെ മൊഴിയുടെ അടിസ്ഥാനത്തിൽ പോക്സോ നിയമപ്രകാരമാണ് കേസ് രജിസ്റ്റർ ചെയ്തത്.
കുന്നംകുളം എ.സി.പി ടി.എസ്. സിനോജിെൻറ നിർദേശപ്രകാരം പ്രിൻസിപ്പൽ എസ്.ഐ യു.കെ. ഷാജഹാൻ, എസ്.ഐമാരായ സിനോജ്, ആനന്ദ്, എ.എസ്.ഐ സജിത്ത്, സുനു, സി.പി.ഒമാരായ ശരത്ത്, സതീഷ്, മിഥുൻ, വനിതാ സി.പി.ഒമാരായ സുശീല, സൗദാമിനി എന്നിവരുടെ സംഘം നടത്തിയ അന്വേഷണത്തിലാണ് പ്രതിയെ പിടികൂടാൻ കഴിഞ്ഞത്. അറസ്റ്റ് ചെയ്ത പ്രതിയെ കോടതിയിൽ ഹാജരാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.