അറസ്റ്റിലായ പ്രതികൾ
കോവളം: കോവളം പാം ബീച്ച് റസ്റ്റാറന്റിൽ കയറി ഉടമയെയും ജീവനക്കാരനെയും മർദിച്ച കേസിലെ പ്രതികളായ ആറുപേരെ കോവളം പൊലീസ് അറസ്റ്റ് ചെയ്തു. വിഴിഞ്ഞം തോട്ടിൻകരയിൽ തൗഫീഖ് മൻസിലിൽ മാലിക് (36), ആവാടുതുറ മായക്കുന്ന് വീട്ടിൽ വിജി (41), കണ്ണങ്കോട് പരുത്തിവിളാകം വീട്ടിൽ മനോജ് (29), വെങ്ങാനൂർ വെണ്ണിയൂർ വിപിൻ ഹൗസിൽ വിപിൻ (24), വിഴിഞ്ഞം മുക്കോല തലയ്ക്കോട് വാഴവിളാകത്ത് വടക്കരിക്കത്ത് പുത്തൻവീട്ടിൽ വേണു (49), വെങ്ങാനൂർ മുട്ടയ്ക്കാട് പുളിമൂട്ടിൽ ലാലു ഭവനിൽ ബിപിൻകുമാർ (34) എന്നിവരെയാണ് അറസ്റ്റ് ചെയ്തത്.
26ന് രാത്രി 10 ഓടെ മദ്യപിച്ചെത്തിയ ആറംഗസംഘം ഹോട്ടൽ ഉടമയായ വനിതയെയും ഹോട്ടൽ ജീവനക്കാരനായ അനിലിനെയും ക്രൂരമായി മർദിക്കുകയായിരുന്നു. കോവളം സി.ഐ ബിജോയ്, എസ്.ഐമാരായ അനീഷ്, അനിൽ, എ.എസ്.ഐ മുനീർ, സി.പി.ഒമാരായ ഷൈജു, സുധീർ, സെൽവൻ എന്നിവരുടെ നേതൃത്വത്തിലായിരുന്നു അറസ്റ്റ്. പ്രതികളെ കോടതിയിൽ ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.