തു​ക ബാ​ങ്കി​ല​ട​ക്കാ​തെ ബാ​ങ്ക് മാ​നേ​ജ​ർ ക​ബ​ളി​പ്പി​ച്ച​താ​യി പ​രാ​തി

മാ​ന​ന്ത​വാ​ടി: വാ​യ്പ​യെ​ടു​ത്ത് ന​ൽ​കി​യ തു​ക ബാ​ങ്കി​ല​ട​ക്കാ​തെ ബാ​ങ്ക് മാ​നേ​ജ​ർ ക​ബ​ളി​പ്പി​ച്ച​താ​യി പ​രാ​തി. മു​മ്പ് ജി​ല്ല ബാ​ങ്കും ഇ​പ്പോ​ൾ കേ​ര​ള ബാ​ങ്കു​മാ​യ മാ​ന​ന്ത​വാ​ടി ശാ​ഖ​യി​ലെ മാ​നേ​ജ​റാ​യി​രു​ന്ന ജോ​ഷി​യാ​ണ് ത​ന്നെ പ​റ്റി​ച്ച​തെ​ന്ന് മ​ക്കി​മ​ല സ്വ​ദേ​ശി​യാ​യ ജോ​സ​ഫ് ക​പ്പ​ലു​മാ​ക്കാ​ൽ വാ​ർ​ത്ത​സ​മ്മേ​ള​ന​ത്തി​ൽ ആ​രോ​പി​ച്ചു.

ജോ​സ​ഫ് 2017ൽ ​ബാ​ങ്കി​ൽ​നി​ന്ന്​ മൂ​ന്നു ല​ക്ഷം രൂ​പ വാ​യ്പ​യെ​ടു​ത്തി​രു​ന്നു. പി​ന്നീ​ട് ഭാ​ര്യ​യു​ടെ പേ​രി​ലു​ള്ള സ്ഥ​ലം ഈ​ടാ​യി ന​ൽ​കി കൂ​ട്ടു​കാ​ര​െൻറ ഭാ​ര്യ​യു​ടെ പേ​രി​ൽ മൂ​ന്നു ല​ക്ഷം രൂ​പ വാ​യ്പ​യെ​ടു​ത്ത് ബാ​ങ്ക് മാ​നേ​ജ​ർ​ക്കും കൂ​ട്ടു​കാ​ര​നു​മാ​യി ന​ൽ​കി. മൂ​ന്നു ല​ക്ഷം രൂ​പ അ​ട​ച്ചു​കൊ​ള്ളു​മെ​ന്ന ഉ​റ​പ്പി​ന്മേ​ലാ​ണ് വാ​യ്പ പ​ണം ബാ​ങ്ക് മാ​നേ​ജ​ർ​ക്ക് ന​ൽ​കി​യ​ത്. എ​ന്നാ​ൽ, കാ​ലാ​വ​ധി ക​ഴി​ഞ്ഞ് ബാ​ങ്കി​ൽ​നി​ന്ന്​ നോ​ട്ടീ​സ് വ​ന്ന​പ്പോ​ഴാ​ണ് വാ​യ്പ തു​ക അ​ട​ച്ചി​ല്ലെ​ന്ന് അ​റി​യാ​ൻ ക​ഴി​ഞ്ഞ​ത്.

പി​ന്നീ​ട് ബാ​ങ്ക് മാ​നേ​ജ​റാ​യ ജോ​ഷി മൂ​ന്നു ല​ക്ഷം രൂ​പ​യു​ടെ ചെ​ക്ക് ത​ന്നെ​ങ്കി​ലും ബാ​ങ്കി​ൽ പ​ണ​മി​ല്ലാ​തെ മ​ട​ങ്ങു​ക​യാ​ണ് ഉ​ണ്ടാ​യ​തെ​ന്നും ബാ​ങ്ക് മാ​നേ​ജ​റു​ടെ ന​ട​പ​ടി​ക്കെ​തി​രെ നി​യ​മ ന​ട​പ​ടി സ്വീ​ക​രി​ക്കു​മെ​ന്നും ജോ​സ​ഫ് പ​റ​ഞ്ഞു. വാ​ർ​ത്ത​സ​മ്മേ​ള​ന​ത്തി​ൽ വി​ജ​യ​കു​മാ​ർ മ​ക്കി​മ​ല, അ​ബ്ര​ഹാം ആ​ന​ച്ചാ​ലി​ൽ തു​ട​ങ്ങി​യ​വ​ർ പ​ങ്കെ​ടു​ത്തു.