മണ്ണിനടിയിൽ കുടുങ്ങി മഹാരാജൻ; പ്രതീക്ഷ കൈവിടാതെ നാട്

വി​ഴി​ഞ്ഞം: അ​വ​സാ​ന​വ​ട്ട ദൗ​ത്യ​വും പൂ​ർ​ത്തി​യാ​ക്കി ക​ര​ക​യ​റാ​നു​ള്ള ശ്ര​മ​ത്തി​നി​ട​യി​ൽ മ​ണ്ണി​ന് ഇ​ള​ക്കം​ത​ട്ടി, ര​ക്ഷ​പ്പെ​ടാ​ൻ സ​ഹ​പ്ര​വ​ർ​ത്ത​ക​രു​ടെ മു​ന്ന​റി​യി​പ്പ് മാ​നി​ച്ച് നി​വ​രു​ന്ന​തി​നി​ട​യി​ൽ കി​ണ​ർ വ​ലി​യ ശ​ബ്ദ​ത്തോ​ടെ ഇ​ടി​ഞ്ഞു​താ​ഴ്ന്നു. നി​മി​ഷ​ങ്ങ​ൾ​ക്കു​ള്ളി​ൽ എ​ല്ലാം അ​വ​സാ​നി​ച്ചു. വെ​ങ്ങാ​നൂ​ർ നീ​ല​കേ​ശി റോ​ഡ് നെ​ല്ലി​ത​റ​യി​ൽ മ​ഹാ​രാ​ജ(55)​നാ​ണ് മ​ണ്ണി​ടി​ഞ്ഞ് വീ​ണ് കി​ണ​റി​ൽ അ​ക​പ്പെ​ട്ട​ത്. ഇ​ദ്ദേ​ഹ​ത്തെ പു​റ​ത്തെ​ടു​ക്കാ​ൻ ശ്ര​മം രാ​ത്രി വൈ​കി​യും തു​ട​രു​ന്നു.

ശ​നി​യാ​ഴ്ച രാ​വി​ലെ 7.30ഓ​ടെ​യാ​ണ് മ​ഹാ​രാ​ജ​നും മു​ക്കോ​ല സ്വ​ദേ​ശി​ക​ളാ​യ മോ​ഹ​ൻ, ക​ണ്ണ​ൻ, ശേ​ഖ​ർ, പു​ന്ന​കു​ളം സ്വ​ദേ​ശി മ​ണി​ക​ണ്ഠ​ൻ എ​ന്നി​വ​രു​ൾ​പ്പെ​ട്ട തൊ​ഴി​ലാ​ളി​ക​ൾ മു​ക്കോ​ല സ​ർ​വ​ശ​ക്തി​പു​രം റോ​ഡി​ൽ സു​കു​മാ​ര​ൻ എ​ന്ന​യാ​ളി​ന്‍റെ വീ​ട്ടു​വ​ള​പ്പി​ലെ 90 അ​ടി ആ​ഴ​മു​ള്ള കി​ണ​ർ വൃ​ത്തി​യാ​ക്കാ​നെ​ത്തി​യ​ത്. ജോ​ലി തു​ട​രു​ന്ന​തി​നി​ടെ രാ​വി​ലെ ഒ​മ്പ​തോ​ടെ​യാ​ണ് അ​പ​ക​ടം.

ക​ഴി​ഞ്ഞ ആ​ഴ്ച​യി​ൽ നാ​ല് ദി​വ​സ​ത്തെ പ​ണി​ക്ക് ശേ​ഷം മ​ഴ ക​ണ​ക്കി​ലെ​ടു​ത്ത് നി​ർ​ത്തി​വെ​ച്ച പ്ര​വൃ​ത്തി​യാ​ണ് കി​ണ​ർ ച​തി​ക്കി​ല്ലെ​ന്ന വി​ശ്വാ​സ​ത്തി​ൽ ശ​നി​യാ​ഴ്ച പുനഃരാ​രം​ഭി​ച്ച​ത്. 90 അ​ടി​യോ​ളം താ​ഴ്ച​യു​ള്ള കി​ണ​റി​നു​ള്ളി​ൽ നേ​ര​ത്തെ​യു​ണ്ടാ​യി​രു​ന്ന 16 റി​ങ്ങു​ക​ൾ​ക്കു​പ​രി (ഉ​റ) പു​തു​താ​യി ഇ​റ​ക്കി​യ 15 റി​ങ്ങു​ക​ൾ​ക്കി​ട​യി​ൽ മ​ണ്ണ്​ നി​റ​ക്ക​ലാ​യി​രു​ന്നു ഇ​ന്ന​ല​ത്തെ പ്ര​ധാ​ന ദൗ​ത്യം. ഇ​തോ​ടൊ​പ്പം കി​ണ​റി​ൽ നേ​ര​ത്തെ കു​ടു​ങ്ങി​യ മോ​ട്ടോ​റും പു​റ​ത്തെ​ടു​ക്ക​ണ​മാ​യി​രു​ന്നു.

