സ്​പിന്നിങ്​ മില്ലിന്‍റെ മതിൽ ഇടിഞ്ഞുവീണ്​ വീട് തകർന്നു; ഒഴിവായത്​ വൻ അപകടം

ബാ​ല​രാ​മ​പു​രം: ബാ​ല​രാ​മ​പു​രം സ്​​പി​ന്നി​ങ്​ മി​ൽ മ​തി​ൽ ഇ​ടി​ഞ്ഞു​വീ​ണ് സ​മീ​പ​വീ​ട്​ ത​ക​ർ​ന്നു. ബാ​ല​രാ​മ​പു​രം തോ​പ്പി​ൽ ബീ​നാ​കു​മാ​രി​യു​ടെ വീ​ടി​നു​മു​ക​ളി​ലാ​ണ് മ​തി​ൽ ഇ​ടി​ഞ്ഞു​വീ​ണ​ത്. ഞാ​യ​റാ​ഴ്ച പു​ല​ർ​ച്ച മൂ​ന്നു​മ​ണി​യോ​ടെ തി​മി​ർ​ത്ത് പെ​യ്ത മ​ഴ​യി​ലാ​ണ് അ​പ​ക​ടം. ​

ക​രി​ങ്ക​ല്ലു​കൊ​ണ്ടു​ള്ള​ മ​തി​ൽ വീ​ണ് വീ​ടി​ന്‍റെ മു​ൻ​വ​ശം ത​ക​രു​ക​യാ​യി​രു​ന്നു. സ​പി​ന്നി​ങ്​ മി​ല്ലി​ന്‍റെ​യും ലാ​റ്റ​ക്സി​ന്‍റെ​യും മ​തി​ലി​ന്‍റെ വി​വി​ധ ഭാ​ഗ​ങ്ങ​ൾ ഏ​ത് നി​മി​ഷ​വും നി​ലം പൊ​ത്താം.

ദി​ന​വും നൂ​റു​ക​ണ​ക്കി​ന് യാ​ത്ര​ക്കാ​ർ പോ​കു​ന്ന റോ​ഡി​ലെ മ​തി​ലി​ന്‍റെ മ​റ്റൊ​രു ഭാ​ഗ​വും ഇ​ടി​ഞ്ഞു​വീ​ണു. ബാ​ല​രാ​മ​പു​രം ചാ​മ​വി​ള​പ്ര​ദേ​ശ​ത്ത് കൂ​ടി​യു​ള്ള യാ​ത്ര പ​ല​പ്പോ​ഴും ഭീ​തി​ദ​മാ​ണ്. എ​ത് നി​മി​ഷ​വും നി​ലം​പൊ​ത്താ​വു​ന്ന മ​തി​ലാ​ണ് അ​വ​ശേ​ഷി​ക്കു​ന്ന​തെ​ന്ന്​ നാ​ട്ടു​കാ​ർ പ​റ​യു​ന്നു.

സ്​​കൂ​ൾ കു​ട്ടി​ക​ൾ ഉ​ൾ​പ്പെ​ടെ ന​ട​ന്നു പോ​കു​ന്ന റോ​ഡി​ലെ മ​തി​ൽ രാ​ത്രി ത​ക​ർ​ന്ന​തി​നാ​ൽ വ​ലി​യ ദു​ര​ന്ത​മൊ​ഴി​വാ​യി. സ്​​പി​ന്നി​ങ്​ മി​ൽ മ​തി​ൽ അ​പ​ക​ടാ​വ​സ്ഥ​യി​ലാ​യി വ​ർ​ഷ​ങ്ങ​ൾ പി​ന്നി​ടു​മ്പോ​ഴും ന​ട​പ​ടി സ്വീ​ക​രി​ക്കാ​തെ അ​ധി​കൃ​ത​ർ മൗ​നം പാ​ലി​ക്കു​ന്ന​ത്​ വ​ൻ ദു​ര​ന്ത​ത്തി​നി​ട​യാ​ക്കു​മെ​ന്നും നാ​ട്ടു​കാ​ർ പ​റ​യു​ന്നു. ഒ​രു​മാ​സം മു​മ്പും ഐ​ത്തി​യൂ​ർ റോ​ഡി​ലെ മ​തി​ൽ ത​ക​ർ​ന്ന് വീ​ണി​രു​ന്നു.

പ​തി​റ്റാ​ണ്ടു​ക​ൾ​ക്ക് മു​മ്പ് നി​ർ​മി​ച്ച ഈ ​മ​തി​ൽ മ​ഴ​ക്കാ​ല​ത്ത് പൊ​ളി​ഞ്ഞ് വീ​ഴു​ന്ന ഭാ​ഗം അ​റ്റ​കു​റ്റ​പ്പ​ണി ചെ​യ്യു​ന്ന​ത​ല്ല​തെ പൂ​ർ​ണ​മാ​യ അ​റ്റ​കു​റ്റ​പ്പ​ണി ന​ട​ത്തി​യി​ട്ടി​ല്ല.1968​ൽ നി​ർ​മി​ച്ച മ​തി​ലി​ന് 12 അ​ടി​യോ​ളം ഉ​യ​ര​മു​ണ്ട്.

സ്​​പി​ന്നി​ങ്​ മി​ൽ മ​തി​ലി​ന്‍റെ അ​പ​ക​ട​ക​ര​മാ​യ ത​ര​ത്തി​ൽ സ്ഥി​തി​ചെ​യ്യു​ന്ന ഭാ​ഗ​ങ്ങ​ൾ പു​ന​ർ​നി​ർ​മി​ക്ക​ണ​മെ​ന്ന ആ​വ​ശ്യം ശ​ക്ത​മാ​കു​ന്നു.