പരിക്കേറ്റ അമ്മയും മകളും പാറശ്ശാല സര്‍ക്കാര്‍ ആശുപത്രിയില്‍ ചികിത്സയില്
വെള്ളറട: വെള്ളറട മരപ്പാലത്ത് വയോധികയെയും മകളെയും വീടുകയറി മർദിച്ചു. മരപ്പാലം സ്വദേശി സുന്ദരി (75), മകള്‍ ഗീത (46) എന്നിവരെയാണ് വഴി തര്‍ക്കത്തിന്റെ പേരില്‍ സമീപവാസികൾ മര്‍ദിച്ചത്. 15ഓളം പേര്‍ ചേർന്ന് മതില്‍ പൊളിക്കുകയും ചെയ്തു.
നാല് മാസമായി വഴിയുടെ പേരില്‍ തര്‍ക്കം നടക്കുകയാണ്. കോടതി സ്‌റ്റേ നിലനില്‍ക്കെയാണ് എതിര്‍ കക്ഷികളായ ബീജു (40), അഹില്‍ (21), മറ്റൊരു യുവാവ് എന്നിവർ വീട് കയറി മർദിച്ചത്. മർദനദൃശ്യങ്ങള്‍ പുറത്തുവന്നശേഷമാണ് പൊലീസ് അക്രമികളെ പിടികൂടാന്‍ തയാറായത്. വെള്ളറട പൊലീസില്‍ പരാതി നല്‍കി. ഗുരുതരമായി പരിക്കേറ്റ അമ്മയും മകളും പാറശ്ശാല സര്‍ക്കാര്‍ ആശുപത്രിയില്‍ ചികിത്സയിലാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.