മാനന്തവാടി: മാനന്തവാടി ടൗണിൽ എസ്.ഡി.പി.ഐ നടത്തിയ പ്രതിഷേധ പ്രകടനത്തിനിടെ ബധിര-മൂക യുവാവിനെ മർദിച്ചതുമായി ബന്ധപ്പെട്ട കേസിൽ നാല് എസ്.ഡി.പി.ഐ പ്രവർത്തകർ അറസ്റ്റിൽ. മക്കിയാട് 12ാം മൈൽ ചെറിയാണ്ടി വീട്ടിൽ ഇബ്രാഹിം (43), എടവക 2/4 താഴത്ത് വീട്ടിൽ സൈനുദ്ദീൻ (32), കാരക്കാമല കല്ലങ്കണ്ടി വീട്ടിൽ യൂനസ് (30), മക്കിയാട് പന്ത്രണ്ടാം മൈല്‍ ചെറിയാണ്ടി വീട്ടില്‍ ജാഫര്‍ (43) എന്നിവരെയാണ് അറസ്റ്റ് ചെയ്തത്.
സംഭവം നടന്ന സ്ഥലത്തെയും മറ്റും സി.സി.ടി.വി ദൃശ്യങ്ങളും ഫോട്ടോകളും പരിശോധിച്ചാണ് പൊലീസ് പ്രതികളെ കണ്ടെത്തിയത്.ആലപ്പുഴയിലെ എസ്.ഡി.പി.ഐ നേതാവായ കെ.എസ്. ഷാനി‍െൻറ കൊലപാതകവുമായി ബന്ധപ്പെട്ടായിരുന്നു മാനന്തവാടി ടൗണിൽ പ്രതിഷേധ പ്രകടനം നടത്തിയത്. ഇതിനിടെ, ബസ്സ്റ്റാൻഡിന് സമീപത്തുനിന്ന് ഫോണിൽ വിഡിയോ കാൾ ചെയ്യുകയായിരുന്ന യുവാവ് പ്രകടനത്തി‍െൻറ വിഡിയോ ഫോണിൽ ചിത്രീകരിക്കുകയാണെന്ന് തെറ്റിദ്ധരിച്ച് മർദിക്കുകയായിരുന്നെന്നാണ് നിഗമനം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.