തിരുവനന്തപുരം: കോവിഡ് നെഗറ്റിവായശേഷം മെഡിക്കൽ കോളജ് ആശുപത്രിയിൽനിന്ന് വിട്ടയച്ച രോഗിയുടെ തലയിൽ പുഴുവരിച്ച സംഭവത്തിൽ ആശുപത്രി ജീവനക്കാർക്കെതിരായ നടപടി ഉടൻ പൂർത്തിയാക്കണമെന്ന് സംസ്ഥാന മനുഷ്യാവകാശ കമീഷൻ നിർദേശിച്ചു.
തിരുവനന്തപുരം മണികണ്ഠേശ്വരം സ്വദേശി ആർ. അനിൽകുമാറിെൻറ തലയുടെ പിറകിൽ മുറിവ് പഴുത്ത് പുഴുവരിച്ച നിലയിൽ കെണ്ടത്തിയ സംഭവത്തിലാണ് ഡോക്ടർ, നഴ്സുമാർ ഉൾപ്പെടെ ജീവനക്കാരുടെ പേരിലുള്ള അച്ചടക്ക നടപടികൾ ഉടൻ പൂർത്തിയാക്കണമെന്ന് നിർദേശം നൽകിയത്.
മെഡിക്കൽ വിദ്യാഭ്യാസ ഡയറക്ടർക്കാണ് കമീഷൻ അധ്യക്ഷൻ ജസ്റ്റിസ് ആൻറണി ഡൊമിനിക് ഉത്തരവ് നൽകിയത്. രോഗിയുടെ ഭാര്യ മണികണ്ഠേശ്വരം സ്വദേശിനി എസ്. അനിതകുമാരി സമർപ്പിച്ച പരാതിയിലാണ് ഉത്തരവ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.