മു​ണ്ട​ക്കൈ-​ചൂ​ര​ല്‍മ​ല പുനരധിവാസം; അന്തിമപട്ടികയിൽ പരാതി നൽകാം

ക​ൽ​പ​റ്റ: മു​ണ്ട​ക്കൈ-​ചൂ​ര​ല്‍മ​ല പു​ന​ര​ധി​വാ​സ ടൗ​ണ്‍ഷി​പ്പി​നാ​യു​ള്ള അ​ന്തി​മ ഗു​ണ​ഭോ​ക്തൃ പ​ട്ടി​ക​യി​ല്‍ ആ​ക്ഷേ​പ​ങ്ങ​ളും പ​രാ​തി​ക​ളും ഉ​ന്ന​യി​ക്കാ​ൻ അ​വ​സ​രം. 402 ഗു​ണ​ഭോ​ക്താ​ക്ക​ളാ​ണ് പ​ട്ടി​യി​ലു​ള്ള​ത്. ജി​ല്ല ദു​ര​ന്ത​നി​വാ​ര​ണ അ​തോ​റി​റ്റി പ​ട്ടി​ക സ​ർ​ക്കാ​റി​ന് കൈ​മാ​റി​യി​ട്ടു​ണ്ട്.

പൊ​തു​ജ​ന​ങ്ങ​ള്‍ക്ക് അ​ന്തി​മ 2 ബി ​പ​ട്ടി​ക ക​ല​ക്ട​റേ​റ്റ്, മാ​ന​ന്ത​വാ​ടി ആ​ർ.​ഡി.​ഒ ഓ​ഫി​സ്, വൈ​ത്തി​രി താ​ലൂ​ക്ക് ഓ​ഫി​സ്, വെ​ള്ള​രി​മ​ല വി​ല്ലേ​ജ് ഓ​ഫി​സ്, മേ​പ്പാ​ടി ഗ്രാ​മ​പ​ഞ്ചാ​യ​ത്ത്, ജി​ല്ല ഭ​ര​ണ​കൂ​ട​ത്തി​ന്റ​യും ത​ദ്ദേ​ശ സ്വ​യം​ഭ​ര​ണ വ​കു​പ്പി​ന്റെ​യും വെ​ബ്‌​സൈ​റ്റു​ക​ളി​ലും പ​രി​ശോ​ധി​ക്കാം.

അ​ന്തി​മ പ​ട്ടി​ക​യി​ല്‍ പ​രാ​തി​യു​ള്ള​വ​ര്‍ക്ക് ദു​ര​ന്ത നി​വാ​ര​ണ (എ) ​വ​കു​പ്പി​ല്‍ ന​ല്‍കാ​മെ​ന്ന് ജി​ല്ല ദു​ര​ന്ത നി​വാ​ര​ണ വി​ഭാ​ഗം ചെ​യ​ര്‍പേ​ഴ്‌​സ​ൻ കൂ​ടി​യാ​യ ജി​ല്ല ക​ല​ക്ട​ര്‍ ഡി.​ആ​ര്‍. മേ​ഘ​ശ്രീ അ​റി​യി​ച്ചു. പു​ന​ര​ധി​വാ​സ​ത്തി​ന് ഇ​തു​വ​രെ സ​മ്മ​ത​പ​ത്രം ന​ൽ​കി​യ​ത് 72 പേ​രാ​ണ്. മേ​പ്പാ​ടി ഗ്രാ​മ​പ​ഞ്ചാ​യ​ത്തി​ലെ 10, 11, 12 വാ​ര്‍ഡു​ക​ളി​ലു​ള്ള​വ​രാ​ണി​വ​ർ.

ടൗ​ണ്‍ഷി​പ്പി​ല്‍ വീ​ടി​നാ​യി 67 പേ​രും സാ​മ്പ​ത്തി​ക സ​ഹാ​യ​ത്തി​നാ​യി അ​ഞ്ചു പേ​രു​മാ​ണ് സ​മ്മ​തം​പ​ത്രം ന​ല്‍കി​യ​ത്. ഗു​ണ​ഭോ​ക്തൃ പ​ട്ടി​ക​യി​ലു​ള്‍പ്പെ​ട്ട​വ​ര്‍ക്ക് മാ​ര്‍ച്ച് 24 വ​രെ സ​മ്മ​ത​പ​ത്രം ന​ല്‍കാം. ടൗ​ണ്‍ഷി​പ്പി​ല്‍ വീ​ട് വേ​ണോ, സാ​മ്പ​ത്തി​ക സ​ഹാ​യം വേ​ണോ എ​ന്ന​ത് സം​ബ​ന്ധി​ച്ച ഗു​ണ​ഭോ​ക്താ​ക്ക​ളു​ടെ അ​ന്തി​മ പ​ട്ടി​ക ഏ​പ്രി​ല്‍ 20 ന് ​പ്ര​സി​ദ്ധീ​ക​രി​ക്കും.

