ആറ്റിങ്ങല്‍: ബിവറേജസ് ഗോഡൗണില്‍ നിന്ന് 1395 ലിറ്റര്‍ മദ്യം മോഷ്ടിച്ച് കടത്തിയ കേസില്‍ ഒരാള്‍ കൂടി അറസ്റ്റില്‍. കവലയൂര്‍ മൂങ്ങോട് കൂട്ടിക്കട കടയില്‍വീട്ടില്‍ കിരണ്‍ (22) ആണ് വ്യാഴാഴ്ച അറസ്റ്റിലായത്. കേസില്‍ ഇതുവരെ അറസ്റ്റിലായവരുടെ എണ്ണം അഞ്ചായി. അറസ്റ്റിലായവര്‍ മദ്യം വിറ്റ് സൂക്ഷിച്ചിരുന്ന 1,54,000 രൂപ പൊലീസ് കണ്ടെടുത്തിട്ടുണ്ട്. കേസുമായി നേരിട്ട് ബന്ധമുള്ള കൂട്ടിക്കട സ്വദേശി സജിന്‍വിജയന്‍ എന്നയാള്‍ കൂടി കസ്റ്റഡിയിലായതായി സൂചനയുണ്ട്.
കവലയൂര്‍ മൂങ്ങോട് പൂവത്ത് വീട്ടില്‍ രജിത്ത് (47), കവലയൂര്‍ മൂങ്ങോട് സുമവിലാസത്തില്‍ മെബിന്‍ ആര്‍തര്‍ (23), ചിറയിന്‍കീഴ് ആനത്തലവട്ടം ജിബിന്‍നിവാസില്‍ ജിബിന്‍ (29), ഒറ്റൂര്‍ മൂങ്ങോട് എവര്‍ഗ്രീന്‍ വീട്ടില്‍ നിഖില്‍ (21) എന്നിവരാണ് കേസില്‍ കഴിഞ്ഞദിവസങ്ങളില്‍ അറസ്റ്റിലായവര്‍. ഗോഡൗണിനുള്ളില്‍കടന്ന് മദ്യം പുറത്തെത്തിച്ചവരിലൊരാള്‍ കിരണാണെന്ന് പൊലീസ് പറഞ്ഞു. അറസ്റ്റിലായവരില്‍ ജിബിന്‍, നിഖില്‍ എന്നിവര്‍ മദ്യം വിൽപന നടത്തിയവരാണ്.
വെല്‍ഡിങ് തൊഴിലാളിയായ കിരണാണ് ഗോഡൗണിലെ മേല്‍ക്കൂരയുടെ ഷീറ്റ് ഉറപ്പിച്ചിരുന്ന നട്ട് ഇളക്കി മാറ്റി അകത്ത് കടക്കാമെന്ന് കണ്ടെത്തിയതും ആ വിദ്യ പ്രയോഗിച്ചതുമെന്ന് പൊലീസ് പറഞ്ഞു. ആറ്റിങ്ങല്‍ ഡിവൈ.എസ്.പി സി.എസ്. ഹരിയുടെ നിർദേശപ്രകാരം ഇന്‍സ്‌പെക്ടര്‍ ടി. രാജേഷ്‌കുമാറിെൻറ നേതൃത്വത്തിലുള്ള സംഘം അറസ്റ്റ് ചെയ്ത പ്രതിയെ കോടതിയില്‍ ഹാജരാക്കി
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.