പ​മ്പ് ഉ​പ​യോ​ഗി​ച്ച് വെ​ള്ളം വ​റ്റി​ച്ച​ശേ​ഷം മ​ണ്ണ് നി​റ​ക്കാ​നു​ള്ള ശ്ര​മ​ങ്ങ​ൾ സം​ഘം ആ​രം​ഭി​ച്ചു. മ​ണി​ക​ണ്ഠ​നും മ​ഹാ​രാ​ജ​നും കി​ണ​റി​നു​ള്ളി​ൽ ഇ​റ​ങ്ങി ചെ​ളി​യി​ൽ പു​ത​ഞ്ഞു​കി​ട​ന്ന മോ​ട്ടോ​ർ എ​ടു​ക്കാ​ൻ ശ്ര​മി​ക്കു​ന്ന​തി​നി​ട​യി​ൽ പ​ത്ത​ടി​യോ​ളം ഉ​യ​ര​ത്തി​ൽ വെ​ള്ളം പൊ​ങ്ങി. ദു​ഷ്ക​ര​മെ​ന്ന് മ​ന​സ്സി​ലാ​ക്കി​യ ഇവർ മോ​ട്ടോ​ർ ക​ര​ക്കെ​ത്തി​ക്കു​ന്ന​തി​നു​ള്ള ശ്ര​മം ഉ​പേ​ക്ഷി​ച്ച് പു​റ​ത്തു​ക​ട​ക്കാ​ൻ ശ്ര​മി​ക്ക​വേ​യാ​ണ് അ​പ​ക​ടം.മു​ക​ളി​ൽ​നി​ന്നു​ള്ള മ​ണ്ണി​ന് ഇ​ള​ക്കം​ത​ട്ടു​ന്ന​താ​യി മ​ന​സ്സി​ലാ​ക്കി​യ മ​ണി​ക​ണ്ഠ​ൻ മ​ഹാ​രാ​ജ​നോ​ട് ര​ക്ഷ​പ്പെ​ടാ​ൻ ആ​വ​ശ്യ​പ്പെ​ട്ട​ശേ​ഷം വേ​ഗ​ത്തി​ൽ മു​ക​ളി​ലേ​ക്ക് ക​യ​റി.

മ​ഹാ​രാ​ജ​നും അ​പ​ക​ടം മ​ന​സ്സി​ലാ​ക്കി മു​ക​ളി​ലേ​ക്ക് ക​യ​റാ​ൻ തു​ട​ങ്ങു​ന്ന​തി​നി​ട​യി​ൽ റി​ങ്ങു​ക​ൾ ത​ക​ർ​ത്ത മ​ൺ​കൂ​ന വ​ലി​യ ശ​ബ്ദ​ത്തോ​ടെ താ​ഴേ​ക്ക് പ​തി​ക്കു​ക​യാ​യി​രു​ന്നു. നി​മി​ഷ​ങ്ങ​ൾ​ക്കു​ള്ളി​ൽ കി​ണ​ർ ആ​ഴ​ത്തി​ന്റെ നേ​ർ​പ​കു​തി​യാ​യി മണ്ണ് ഉ​യ​ർ​ന്നു. നാ​ൽ​പ​ത​ടി​യോ​ളം ഉ​യ​ര​ത്തി​ൽ മൂ​ടി​യ മ​ണ്ണി​ന​ടി​യി​ൽ മ​ഹാ​രാ​ജ​ൻ അ​ക​പ്പെ​ട്ടു. ഒ​ന്നും ചെ​യ്യാ​നാ​കാ​തെ നി​സ്സ​ഹാ​യ​രാ​യ സ​ഹ​പ്ര​വ​ർ​ത്ത​ക​രു​ടെ ഉ​ച്ച​ത്തി​ലു​ള്ള വി​ളി കേ​ട്ടെ​ത്തി​യ നാ​ട്ടു​കാ​ർ​ക്കും നോ​ക്കി​നി​ൽ​ക്കാ​നേ ക​ഴി​ഞ്ഞു​ള്ളൂ.

ഉ​പ​ജീ​വ​ന​ത്തി​നാ​യു​ള്ള കി​ണ​ർ​പ​ണി​ക്കി​ട​യി​ൽ മ​ണ്ണി​ന​ടി​യി​ൽ അ​ക​പ്പെ​ട്ട് മ​ണി​ക്കൂ​റു​ക​ൾ ക​ഴി​ഞ്ഞും പു​റ​ത്തെ​ടു​ക്കാ​നാ​കാ​ത്ത തൊ​ഴി​ലാ​ളി​യു​ടെ ജീ​വ​നു വേ​ണ്ടി നാ​ട് മു​ഴു​വ​ൻ പ്രാ​ർ​ഥ​ന​യി​ലാ​ണ്.