ഒടുവിൽ ഷൈജ ബേബിയും പട്ടികയിൽ

ക​ൽ​പ​റ്റ: ഉ​രു​ൾ​ദു​ര​ന്ത​ത്തി​ൽ ഉ​റ്റ​വ​രെ ന​ഷ്ട​പ്പെ​ട്ടി​ട്ടും സ​ജീ​വ​മാ​യി ര​ക്ഷാ​പ്ര​വ​ർ​ത്ത​ന​ത്തി​ലേ​ർ​പ്പെ​ട്ട മു​ണ്ട​ക്കൈ​യി​ലെ സാ​മൂ​ഹി​ക​പ്ര​വ​ർ​ത്ത​ക ഷൈ​ജ ബേ​ബി​യും ഒ​ടു​വി​ൽ പു​ന​ര​ധി​വാ​സ പ​ട്ടി​ക​യി​ൽ. ഉ​രു​ൾ​പൊ​ട്ട​ൽ ദി​വ​സം രാ​വി​ലെ മു​ത​ൽ മേ​പ്പാ​ടി ആ​രോ​ഗ്യ കേ​ന്ദ്ര​ത്തി​ലെ​ത്തി​ച്ച മൃ​ത​ദേ​ഹ​ങ്ങ​ൾ തി​രി​ച്ച​റി​യാ​ൻ ക​ഴി​യാ​തെ സ​ന്ന​ദ്ധ പ്ര​വ​ർ​ത്ത​ക​ർ ബു​ദ്ധി​മു​ട്ടി​യ​പ്പോ​ൾ, ഷൈ​ജ ബേ​ബി​യാ​ണ് സ​ഹാ​യ​ത്തി​നെ​ത്തി​യ​ത്.

മേ​പ്പാ​ടി സാ​മൂ​ഹി​കാ​രോ​ഗ്യ കേ​ന്ദ്ര​ത്തി​ന് കീ​ഴി​ൽ 16 വ​ർ​ഷ​മാ​യി ആ​ശാ പ്ര​വ​ർ​ത്ത​ക​യാ​ണ്. ചൂ​ര​ൽ​മ​ല ദു​ര​ന്താ​ന​ന്ത​രം ന​ട​ത്തി​യ പ്ര​വ​ർ​ത്ത​ന​ങ്ങ​ൾ സാ​മൂ​ഹ്യ സേ​വ​ന​ത്തി​നു​ള്ള കേ​ര​ള​ശ്രീ പു​ര​സ്കാ​ര​ത്തി​ന് ഷൈ​ജ​യെ അ​ർ​ഹ​യാ​ക്കി​യി​രു​ന്നു. എ​ന്നാ​ൽ, പു​ന​ര​ധി​വാ​സ​ത്തി​നു​ള്ള ടൗ​ൺ​ഷി​പ്പ് പ​ദ്ധ​തി​ക്കു​ള്ള മു​ൻ പ​ട്ടി​ക​യി​ൽ ഇ​വ​ർ ഉ​ൾ​പ്പെ​ടാ​ത്ത​ത് പ്ര​തി​ഷേ​ധ​ത്തി​നി​ട​യാ​ക്കി.

സി.​പി.​ഐ പ്ര​വ​ർ​ത്ത​ക​യാ​ണ് ഷൈ​ജ. ഇ​വ​രെ ഒ​ഴി​വാ​ക്കി​യ​തി​ൽ സി.​പി.​ഐ ജി​ല്ല സെ​ക്ര​ട്ട​റി ഇ.​ജെ. ബാ​ബു​വും വി​മ​ർ​ശ​ന​മു​ന്ന​യി​ച്ചി​രു​ന്നു. അ​ന്തി​മ പ​ട്ടി​ക പു​റ​ത്തു​വ​ന്ന​പ്പോ​ഴാ​ണ് ഷൈ​ജ ബേ​ബി ഉ​ൾ​പ്പെ​ട്ട​ത്.